رد: كبرياء انثى.. وموضـــوع مجــرد!!
هلا بالعفريته كبرياء :p اشوا انتس مااكنتي بنفس قسمي ولا انتسان مااطيقتس وحاقده عليتس :D ههههههه لكن اهم شيء انتس ماضريتي احد من بنات قسمتس :: بالنسبه لي انا جنوني وهبالي كان بالمرحله المتوسطه كان جنون من جد لدرجة اننا كنا نصبغ جدار المدرسه ونسوي مقالب بالمديره ولاكنا نحضر الحصص وذا كشفونا قعدنا نصايح بطني يعورني ..بطني يعورني :: وراحت ايام المتوسطه ومن دخلت الثانويه صرت هاادية حيييل ايام المتوسطه صح انها كانت ممتعه بس فيها اشياء كثيره ضرتني ومتندمه عليها :: ويوم دخلت الكليه كان همي دراستي صديقاتي المقربات لي حيل كلهم دخلوا قسم انجليزي وانا دخلت احياء نبات يمكن لاني كنت وحيده بالقاعه .. هو اللي خلاني اهتم كثير بالدراسه مع انه صار لي زميلات لكن ماكانوا بمثابة صديقاتي طبعاً لاطلعنا من القاعه نجتمع انا وصديقاتي المقربات بالكفتريا :: والحين بعلمتس ليه اقولتس ((كان حاقدة عليتس))..:p لان كان فيه مجموعات من البنات مثل حالتس..طول وقتهم برا القــاعه ونفس الحاله بنات يوقعون لهم حنا نتعب ونحضر بالساعات وندون المحاضره وهم بالكفتريا ويتمشون ويستانسون واخرتها باخر الشهر وقت الامتحان يجون يطلبون منا المحاضرات انا كنت اتضايق ..بس كنت اصورلهم المحاضرات مع ان هذا الشيء يضايقني..:( بس ياليت السالفه وقفت على كذا لما كشفتهم الدكتوره لانها لاحظت تشابه التوقيع ونادت على الاسماء وكشفتهم اللي قهرني انها عاقبت كل القسم ماعقبتهم هم بس ونقصتنا كلنا خمس درجات وياليت السالفه انتهت على هالحال لما صاروا يحضرون بعد العقاب تسمعين اصواتهم وضحكهم باخر القاعه ولما تهزئهم الدكتوره يستخفون فيها ويضحكون اكثر واللي يجنن ان الدكتوره عاقبتنا معهم ونفس الشيء تنقيص بهالدرجات وهم باااردين ..:confused: واللي تعبني يوم جاء الامتحان الشهري في مادة تشريح النبات قالت الامتحان من اول محاضرة إلى ماوصلنا وذاكرت وكنت واثقه اني باخذ درجة زينه عطتنا اسئله من اللي خذناه وسؤال عليه 6 درجات من شيء ماشرحته لنا ولابعد خذناه قلنا ليه يادكتوره قالت هذا بعد عقاب لقلت ادبكم..:confused: :: وكان عندنا مادة حيوان مشتركه في امتحانها بالمعمل جاء امتحان التشريح الضفدع الصغير كان يباع باقل انا وصيت ناس يجيبون لي اكبر ودفعت فيه اكثر لما جاء التشريح وخدرت ضفدعي بالاسيتون تفاجئت ان الدكتوره جت واخذته مني وعطتني واحد صغير حيل وسوت هالحركه مع كل بنات القسم يقالتس هذا بعد عقاب طبعاً هي حاقده علينا لانهم استخفوا فيها وهي تهزئهم وهم مطنشينها..:( ومع ان الضفدع صغير الحمدالله ربي نصرني عليها وشرحت زين ولاطلع دم ولانقطع اي وريد او شريان وخذت درجة كامله والحال استمر كذا ومواااقف كثيره مو هذي اوووبس مع اني ماشيه لكن نفسيتي تعبت ((احيان اقول خلني استاهل يمكن هذا عقاب لي باللي سويته بالمتوسطه لاني جننت المديره والمدرسات..:( )) المهم تحملت السنه الاولى لين صارت السنه الثانيه اسواء من جد كرهت الكليه وتركتها مع اني درست سنتين.. بس خليتها والحين الحمدالله في معهد حاسب والحمدالله تمام التمام المعهد ميزته ان مافيه عبث وكلن ياخذ قدر تعبه ومجهوده ولا احد ينظلم..:) :: ذكرتينا بالمـــاضي ملخـــص كل الهـــذرة:D V V V حلو انك تستمتعين بس الخوف لاضريتي نفسك والامر لما تضرين غيرتس وكلنا نعمل اشياء كثيره ونندم عليها بس الحلو اننا ننتبه ونصلح من حالنا وعسى ربي يوفقتس ويوفقنا |
رد: كبرياء انثى.. وموضـــوع مجــرد!!
ابن هيازع :
امين وهلا بك يارب وشكرا لوجودك اللطيف سلطان الوايلي : هلا بك اخوي وانا يمكن ماشوفها بالجرم ياللي ممكن يشوفه البعض ربما كانت مجرد ذكريات تحتفظ بنكهتها لاخر رمق يعترينا .. هلا بك اخوي وشاكره تواجدك اللطيف |
رد: كبرياء انثى.. وموضـــوع مجــرد!!
ههههههههههههههههههههههههههااي المشاعر ...
انا عكسك .. بالثانوي والمتوسطه كان فيني شقاوه بس شويه ماتوصل حد شقاوة الجامعه ... والثانويه بالعكس انسانه ثانيه .. مضر بمثل ( ياعيني) مشاعر ... والله انك تتكلمين عننا .. والله هذا وضعنا صراحه الا بحاجه وحده اقولك انا اتذكر لما كنا نحظر حضور اضطراري كنا نجلس ورا اخر شي مشان ناخذ راحتنا اكثر بالكلام فكنا عاملين قلق للبنات ياحرام مايسمعون شي من كلام الدكتوره فكانو البنات يناظرون فينا ويتاففون (اووف استغفر الله ) وهكذا اكيد انتي تعرفي هالامور اكثر وحاسه باحساسهم لكن انا استحيت على دمي صراحه ماحب كذا واحترمت حالي ومن يومها كنت اجلس بعيد عنهم صحيح اني مو بمود المحاضره بعالم ثاني الا اني اهم شي مازعج غيري .. اذكر اننا كنا نكره وحده موت متزوجه هي وكنا نقول (المتزوجات هذولا ماعندهم هم غير الدراسه .. وفعلا جايه بس تدرس كنا نتمسخر كثير ياربي سامحنا .. ) المهم الى ماجا يوم وجتنا هذي البنت المتزوجه قامت تردح علينا وتصارخ وتلج انتو انتو والله لافعل واسوي .. صراحه بعدها ماعاد صرنا ندخل المحاضره وهي موجوده ..! بالنسبه للتشريح والضفدع تحديدا لاتذكرني وربي احس انو ... اذكر بسنه اولى اعداد عام كنا ناخذ احياء ويخ شرحنا ضفدع مدري كيف صراحه انتي كملتي بالاحياء مقرف جدا وكويس انو طلعتي منه !! ولاتقولي عقاب هذا ربنا كاتبه لك ويمكن بالمجال الثاني لقيتي راحتك اكثر.. اعترف انو كنا مصدر ازعاج لكثير بس الحمد لله هدانا ربنا سوري سو سوري اسعدني حضورك المشاعر وذكرتيني باشياء كانت حلوه قبل اشوف انزعاجك منها هلااا بك |
رد: كبرياء انثى.. وموضـــوع مجــرد!!
اقتباس:
حنا يقزونا.. لاجينا نحاتسيهم..ولا رحنا عنهم ميلو خششهم..:confused: كننا حنا الغلطانين ::: اقتباس:
ههههههههههههههههههه ياويلكم من ربي انا زميلتي كانت متزوجه..:D اذكر كنت اقولها خلينا نجلس بالوسط ليش منتصه قدام عند الدكتوره تقول لا عشان اسمع زين خخخخخخخ بس والله هي صادزه مره جلست بالوسط عجزت اسمع من صجة اللي ورا وصرت عاد اجلس قدام بجنبها ::: اقتباس:
لا انا تخصصي نبات .. وكنت احبه حيييييل بس عندنا مواد مشتركه مع تخصص الحيوان في سنه اولى فقط وانا مثلتس ماحب مواد الحيوان مقرفه وريحة معاملهم تصك الراس النبات حلو كله رسم ..حتى تشريحه حلو صبغ الخلايا وتثبيتها على الشرايح..وظبطها على المجهر...اتوقع مر عليتس اذا درستوا من الحيوان اتوقع درستوا شيء بنبات يعني مو زي الحيوان وانا كنت ماشيه ودرجاتي حلوه بس تعب النفسيه له دووور :: الحين وش تسوين انتي؟؟؟ بعد الدراسه..توضفتي ولا بعد؟؟ إذا ماتوضفتي ادخلي معهد .. واكسبي وقتس ..أخذي دبلوم شبكات اوبرمجه.. اللي تحبين اتمنى لتس التوفيق |
رد: كبرياء انثى.. وموضـــوع مجــرد!!
المشاعر
لا لا الحياء نعمه من رب العالمين والله كنت استحي صراحه .. او اني اخاف .. المهم اني ماضريتهم ابد وبعدين تساليني انا عن حكايه المواد!! ليش الاحراج والله مو متذكره ايش المواد اصلا بس اتصور اننا في سنه اولى اعداد عام يعني مواد مشتركه اخذنا علم حيوان الترم الاول وعلم نبات الترم الثاني او العكس ناسيه صراحه وحكايه تشريح النبات اتذكر كنا نناظر عينات عالمجهر لنباتات بس ناسيه صراحه عن ايش بالضبط ناسيه بس اتذكر زين الضفدع وياللي مخلي ذاكرتي قويه تجاهه انه كان جدا مقرف لدرجه استاذنت وطلعت .. واتذكر كمان سالنا الدكتوره هل هو ميت الان واحنا نشرحه ؟ صدمتنا يوم قالت ايوا ..!! تقول هو مخدر بس ومشان مايروح تاثير البنج نخليه بالثلاجه بدرجه بروده عاليه !! اذكر انو وحده من صديقاتي ( مو صاحيه جدا اي سؤال يجي فبالها تساله) تقول طيب يادكتوره واذا صحى هالمسكين وشاف جسمه كلن على حده شنو يصير !! وكويس انو تخصصك نبات على الاقل مافي قرف ... وماريد احكي عن الدرجات .. لاني بصراحه درجاتي تفشل .. بالمواد المشتركه توب والتخصص داون ! اللهم كم ماده يمكن ثلاثه لاني كنت احبهم جدا حقيقه من يومي احب المواد اللي فيها نقاش .. حتى لما كنت اشارك اتذكر صاحباتي يتمسخرون علي يقولون لي ( احلى ام يزن) ( ام يزن هذي وحده متزوجه عندنا بس ماشلله شاطره .. بس تشارك وبما ان اغلب موادنا رغم انها علميه الا انها تعتمد على الصم يعني شي وكملي عليه انا حاليا ل..جالسه في البيت لا شغله ولاعمله اخذت دورة حاسب ومليت من الدراسه وبطلت اصلا اخذتها كتغيير روتين .. وربنا يوفقنا جميع يااااااااااااارب رغم ان التدريس مو جوي ابدا كنت احلم ومازلت اكون مهندسة ديكور .. |
رد: كبرياء انثى.. وموضـــوع مجــرد!!
ياهلا والله كبرياء أنثى
موضوع رائع رجعني عدة سنوات للخلف ايام الجامعة كان الدكتور طلعت الله يذكره بالخير يسمينا إحنا الأربعة اللي بالزاوية الأخير بالقاعة أنتو يابتاعين الركن الأسود... عاد ما أدري ليش يقول كذا..(انتم ادرى) تصدقين من أولى إبتدائي الى ثالث ثانوي ما أذكر غبت الا أيام معدودة والوالد متابع كل أسبوعين جاي المدرسة ... هاه وش لون العيال ويسأل عن كل صغيرة وكبيرة وياويلك إن كنت ماحليت الواجب والا ماحفظت والا طالع من الفصل أما الجامعة نسبة الغياب المسموحة 25% واللي يزود ماتشوفين الا هالتقارير الطبية وابو ريناااااد شغال كل ترم وينك يادكتور يوسف ابي لي تقرير طبي وكل يوم بالتقرير يقابله خمسين ريال..(مصالح) أما الماجستير ولله الحمد قبل سنتين ما أذكر اني غبت الا لأمر طارئ أو للسفر ولله الحمد خبرك العقل مايرجع الا متأخر والا وين أيام ماكنا نرسم ونكتب على كرسي المدرس بالأقلام الزيتية كنا نختار اللون الملائم للون الكرسي على شان المدرس مايشوفه ويجلس المدرس على الكرسي وتطبع عليه الرسومات والكلام الغير لائق وإذا قام وشفناها طابعة على بدلته أو ثوبه ماغير نوشوش بين بعضنا ونتضاحك وإذا أنتبه وحس بدأ يسأل مين اللي عمل كدا .... وكلنا ((سكتم بكتم)) وإذا ماكشفنا عن طريق الطلاب الأجانب يعاقب الفصل كله لا واللي نكتشف إنه بلغ علينا الوعد الطلعة وتصدقين ذكرتني الإخت مشاعر بالعقاب الجماعي يوم ماراح أنساه في أحد الأيام أذكر كنت بالصف الأول المتوسط بس ماراح أقول لك أخاف تحسبين عمري وتطلع الفضايح (هههههههه) مدرسنا غايب واللي واقف علينا العريف والتعريف العلمي لكلمة العريف : هو أكبر الطلاب سنا وجسما يتم تنصيبه مؤدبا للطلاب في حالة غياب المعلم ويقوم بتسجيل أسامي المشاغبين وتسليمها للمعلم أو وكيل المدرسة ليقومون بجلد المشاغب بالعصاة ههههههههههههههههههههههههههههههههههههههههههههههههه المهم ان فيه واحد صفر تصفيرة قوية وجاء المعلم حق الفنية وقال : مين اللي صفر بالفصل ؟ ماتحكو جالكو عفريت..! يعني مش حتأولوا ايه محدش حيتكلم والا يعترف دنا حاربيكم ياعيال الأيه المهم راح وجاب ذيك العصاة عصاة مكنسة خشب وانا جالس بأول الفصل (اخوك دافوررررر) ... لا وعلى اليمين بعد ... مو ابوي يقول دايم خلك يمين درب الغانمين... والمدرس أشرف يبدأ فيني ...! علمي بالعصاة يوم ضربت بالسقف ولا حسيت فيها الا بيدي.... آآآآآآه وآخذ ست جلدات الا والجرس يرن والطلاب من حولي طلعة.....طلعة....طلعة. وطلعت انا والمدرس يقول بكره حوريكم ياعيال الأيه وجاء بكره والمدرس نسى كل شي والضحية أنا بس والحين الطالب تبوس راسه على شان يروح للمدرسة والمدرس صار هو اللي يخاف من الطالب والله هذا الواقع اللي قاعدين نشوفه الحين... لكن ايام زمان ذكرياتها حلوووووووووة مرة يعلم الله انني منذ قرأت الموضوع وردود إخواني وأخواتي الكرام إسترسلت من واقع ذكرياتي القديمة ماكان بنا وما كان علينا لم يبقى لنا الا الذكريات بزينها وشينها وتأكدي أختي الفاضلة أنه لا يجدي الندم على الأيام اللي راحت فلا بد لنا من ان نعيش ذكرياتها الحلوة وننسى ذكرياتها المرة ونرضى بالمقسوم وهناك أية كريمة أرددها دائما في مثل هذه الأمور قل لن يصيبنا إلا ما كتب الله لنا هو مولانا وعلى الله فليتوكل المؤمنون وفقك الله الى طريق الخير ورزقك الله كل ما تتمنينه وما تحلمين به من خير لك ولمن هم حولك والمسلمين أجمعين محب الجميع ابو ريناااااد |
رد: كبرياء انثى.. وموضـــوع مجــرد!!
هلا بك اخوي ابو ريناد
حقيقه اضحكنتني مواقفك وكلامك جميل ممتع صراحه .... ذكرتني بحكايه التقارير الطبيه .. سبحان الله (سعرها موحد) 50 ريال حتى عندكم؟ احنا نفسكم ذات الشي 25% المسموح به بالغياب .. وبعد كذا داور على تقرير اما حكايه الشقاوه عندكم .. طبعا غير بس عن جد حلوه حركة الالوان الزيتيه ..ليت كنا نعرفها .. من قبل اما الضرب حدث ولاحرج .. اتذكر وانا بسادس ابتدائي كان عندنا معلمه قويه مره شكلها بس يوحي لك بالخوف فما بالك وهي تهدد؟ .. وكنت اخاف منها موت وكنت احفظ دروسها هي بس عن ظهر قلب لاني اخاف من الضرب .. لكن كان عندي مشكله اذا خفت انسى فكانت لما تقومني تسالني انا عارفه الاجابه والله بس يوم تناظر فيني والعصى بيدها تضيع كل المعلومات انساها ثم عاد افتحي يدك .. و6 عصي .. كش عليها (شكل عدد العصي موحد برضو) :( وليت على كذا وبس .. اتذكر في بنات مستقصديني .. كل يوم لما نروح نطلع من المدرسه يضربوني والله اموت واعرف الان ليش كانو يضربوني؟ وتبريرا لنفسي من كلامك (والله مافتن على احد ومسالمه جدا بس مدري ليش الروح العدوانيه ) لا وعلى اليمين بعد ... مو ابوي يقول دايم خلك يمين درب الغانمين... (عجبتني صراحه :) وصحيح اخوي الان غير .. وضع الطالب والمعلم غير بالنسبه للطالب افضل ربنا يرحم حالنا اول .. وفعلا كل شي مكتوب وتظل ذكريات حلوه .. هلا بك ابو ريناد اسعدني مرورك صراحه .. دمت بود |
| الساعة الآن (09:50 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه