°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)
-   منتدي الشعراء (http://www.weelan.com/vb/forumdisplay.php?f=8)
-   -   •·.·°¯`·.·• (الـكَــوآعِــبْ) •·.·°¯`·.·• (http://www.weelan.com/vb/showthread.php?t=9014)

زياد الشمري 15/07/07 (01:07 PM)

رد: •·.·°¯`·.·• (الـكَــوآعِــبْ) •·.·°¯`·.·•
 
صح لسانك

يالسويلمي

وسلم بنانك

تقبل تحية متابع

سعد النفج 15/07/07 (03:13 PM)

رد: •·.·°¯`·.·• (الـكَــوآعِــبْ) •·.·°¯`·.·•
 
اقتباس:

المشاركة الأصلية كتبت بواسطة الـسـويـلـمـي
السلآمـ عليكمـ

أضع هذهـ المتوآضعه في متنآول مسآمعكمـ أنتقآدآتكمـ

وأتمنى تحوز على رضآكمـ


لا اله الا الإله الباقي العدل الســــــــلام=حامي البيت المبارك من حماقة ابــــرهه
يوم شن بجيشه الثاير على البيت الحرام=حملة كلن يضيع بكبرها وش كـــــــــبرها
من عناد وكبرياء ونار غيره وانــــــتقام=لكن الله فوقه اعلى من الجيوش وكثـرها
جاه شي لو درابه كان آمن واستــــقام=بس هاذي خطرفاته ويتحمــــــــل وزرها
كل مخطي يذكر الله قبل لايخطي شمام=ويعرف ان العمر صفحه والفعايل حبرها
ويتغسل عن ذنوبه ويترفع بالمـــــــــقام=ويتحاشى لو يضيع بوسط عينه صــغرها
في زمان فيه وهن وفيه ذله وإنهـــــزام=والفتن مثل الطيور اللي تناست وكـــرها
ولا يغادر هم قلبه غير من صلى وصام=وعاش عمره في مجالس عطرها من ذكرها
ومن تمسك في سهام الليل تخطيه السهام=يحفظ الله كل جبهة ماتناست وتـــــــرها
البشر قمة شموخه سجدة لرب الأنـــام=وسط ناس في زمنا جاهرت في كفــــــرها
ان طلبنا نطلب الله للصحيح وللسقام=ولانوسط وانتوسط في الحياه وامــــــــرها
نحمد الله في بلدنا لامزار ولا مقام=ولانتبرك عند ناس بالشه في عمـــــرها
انت ياسامع كلامي اترك اسباب الخصام=عن كلام مايفيدك صون نفسك وادرها
واليمين اللي تقودك للمــــــــذله والحرام=كان ماادبت نفسك مايفــــــــــــــيدك بترها
هيض جيوش السوالف شي وسط الراس حام=والسكارى مايغادر من عيوني سكــــــرها
إستثارتني وثارت داخلي مثل الغمام=وامطرت بي حرف حرف وذوقتني قطرها
ؤالسماء سوده وبين نجومها البيض ازدحام=كانها تعجبك قلي وش تقول فبـــــــدرها
البدر بين النجوم النور والباقي عتام=لاطلع في ليل نجمه تستحي من سمرها
ياكواعب يالواعب بأكثر عقول الفهام=مصدر السحر الحلال وسالفتنا سحـــــــرها
كل بنت نقول دره ياخي وش هذا الكلام=والله ان الدره اللي تجتهد في ستـــــــــرها
السواد احلى على قلبي من اشباه النعام=ومن تغطت بالظلام الله ينور قبــــرها
هيه ياللي تسترين الراس يابنت الحشام=يابعد كل الوجيه السافرات وسفــــرها
كل من شافك بعينه ذاق طعم الاحترام=واستحى يرفع عيونه لو تعود مـــكرها
في سوادك الف حصن ودونها فارس همام=يحرسك من شر نفس تشتكي من فقرها
فارسك دينك وخلقك في نهار الاحتدام=انتخي به لانوت بك كل عين غدرها
والله ليبطون وانتي بالسما بدر التمام=ولايطـــولك قول ناس ميته من قهرها
ويامخصر يامعطر وسط سوق به زحام=فيه تلعن كل بنت خايبه من عــطــــرها
لاتدور في عيون الخلق عن مدح وغرام=مايزيد البرتقاله لو تزين قشـــــــــــرها
ومن تبيع احلى المعاني لأجل ذيب ماينام=السهر مشقي عيونه دنيته يا صــغرها
لايغرك لو سمعتي منه معسول الكلام=من تقدر شخص واطي صار واطي قدرها
صوني العرض الشريف ولايحقق بك مرام=وإرفعي نفسك وعيشي دنيتك في طهرها
اسمعيني وافهميني واذكري يوم المــــــقام=يوم يندهك المنادي والبشر في حشرها
يوم غيرك في جنان كلها برد وسلام=وعوض الله كل بنت في نهاية صبرها
وانتي بدار عليها لعنة الله والأنام=وسط نار مايوصف بالقصايد حـــــرها
يوم ما لاينفعونك لاخوال ولاعمام=ولايفيد النفس لو هي تجتهد في عذرها
ياعسى الله يجتبينا من خطايانا الجسام=ويحفظ امتنا ويبقى دينها هو فخرها
القصيدة واكتبتها داخلي عوج العظام=ومن يحب الخير لازم يجتهد في نشرها


وسلآمتكمـ


السويلمي


صح لسانك

قصيده جزله جزله جزله الى مالا نهاية الجزاله
قصيده تستحق أن نقف عندها
قصيده رائعه من لسان رائع
قصيده عبرت محيطات الإبداع و بحور الجزاله ...

لا هنت على الإبداع

تقبل اعجابي بهذه الشامخه...


«®°·.¸.•°°·.¸¸.•°°·.¸.•°®»أخوك/ سعد النفج«®°·.¸.•°°·.¸¸.•°°·.¸.•°®»

سالم صالح 15/07/07 (07:38 PM)

رد: •·.·°¯`·.·• (الـكَــوآعِــبْ) •·.·°¯`·.·•
 
السويلمي


قصيدة رائعة جزلة جميلة بكل انواع الجمال ويكفي جمالها شاعرها المبدع

فانت شاعر صاحب موضوع رائع وكلمات رائعة وفي محلها


لله درك لله درك فلقد استوقفتني هذه الرائعة كما استوقفتني سابقتها لك فهذا دليل على ان خلفهن شاعر مبدع

بانتظار القادم الجميل للمبدع (السويـــــــــــــــــلمي)

الذيب الأمعط 16/07/07 (12:53 AM)

رد: •·.·°¯`·.·• (الـكَــوآعِــبْ) •·.·°¯`·.·•
 

السويلمي

صح لسانك جزل من راس جزل

الشمالي 16/07/07 (11:23 AM)

رد: •·.·°¯`·.·• (الـكَــوآعِــبْ) •·.·°¯`·.·•
 
ولا يغادر هم قلبه غير مـن صلـى وصـام
وعاش عمره في مجالس عطرها من ذكرهـا







صحـ....لســـــانكـ....








أنا أشهد أنك صدقتـ...



نــادر :)

جميل السويلمي 05/12/07 (12:04 PM)

رد: •·.·°¯`·.·• (الـكَــوآعِــبْ) •·.·°¯`·.·•
 

...

والله مآ أقول إلآ أنه وبحق أسعدني مروركم جميعآ

وألف شكر لكمـ جميعآ وكل بأسمه

وشهآدتكم على صدري وسآمـ

لآحرمنآ جمعتكم العطرهـ

دُمت بحفظة لآ إله إلآ هو

...

سعوط المجانين 05/12/07 (01:18 PM)

رد: •·.·°¯`·.·• (الـكَــوآعِــبْ) •·.·°¯`·.·•
 
البشر قمة شموخـه سجـدة لـرب الأنـام
وسط ناس في زمنا جاهـرت فـي كفرهـا


انت لست مبدع بل تخطيت مرحلة الابداع بكثير الله لايضرك ياشيخ

صح لسانك ولاهنت

...


الساعة الآن (08:43 AM)

Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه