نشد ت حظ الهم وش فيك طايـح = جاوب ردي الحظ وشلون ما طيح
لا قلت وش بك قال كثر النصايح = نصايـــح العذال خلتني آصيـــــــــح
صارت حظوظي كل ابوها فوايــح = احظوظ تشكي من قليل المرابيـــح
عز الله احظوظ(ن) تجيب النوايح = درب العنا والياس صارو مشافيـح
ولا قلت ياقلبي على وين رايـــــح = قال اتركن للهم عندي تصاريـــــح
في كل يوم الد مع با الخد سايـــح = ما باقي الا اعلن الســــر وآبيـــــح
خلاص ياحظي يكفي فضايـــــــــح = خلك قوي ياحـــــــظ لا يهبك الريح
بدعي لك المولى ودمعي سفايــح = بأول رجب آليـــــــن ختم التراويـــح
ان يسر المولى تشوف المدايـــح = وصكات بقـــعا كل ابوها مراويــــح

صالح الجطيلي