عديت انا مرقاب رجم مظلي=مع نايفه تشرف على كل عرقوب
في راس عيطا وابنباها المطلي=وشمس العصر تبعد عن الشوف بغروب
يارجم انا بنشدك يارجم قلي=مامرك من الناس يارجم رعبوب
يارجم ماعينت لي زول خلي=اللي من اوصاف الحلا صب مصبوب
ابو العيون اللي هدبهن مظلي=اكحل نحيل الخصر يا وي عذروب
ابو الجديل اللي زهاه التدلي=اسود وسايب مايوصف بخرنوب
اللي اليا منه على المتن فلي=يلعب به النسناس مع كل جاذوب
سبحان من صور جميل المثلي=اللي سببهن جوة القلب لاهوب
انا اشهد ان الزين ماله تحلي=من سبته عقلي من الراس منهوب
يارجم انا بنشدك كانك مدلي=عطني جواب يشفي الصدر متعوب
اقفو مع ابروق سناها يللي=يتلون وسمٍ دون حروه ولا ادروب
مزون السحاب اللي مطرها يهلي=ضوحه لمع من كل يمه ومن صوب
وانا على امراح المقيظ بمحلي=مره اجر هجيني ونوب مسحوب
ياقلبي اللي فات خله يولي=لاتفتح لحالك على الحزن لك بوب
راح الزمان اللي به الطيب زلي=ولاعاد يستر فعل وقت به اعيوب
بيت لزول الضيف دايم يهلي=عمدانه طاحت عقب ماهو بمنصوب
واليوم وقتي ياحسافه مولي=واجهت شي ول ماكان محسوب
دجه وضيعه ويش ابا آخذ واخلي=الشات والايميل والنت وقروب
متحت وليلى والمواعيد واللي=مايطري اببالك ترى صار ماجوب
احسن لي اسكت وانسحب كل كلي=والجمر خله بالمعاليق مشبوب
والجادل اللي طيفها والمنٍ لي=اقفت وخلت قلبي وعقلي اذهوب

عديت انا مرقاب رجم مظلي=مع نايفه تشرف على كل عرقوب
في راس عيطا وابنباها المطلي=وشمس العصر تبعد عن الشوف بغروب
يارجم انا بنشدك يارجم قلي=مامرك من الناس يارجم رعبوب
يارجم ماعينت لي زول خلي=اللي من اوصاف الحلا صب مصبوب
ابو العيون اللي هدبهن مظلي=اكحل نحيل الخصر يا وي عذروب
ابو الجديل اللي زهاه التدلي=اسود وسايب مايوصف بخرنوب
اللي اليا منه على المتن فلي=يلعب به النسناس مع كل جاذوب
سبحان من صور جميل المثلي=اللي سببهن جوة القلب لاهوب
انا اشهد ان الزين ماله تحلي=من سبته عقلي من الراس منهوب
يارجم انا بنشدك كانك مدلي=عطني جواب يشفي الصدر متعوب
اقفو مع ابروق سناها يللي=يتلون وسمٍ دون حروه ولا ادروب
مزون السحاب اللي مطرها يهلي=ضوحه لمع من كل يمه ومن صوب
وانا على امراح المقيظ بمحلي=مره اجر هجيني ونوب مسحوب
ياقلبي اللي فات خله يولي=لاتفتح لحالك على الحزن لك بوب
راح الزمان اللي به الطيب زلي=ولاعاد يستر فعل وقت به اعيوب
بيت لزول الضيف دايم يهلي=عمدانه طاحت عقب ماهو بمنصوب
واليوم وقتي ياحسافه مولي=واجهت شي ول ماكان محسوب
دجه وضيعه ويش ابا آخذ واخلي=الشات والايميل والنت وقروب
متحت وليلى والمواعيد واللي=مايطري اببالك ترى صار ماجوب
احسن لي اسكت وانسحب كل كلي=والجمر خله بالمعاليق مشبوب
والجادل اللي طيفها والمنٍ لي=اقفت وخلت قلبي وعقلي اذهوب