رغم الغياب ووقتنا اللي شغلنا=ويلان باقي قدرها وسط قلبي

وش عاد لو قالوا لك الناس طيب=في هالزمن ماينفع الطيب راعيه
شف الردي لاهل المجالس قريب=ماله يرزه يوم شحت اياديه
وكلاً يقول الشيخ هذا حبيب=امجاد تكتب سطروها ماهي فيه
كذب ونفاق والفوا له كتيب=تركض وراه يعد حتى مواطيه
حطوه حر وبالفعايل يخيب=والصيد ماهو من مزايا معانيه
والا انت فعلك لو تعلى غريب=تبقى غريب اطباع تنكر مباديه
وقتٍ دروبه يابو لارا تشيب=ماهي بمثل اول تحدد مساريه
وختامها مهما حصل لاتغيب=ولاتغرك ابيات شعري مواريه
الطيب يبقى وناتج الطيب طيب=والا الردى من قربه غير يعديه