المشاركة الأصلية كتبت بواسطة فواز الزناتي

السلام عليكم ورحمة الله وبركاته


أعزائي الكرام


أعضاء وزوار هذا الصرح الشامخ
إني لسعيد بتواجدي معكم وأشكر الاخ والشاعر بدر الحنيف على دعوته لي
لمشاركتم هذا المنتدى الرائع
الذي لا احتاج الى ان يقدمني إليه احد
فأنا بين إخواني وعلى قولتنا ( المحل محلي )
فأرجو أن تقبلوني كواحد من أفراد أسرتكم

وأحب أن تكون إطلالتي عليكم بهذه القصيده اللتي أتمنى ان تحوز على رضاكم واستحسانكم وان تسمو إلى ذوائقكم الرائعه ......




[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
لا هان من يسمع يا ثامر ولا هنت=يا مسندي .. يا محزمي .. يا غناتي
جاني كلام وفي كلامك تمعنت=لا هان رجل ٍ بالحميّا يحاتي
لكن يابن عمي لو إنك تفطنت=فيني وتعرفني وتعرف صفاتي
دامي على درب الرجوله تمعدنت !!=صعب الذهب يصدى إذا صار ذاتي
لا مرّت الزينه معاها تهيجنت=وإن مرّت السيّه كما الريح عاتي
كم راس شيبته .. وكم راس جننت=يخسون .. ما يرمون عنّي عباتي
وأنا ابدوي ٍ بالبداوه تعربنت=وأسمى طبوع اليعربيّه سماتي
إن خوّن الخوّان .. وقفت ما خنت=وإن حاول يفرّق .. جمعت الشتاتي
والدين أردّه كان .. دولار .. أو سنت=وأسمى الفعايل هي خلاصة مناتي
صغير سن .. وقاسي العظم ما لنت=ركزة جبال طويق .. رمز لثباتي
رجيح عقل .. وللجزيله تمكنت=ماسك جزيل العلم .. مسكة عصاتي
وأكبر دليل إني بعقلي تفننت=إسمع ثلاث بيوت .. خذها وصاتي
آطا على خشم الشعر .. كاني أيقنت=إنه يسبب لي ردى .. في حياتي
وكان الرجوله صارت بذلّة البنت=يحرم علي إني لاخاشر خواتي
وكان الردى مسلم .. كفرت وتشيطنت=وكان أعلن بكفره .. أبعلن صلاتي
وأبي ليامن مت .. وكلي تطحّنت=يبقى الذكر موجود .. عقب المماتي
وأنا بكلامك يابن عمي تمعنت=وأسمع كلامي .. وأسمع الهرج آتي
إن كان جاك العلم .. إني أنا لنت=ماني أنا فواز .. ولاني زناتي
[/poet]



وسلاااااااااامتكم


فواز الزناتي ..............,,