قبـل العلـوم وصحهـا مـن غلطهـا=نفسي عزيزه وأفهـم العلـم ياهـنّ ؟!
من قال لك " كوفية " الـرأس مطهـا=من قال لك حتى " تمكـن " تمسكـنّ ؟
أقرأ الحـروف اللـي عليهـا نقطهـا=وردد صدى صوت الحزين ومعـه ونّ
قصيدتـي يسبـق رضاهـا سخطهـا=واهج غضبها فيه نفـثٍ مـن الجـنّ
خذها غنيمـه لـك نصيبـك صفطهـا=وأرقص على الحبلين وألعب على الصنّ
ونفسك من اللي يلحق الوجـه عطهـا=وخذ من حطام كنـوز دنيـاك بالطـنّ
وغيّر بـ"روتيـن " الحيـاة ونمطهـا=وأضحك مع الدولار وأرقص مع اليـنّ
وأدفن فقر شهـب السنيـن وقحطهـا=وموت الكرامـه كـل ماتذكـره غـنّ
ما أنت الوحيد اللـي حصاتـه قرطهـا=بالمنهـل اللـي عـن طريقـه تمكـنّ
كـم نـاورت رؤس النفـاق ابلغطهـا=بين أنعـدام الـذوق واحكايـة الفـنّ
وفي وسط الأمة " ثلةٍ " مـن قبطهـا=تظهر حسب " طقس المنـاخ " وتلـونّ
نـاسٍ كشفنـا بالنهـايـة اخططـهـا=وحنّا أول المشوار نحسن بهـا الظـنّ
تغيّـرت مـن يـوم ربـي بسطـهـا=وبعد الوفاء صارت مثل سوسة السـنّ
واهل الرداء بالمال مـا احـدٍ غبطهـا=خِسران دنيـا وديـن مهمـا تشيطـنّ
وقبل أنتهي خـذ هالمقولـه وحطهـا=تصحيح صـورة لا حسافـه ولا مـنّ
أن بعثـر الوقـت الأمـور وخلطـهـا=موتك فقير00 ولاغنـاء ذل ياهـنّ؟!