لاصار نك الولف ماهو على النت=ينعاف نت دون شوفه ولقياه
يفداه كل النت رجل مع بنت=وتفداه روحي والمخاليق تفداه

ماكنت اعرف الحب والحين آمنت=ان الوجود بكف ماعاد يسواه
البارحه مابين يمكن وأنا كنت=والفكر جرح خافقي ظن ودماه
ياحب ليتك ماسكنت وتمكنت=ياليت دربي خالفه سحبة خطاه
اسرفت احبه ياعرب لين أدمنت=واخذت لي جرعه زياده بفرقاه
يجفي وقلبي كلمته انت لاهنت=كله حلاوه والجفا منه ماحلاه
حتى المشاعر رددت صنت ماخنت=شوفوا مشاعر خافقي منه وياه
عندي تساوت دنيتي ماتهاونت=الموت يمي لاقرب يكسب رضاه
والموت موت الحب لامن تيقنت=ان الوصل بالحب شح بعطاياه
ماعاد لي خاطر وعن النت هونت=الشوق صوب خافقي نزف وارداه

ان كانها بالشعر وجزال الابيات=عزالله اني مرتوي ياخجوله
وان كانها منظر ومظهر وكشخات=ماني منافس في سباق الفحوله
ماني بلا راغب حبيب البنيات=ولاجواد ابن علي في ذبوله
انا من اللي يحرفون المسارات =لادق ناقوس الشعر والرجوله
شاعر ولي بالشعر صوله وجولات=من ساس وايل كاسبين البطوله

الحقيقه ياهوى الخفاق مّره=تزعلك ماتزعلك بقولها

عجزت لا اعرف يالغلا وش نوايـاك=وواتعبت رجلــي بالمشي والـــوقوفي
حيــرتـني واحــترت يالـترف وايــاك=واحــتارت الافكــار معــها الحــروفي
مــرة تقــول القـــلب ميـــت للقـــــياك=ومـــرات عيـــنك يمــنا ما تـشـــوفي

احـم احـم ياللي تراقب كفــشناك=تقــراء بدون اردود هذي خطيه
تعــال قــرب واسـتلم لاعدمناك=قــّـرب على سلطان خذلك هديه
اقلط هلا بك مـّد لي كف يمـناك=فنـجال كـيف وقاف مـع شـاذليه

جائز المليحان :eek:

كفانا الله شرك

وش اسمائه اللي تحط

< قمط العافيه

تراه حلم وخثرقه بس

لاتدهورنا :p

تكفــون ودونــي على شــاطي الكـوت
ابغـــى اتمشـــى كل ماضــاق صــدري

ابغى (.......) اللي بهـــا ميتــن مـوت
واللي بغــلاها قمت اهــوجس واهذري

ابغى الذي اسمه على القلب منحوت
واللي لهـــا اســـرجت قــافي وشعري

قبل يفـــوت الفـــوت وماينفع الصــوت
ويزيـــد مـــع صكــــات الايام قهــــــري

/


الله عليك ياشاطي الكوووت

المهره اللي كامله بأوصافها=كل تعجب وانبهر لا شافها
عسافها من كثر ماهي عنته=أطلق عليها متعبه عسافها

لا تسأل القلب النقي .. مين بكـــــّــــاه ؟
............... ومــوادعـــك .. للحيـن .. بالصبـــر أدســـّــه


اللـــه .. يـــاذاك المـــكـــــان .. وزوايـــــاه
.............. دايم إذا احتجتك من الشوق .. أعســــّـــــه

اللي عطاك لسان معطيني لسان !
واقدر احطك بين ضرسي ونابي

لكنّي أسكت وآتجاهل على شان !
ما أفتح لـ رديان المخاليق بابي

غلطان من قال العذارى بهم فرّق=مايدري انه فرقهم شي عادي
هذي قمر والثانيه كنها الشرق=وهبة من الرحمن رب العبادي
متخالفات اللون والشكل والطرق=سنة حياة الكون قبل المهادي
الفرق ماهو بأبيض اللون والزرق=الفرق والله بالشيم والمبادي
لاجاك شغموم(ن) كما طلة البرق=واليابخصته بان فيه السوادي
هذا اللي ياخوك يفرق معي فرق=والمرجله تعلن عليه الحدادي
اقولها والقلب منه احرق حرق=وقررت عن مثله يزيد ابتعادي

اكذب عليك ان قلتلك يوم بنساك=والله لوطال العمر مانسيتك
واكذب عليك ان قلتلك يوم بجفاك=والله لو طال العمر ماجفيتك
انتي كتب ربي عليك اني اهواك=وانا كتب ربي علي وهويتك

ماكل طير(ن) يعجبك في لحوقه=وماكل مخلب ينثر الدم دفاق
واحذر تصاحب واحد(ن) فيه بوقه=يدس لك وسط العسل سم زراق
عليك باللي لا نخيته تشوقه=واليا احتمى الموقف وقفلك على ساق

ياليت ما بالقلب ياخوك ينذاع=وترتاح نفس(ن) زاد والله جهدها
مير البلاء أكتم ورى عوج الاضلاع=هم(ن) أسر نفسي وزود لهدها
هم(ن) ولو انه على جاهد القاع=زلزل مبانيها وكسر عمدها
كله سبب طفله غدت كلها اوجاع=ضغط وتليف كبد والخافي أدها
طفله بريئه منهكه عمرها ضاع=رحلة شقاء عانت بها من مهدها
ليت الهناء ياخوك يشرى وينباع=لآخذ من سنيني واحطه بيدها
لاشفتها ضاقت علي كل الابقاع=يطري علي وش عقب امر وأدها
لافي يدي حيلة ولاعندي اسناع=تمسي وتصبح يالخوي في نكدها
لاشك ما للعبد ياكود ينصاع=لامر الذي بيده عناها وسعدها
ربك كريم وعارف(ن) كل الاوضاع=بأمره شفا عين الضرير ورمدها

الناس تؤمن بالولي بكل الاوضاع=عند المصاب وعند راهي رغدها
وحنا خذينا وقتنا اثلاث وارباع=ذقنا مرارتها وذقنا شهدها
هي سنه الدنيا ملاقاه و أوداع=ناس(ن) تموت وناس تاتي بعدها

اشتقت للي غلاها حيل ذابحني=واللي لها النفس ولهانه وشفقانه
للي غنجها وبسمتها تونسني=من قبل تنطق بـ( بابا ) حالي لسانه
البارحه يافهد بالليل زارتني=تقول ابغى بحضنك حيل بردانه
القبر موحش ولابه من يجالسني=وانا لحضنك وصوتك حيل ولهانه
ضميتها والعباير حيل تخنقني=واسترسلت بالدموع العين غرقانه

قصيدة للشاعر / بندر السديري في رثاء الغاليه ( أسيل )

تسلم ويسلم غاليك يابو تركي

على القصيدة وعلى صدق نواياك ودعواتك

ومهما قلت يابو تركي اجدني مقصر بحقك فأنت قدرك بقلب اخوك اكبر من الحروف

ياعاسف بحور القوافي تناديك =حضّـر هـنا ياطـيـب السـاس نـفــداك
باخذ معك طاروق والله يحـييـك=وإسمـع لصوتن حـزت الضيق ناداك
ياخوك دمعي باالمحاجر يحاكيك=وفيني من انواع الحزن ماهو يخفاك
حزني عـليها فكك الحـال تفكيـك=كـني وطيـت بباطـن الـرجـل الاشـواك
فـقـدتها واعـطـيت درب التهاليـك=مابين وجــد ودمـع واحــزان وإربـاك
تبكيـك عـيني وغـبة الروح تبكيـك=ياالغاليه يـمّـــه عـسى الخـلـد مـاطاك
يالله عسى غـر السحايب تساقيـك=ياتــراب قـبـــرن ضـم غــالـي تمثـنـاك
يالـيتـني بألـحـاد قـبــرك مخــاويـك=بنــدر يايـمّــــه عـاف وقـتـــه بـلـيــــاك
ينـعـاك دمعـي والشعـر وين اوديك=حتى حمـام الـورق مـن حــزني ينـعــاك
ضاق الخلا وفجـوجه بعـيـن غاليك=عـقـب الفــراق اللـي ذبحـنـي بـفــرقــاك
جتك القوافي من السديـري تناجيـك=وإسلـم عـسى صــدوف المنـايا تـعـــداك

يامرحبا ياللي نزيهه مباديك=اعداد ماشاشت حروفي لطرياك
ايو الله احضر وافتخر في معاليك=ولي الشرف يالدوسري في ملاقاك
جيت بشموخ الوايلي جيت اعزيك=ولاجيت اماري بالقوافي اتحداك
جيتك اعزي من فقدته بغاليك=نهر الحنان اللي لها تتعب خطاك
يالله عساها تنذكر عند باريك=في جنة الفردوس بجوار مولاك
ويالله عسى مايوم يالقرم نبكيك=ويعيش ابوك اللي على الطيب رباك
تمت وحرفي الوايلي جاء يعزيك=وعسى الحزن ياطيب الفال ينساك

المشاركة الأصلية كتبت بواسطة محمد بن موسى (المشاركة 327962) رد على احد قصائد الشاعر العذب / بندر السديري في رثائه لوالدته رحمها الله وكان موجه القصيدة لي ولم يسعفني الوقت انذاك لأنزالها في نفس الموقع السابق وللتوضيح ( االملكي ) بندر السديري .. (( عآسف المهره )) محمد بن موسى .. ياعاسف بحور القوافي تناديك =حضّـر هـنا ياطـيـب السـاس نـفــداك باخذ معك طاروق والله يحـييـك=وإسمـع لصوتن حـزت الضيق ناداك ياخوك دمعي باالمحاجر يحاكيك=وفيني من انواع الحزن ماهو يخفاك حزني عـليها فكك الحـال تفكيـك=كـني وطيـت بباطـن الـرجـل الاشـواك فـقـدتها واعـطـيت درب التهاليـك=مابين وجــد ودمـع واحــزان وإربـاك تبكيـك عـيني وغـبة الروح تبكيـك=ياالغاليه يـمّـــه عـسى الخـلـد مـاطاك يالله عسى غـر السحايب تساقيـك=ياتــراب قـبـــرن ضـم غــالـي تمثـنـاك يالـيتـني بألـحـاد قـبــرك مخــاويـك=بنــدر يايـمّــــه عـاف وقـتـــه بـلـيــــاك ينـعـاك دمعـي والشعـر وين اوديك=حتى حمـام الـورق مـن حــزني ينـعــاك ضاق الخلا وفجـوجه بعـيـن غاليك=عـقـب الفــراق اللـي ذبحـنـي بـفــرقــاك جتك القوافي من السديـري تناجيـك=وإسلـم عـسى صــدوف المنـايا تـعـــداك ...........وهذا ردي على بندر السديري.................. يامرحبا ياللي نزيهه مباديك=اعداد ماشاشت حروفي لطرياك ايو الله احضر وافتخر في معاليك=ولي الشرف يالدوسري في ملاقاك جيت بشموخ الوايلي جيت اعزيك=ولاجيت اماري بالقوافي اتحداك جيتك اعزي من فقدته بغاليك=نهر الحنان اللي لها تتعب خطاك يالله عساها تنذكر عند باريك=في جنة الفردوس بجوار مولاك ويالله عسى مايوم يالقرم نبكيك=ويعيش ابوك اللي على الطيب رباك تمت وحرفي الوايلي جاء يعزيك=وعسى الحزن ياطيب الفال ينساك