كل الشمال بكبرها ماتساوي=عندي ولاني مستلذ بحلاها
وجدي على ديرة بعيد الخطاوي=اللي تضمه يسعد الله مساها
هي منيتي قلبي عليها شفاوي=فديت......ومن سكن في قراها
تسوى الشمال وشوفها لي مداوي=لايبعد شوف الشمال وبهاها
اديار خلٍ من تركني شقاوي=بعده يعذبني وحالي براها
كني بعد فرقاه عايش خلاوي=احن مثل امٍ توفى ضناها
حل الفراق وصار شوفه مناوي=غاب الذي للروح طب ودواها
ضاق الفضا في غيبته يامهاوي=وعسى له الدنيا وسيعٍ فضاها
غير التوجد مابقالي رجاوي=وعيني تهل الدمع هذا جداها

احلم وانا ادري الحلم يبقى معي حلم=واطمح وانا ادري اليأس يهدم طموحي
واللي ملازمني وصاير معي علم=خيبة رجاااايه وانهيار الصروحي

دامك معي ماهمني باقي الناس=فيك اكتفي عن الاهل والقرايب

ياسيدي يامالكن كل الاحساس=منهوطمع في منصبك عاد خايب

لوان لاحساس البشر رصد واقياس=مقياس حبك من ضنى الود ذايب

ترجح موازينك وغيرك للفلاس=وغينيس تسجل حبك احدى العجايب

رح فمان الله والقلب داعي لك=دعوةٍ من قلب خنته ولا خانك
مخلصٍ بالحب مبداه وافيلك=يمشي دروب المخاطر على شانك
باع خلق الله وبالحب صافي لك=لين جازيته بغدرك ونكرانك
بالسلامه لاتجيني ولا اجيلك=مات حبك واعلن اليوم نسيانك

ماكنت احسبن الجفا فيه راحه=كنت احسبه هم وغرابيل واجراح
لاتحسبن فرقاك تكسر جناحه=خوفي من الفرقى غدى هم وانزاح
ولاتحسبن فرقاك هم وإطاحه=لا مانخلق من هز قلبي وله طاح
واصل على دربك وحقق نجاحه=ومثلك تبي تلقى لعوبات ياصاح
وكثير مثلي علمنه اجراحه=ان الوفا في هالزمن ودع وراح
قولٍ سمعته وتم منك الإضاحه=ولى زمان الحب وشكرآ للإيضاح
ومدام شفت ان الجفا فيه راحه=انا اوعدك مني تعافا وترتاح

هانت ولاباقي سوا عدة اشهور=وافارق دروب الشقا مع ظلامه
مرت سنه هم وسنه كنها دهور=قضيتها وحده وهم وندامه

مليت كثر السهر والهم والحيره=وتعبت ادور بهالدنيا على الراحه
ضحكي مزيف لضيق النفس تصبيره=بسلي القلب عن هم به اجتاحه

احس بالقلب ضيقه مالها آخر=حزين خايف ونوم الليل جافيني
حظي لي الهم جابه ماهو بذاخر=وانا من الهم فيني مايكفيني

ماكنت اصدق غلاك يكون لي .. نزوه ؟؟=ولاتوقعت .. تغدربي وتجفاني!
وانا جعلتك لطهر .. الحب لي قدوه=منك اتعلم اصول الحب // يافلاني
عطيتك الحب وفوق الحب لك فدوه=اعز ماملك .. ولافكرت وش جاني
كنت الاهل لي وكنت .. الحب .. والعزوه=وكل القبيله .. وراس المال ووطاني
واليوم عني تصد .. وتقصر الخطوه=وانا على دربك // ادور وضمياني
تركت لي ,, هم ’’وجروحن" لها سطوه=في عز ماكنت ابيك وشدة (ادماني)
ياحيف جازيتني وخابت بك .. الهقوه=وخليتني للندم.. والهم.. واحزاني
مع السلامه وكل انسان له "كبوه"=درسن تعلمت منه ..لقادم ازماني

ليت الزمن يرجع ورى تسعة اسنين=ويرجع زمانن بالسعاده غمرنا
وقتن به العشاق تصدق وافين=وقتن بصدق احساسنا لا عشقنا
يومن تعاهدنا على العسر واللين=ما ننفترق وان نكون لبعضنا
ماخان في عهده ولا خالف الدين=بس الزمن خوان واخلف وعدنا
رضيت بالمقسوم وبحظي الشين=هذا قدرنا شااان ولا عجبنا
علمي به يكفف دموعي عن العين=قبل نتوادع والكسر ماجبرنا
ليته دفني عام خمسه وعشرين=ولا عشت دونه والهموم اغرقتنا

يالعن ابو حظٍ لي بحضرتك حاش=مغرور متغطرس ولابك رجوله
لاشكل لامضمون لي مخبرك داش=مدري على ويش الكبر والبطوله
كانك مربى مع بهايم بالاحواش=فعل الرجال الطيبه ماتطوله
بالبيت منسين مثل كومة اخياش=ثقلن بلا نفعن ونسك جهوله
فكرك مسمم والعقل عقل حشاش=استغفر الله ماظلمك بس حوله
نطقك يجيب الهم ويسبب ارباش=سم الأفاعي في لسانك مثوله
العقل صار بسبتك حالته ماش؟=اخاف لاوسوس واصير مهبوله
فارق عساك مفارق طيور الاعشاش=كبرت وكل ن راح درب بسهوله

لي صاحبٍ قلبي بحبه تولع=ماعاد لي عنه جلد واستطاعه
اخضع فؤاد اللي تصد وتمنع=كم فارسٍ ماجاب قلبي وطاعه
اول عليه اثقل وعنه اتمنع=واليوم ما اصبر عنه لو رع ساعه
من طيب خلقه داخل القلب شرع=سيطر على قلبي ونزل متاعه
خفيف دم وفيه طيبٍ تجمع=حرن عرف بالمرجله والشجاعه
صدوق لا عفنن ولاهو ملوع=الله عطاه الزود واحسن اطباعه
هو اكسجين الروح منه اتشبع=وافضل غذا للي حياته مجاعه
القلب عن غيره شعوره تشمع=ومالي بغيره اي شف وطماعه
اعمى عيوني لاتشوف وتتطلع=عن شوف غيره صار عندي مناعه
هو ملهمي هو شاعري فيه ماسمع=وهو الأمل اللي بدالي شعاعه
من لامني ياجعل قلبه يلوع=يصبح طريح الحب والشوق لاعه

لو اشتكي شوقي على بيض الاوراق=ذاب القلم من كثر شوقي وحني
صدري عليك من الوله خافقه ضاق=وعقلي عليك من التفاكير جني
هذا انا لاشتقت ولك خافقي تاق=يضيق كل الكون لاغبت عني

شفني التزمت الصمت..والصمت طول=عن الحكي يغني كثير السكوتي
مادام وجهك عن مساري..تحول=انا علي طول الصبر.. والصموتي

يمه يانور الكون مانسى جمايلك= ولانسى جهادك يوم ليه تربين
ياما حملتيني وهمي احملك=وياما سهرتي لراحتي ماتنامين
من صغر سني كل حملي اشيلك=وكبرت وانتي كل همي تشيلين
الله على حنية القلب جابلك=وعيبي تشوفينه بعينك ولا شين
ياعلها تحرم على النار اناملك=بها حملتيني ودمعي تكفين
لو امدحك والله ماوفي خصايلك=اعجز عن التوصيف ياقرة العين
حقك علي اعظم من احصي فعايلك=وفضلك علي ماينحصر بين سطرين
والله يايمه فلا الحق جمايلك=ومقصره لو احملك فوق متنين

ياليت مفتاح القلوب بيدينا=نحب من نبغى ونبيع من باع
ماكان غربلنا الزمان وشقينا=ولاشفت بالدنيا حزينٍ وملتاع

اشتقت انا لشوف الشمال وأراضيه=دارٍ تضم اهل الكرم والمواجيب
اشتقت لترابه وسهله وواديه=من غبت عنه عفت لذ المشاريب
الله يعين اللي مفارق اهاليه=ضيفٍ ثفيلٍ واهجروه المعازيب

يالله تفرج ضيقتي وترحم الحال=من هم قلبي ضايقتني هدومي
وقصر عليه وحشة الليل لاطال=ويسر اموري يالطيفٍ رحومي

ياعل عيني للعمى يوم تبكيه=وهو سبب دمعي وسبة شقاها
مليت من صده..وتعبت اراضيه=من حبته جن وتساهل غلاها
ماعاد ينفع به عتب مع مشاريه=يحسب بنات الناس لعبه شراها
انا عطيته كل قلبي براعيه=واعظم حقوق الحب كثرة عطاها
الحب ماهو غطرسه قل واليه=يخضع قلوبٍ عالي مستواها
في زود هجره والقطاعه بجاريه=عفت المحبه يالعن الله ثواها

آسف بسيطه..بس ترديدها ليش؟؟=آسف على التقصير ولا على الجرح
خل الأسف لاتنبش الجرح تنبيش=وتقفي وانا بغيابك اودع الفرح
عمر الوفا ماكان بالحب تهميش!=وعمر التكبر مابنى للهوى صرح
كانك تبيني اترك العند واطيش=ولا ابتعد واحمل غلاتك الى الظرح

(الاماكن)..في غيابك عذبتني=لاسمعت الصوت ويا لحونها..!
لك تشوقني..ويمك هيضتني=ما الوم اللي غدى .. مجنونها
في زوايا البيت زولك ذكرتني=والمدامع جادت..بمكنونها

يامزون مالي بالسفر رغبه وشف=ولا يسلي خاطري كثر الاسفار
اول على شوف البحر عيني ترف=واليوم همي غصت به وسط الابحار
إلى متى حظي كسيرٍ مكتف=وليا متى قلبي على الهم صبار
اخاف من يومٍ يجي فيه واختف؟=ولايفيدني صبري ولانظم الاشعار!

البعد لايعني بأن الغلا..مات!!=بعدي هروبٍ..بالغلا قبل ..لايموت
مادام بغرورك.. وصلنا النهايات=ولاعا ينفع بك رجاوي..ولاصوت
على الاقل ذكراه تبقى له.. اثبات=من قبل موته بيننا..موت /مكبوت
وتصير حتى ذكراياته..بشاعات؟=ويموت في قلبٍ..غدى فيه منحوت

دمعك عزيز وغاليٍ يا ابو متعب=ماسال من شده ولاسال للنفاق
دموع رحمه عن وفا القلب تعرب=للشعب هليته غلا منك واشفاق
دمعٍ نثرته صار تاريخ يكتب=درسٍ على صدق النوايا وميثاق
حبك بوسط قلوبنا روض معشب=ملكتنا بعطفك ماهو ملك باروراق
كلٍ لتعبير الغلا فيك مسهب=حبك بلغ بقلوبنا حد الافاق

يارب عني تزيل الهم والضيقه=تعبت ادور على الراحه وتجفاني
مل القلم من كتابتي نشف ريقه=ولاشال همي ولا بدد لي احزاني

مدري بتمهلني السنين.. واجيلك=ولاوداع وروحةٍ ..مابها ارجوع؟؟
لكن عزاي اني..وفيت بجميلك=ونزفت لك مشاعري فرد..وجموع
واللي يمر ويسألك..عن عميلك؟=قله غيابه حده "ايام" " واسبوع"
وان طالت المده فهذا // حصيلك!=حافظ عليه بداخلك (حق مطبوع)

علي قلبت المواجع .. والاحزان=وانا / تعودت الغياب ورضيته
شوقت قلبٍ..ماسلا عنك شفقان=وقلبك صخر من غيبتك..مارجيته
لكن جبرني من على القلب (سلطان)=و(جيتك اقول مفارقك ماقويته)
يالعن ابوه "الحب" كم ذلل وهان=حكمه ينفذ كارهن..او بغيته
ياوقتي اللي كل ماقلت لي.. زان=كني على دروب الشقى..لي..نخيته
مالي معه "حظٍ" وحبي له..جنان=اقفى وخلى داخل..القلب بيته

شيٍ يدور بخاطري مافهمته؟=عجزت عنه كل الوسايل والافكار
مرات اقول اني فهيم وعرفته=ومرات احسه لغز خافي وجبار؟؟

لو ان كثر الدمع يجلي الهمومي=مافيه احد كثري سعيدٍ ومرتاح
من كثرهن صارت بخدي وسومي=ماقدر اقاوم دمع همي لياطاح
لو اني اتثيقل واقوي عزومي=الحال بين ودمعي اليوم فضاح

جيتك وانا كلي شقى واحزان يابحر الخبر=جيتك وانا ماوجهتي للنفس ترفيه وترف
جيت اشتكيلك لوعتي وهم الليالي والكدر=جيتك ابرمي لك حمول قلبن على الهم احترف
يابحر مافاد الصبر ولافادني كثر السهر=العمر لحظاته اقصار واجمل سنينه في خرف
عانيت من ضيم الزمان وتعبت من ظلم البشر=ماشفت بالدينا فرح والحزن دربه لي عرف
ضاع الأمل من دنيتي ولاعدت انا حمل الصبر=حلمي دفنته وانتهى وهم الليالي له جرف

لاتنخدع في عالم ..النت بالقاب=ولا يغرك حرف زايد "بريقه"
يعجبك "نكه "وتنجرف خلفه اعجاب=وليا عرفته تنصدم.. بالحقيقه
قوله مزيف وعنده.. اسلوب جذاب=وحقيقته ماتحتمل ..لودقيقه
خذها نصيحه قبل لاتفتح "ابواب"=وتندم على عرف الوجيه (المليقه)
النت عالم فيه( صادق ونصاب)=خلك حريصٍ ..وابتعد عن طريقه

ببدا مع الايام صفحه جديده=وودع اللي كان مع ماضيٍ كااان

اقبل ترى مستقبلك قلب مغليك=ادخل تجول به على كيف كيفك
هذي بساتينك وهذي ارآضيك=وهذا سكنك وكان مساكن طيفك
فداك منهو عرش قلبه موليك=يا مالكه بالطيب ماهو بسيفك
كلي تحت امرك وسلطة معاليك=أنت المعزب وانا يادوووب ضيفك