يامدبر الدنيا عليك التدابير = لايضيع تفكيري وانا بالبدايه
مدري بدى بالكون والناس تغيير = ولا مفاهيم العرب له نهايه
أحترت مدري كيف أقيس التفاكير = كلن يولف للحقيقه روايه
ناسٍ مسانيدٍ وناسٍ محادير = والاش قال الناس تمشي ورايه
واللي يجيب الراي والشور ويشير = صارت له الدنيا هوايه وغايه
يعقلي أثبت لاتضيع المعايير = ونشوف حل المشكله بالنهايه
الله يغنينا عن الشر بالخير = والله يهدينا طريق الهدايه
يامفسر الدنيا على الكيف تفسير = به فرض عين وفيه فرض الكفايه
لو كان تنظر في جميع المناظير = شفت الصحيح وشفت وجه الدعايه
ناسٍ عن الواقع تدور المعاذير = وناسٍ لهم ترفع مع العز رايه
مافيه كامل غير والي المقادير = لاتدعي يجيت تبحث خفايه
الكامل الله والبشر طبعهم غير = كلن يحب الذات مع فرض رايه