الله يبيحك كان قلبك ظلمني=وصدق نمايم كل حاقد وكذاب
وشلون تخلف هقوتي بك وظني=وتترك خفوقي ينزف الدم منصاب

فوايد الامراض تنفع للمريض =وفوايد الاخلاق تنفع للقبيح
واللي مريض اخلاق رجالن بغيض = لكن مع العالم هو اللي مستريح

البارحه والليل موحش والاحلام = ضيف قلط وسط الحشا واستباحه
ضيف ثقيل وماعرف قدر الاكرام = عكر مزاج الفكر والنوم ازاحه
حتى قضيت الليل والجفن مانام = كابوس حلمي بالحشاء له مساحه

السيف له في سلم الاعراب تمجيد = ميزان عدل ومن رموز الشجاعه
حده لسان الصدق لايمكن ايحيد = لبى لقول الحق سمـعاً وطـاعـــه
بالحق سلطانه على العالم ايزيد = وكلن يقول الحق جاء من قنـاعـه
هذا تراه السيف وبكل تأكيـد = يفصل مابين أمرين في ربع سـاعـه