ماللرجاء يامعاند الوقت حيله = وماللظروف القاسيه طب وعلاج
وش خانت الدنيا ويدها بخيله = ما صافحة نبع العطى بير هداج
بقبالها اجمل من اجمل جميله = وبدبارها حظى الشقى وسطها داج
ياشينها لاصرت همك تشيله = وسط الظلوع وما لقى الهم مخراج
وين الصديق الي برك للثقيله = لا ضقت يسمعني ولا هو بهراج
برقن سرابي رجعته مستحيله = لاغاثني غيثه ولا منه ثجاج
قصه تشابه الف ليله وليله = فيه البياض انصع من الدر والعاج
نرسم خيالات القلوب العليله = بحلمنا ونزين الورد بالتاج
نبعد ونبعد بس وين الحصيله = والواقع اقسى من عتيات الامواج
حالي مثل شيخن تقفو دخيله = قلبه غدى من ذبحة الضيف وهاج
ماله جدى ياكود شب الفتيله =وغيضن يسامر به الى وقت الابلاج
عمهوجتن طرقى تهل الجديله = شوقي مواصلها وهي لي تحتاج
بذلت له روحي وهمه اشيله =لجله سكن في مهجت القلب ونلاج
تطري علي الضحكه المستحيله= ويطري علي امبيسمن يبلج ابلاج
تفداه عينن ما تدور بديله = ويفداه قطاف الاخزامى بالادراج
وتفداه نجلات العيون الكحيله = المترفات الي على سلك ديباج
هويتها والقلب ضيع دليله = ومن يشوفه حط بالقلب مزلاج
وان للرجاء بمواجه الوقت حيله = بصبر الين الله يامر بالافراج