يامل قلب للروابع تمسة = مسة حبال مهاوزات الاضلة
طس السبيل من اصفر اللون طسة = الشاوري يبري عن الكبد علة
من كيس قرم ضارين ما يدسة = تلقاة مجدوع على جال دلة
لوعندنا من غيب الايام رسة = الا دمي مصلوح نفسة يدلة
لا شفت ضول الناس بالك تعسة = وان جنبك شر المخاليق خلة
وللي عجوزاً كل بيتً تعسه = حتى سفيهاً للعرب جايزاً له
يالله ياللي كل درب تجسة = عقد البلش غيرانت ما حد يحلة
تفرج لمن مثلي زمانة يرسة = علية من قرب الرفاقة محلة
عليه من بعض المعاني محسه = ساعة خرج من علتهً جاه عله
البوم يفرس والفهد صار بسة = تغيرت دنياك يافاطـناً لة
سبع الخلا جاب الضواري بحسة = والصلح من فرق الغنم ما حصلة
ثنتين دون اللي خصيمة ينسـة = سيفي لمن داور دخيلي نسلة
لاصارعن خصمك سلاحك تدسة = ما ينقعدلك في حضون المذلة

راكب اللي كثر الادلاج مسه = يشدي ظليم هاوز العصر ظله
لابن مهلهل يافتي الجود نصه = يجذبك ضوح النار في ربعتله
ونجر يصوت للمسايير حسـه = بديوان قرم دايم ماتمله
انصح رفيقك انصحه ثم وصه = اربع معاني يافتى الجود قله
والثانية حكي العرب لاتقصه = حكي العرب يجمع على القلب عله
والثالثه الشر بالك تعسه = وان جنبك شر المخاليق خله
والرابعه من جاك ينذخ بحسه = متعمداً والدرب عيا يدله
تعبا له المحشا على الملح رصه = لما يفوت الملح في مضنكله
وان ثارت المثلوث وانجال حسه = يجلا عن قلبك صدى كله عله

المشاركة الأصلية كتبت بواسطة فيصل الرسلاني (المشاركة 272701) يعطيك العافية يا راوي القصة سلمت يمناك. سليمان الجعفري أنا ما صدقت لقيتلي سالفة أعرفها جيت أبي أسوي أعرف واتفلسف لكنك الله يجزاك خير سبقتنا بها ..يعطيك العافيه