°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - صوت الولاء ..؟ (http://www.weelan.com/vb/showthread.php?t=1217)

ياصفوة ملوك العرب سلمت خطاك=عداك ربي يابو فيصل خطرها
الله يجيرك يافهدنا ويرعاك=يافرحة بلاد العرب يامطرها

سلامة رأس ابوفيصل فهدنا=زعيم المجد في يوم الزعامه
عظيم الشأن تمم به سعدنا=وزالت عن سماء الدار الغمامه

يالمملكة صارت لشيخك سلامات=الشر زال وسلّم الله فهدنا
حلال عسرات الامور الصعيبات=اللي رفع بالعز راية بلدنا

نور البشاير لاح في وجه سلمان=لاحت تباشير الفرح في جبينه
استبشرت من فرحته كل الاوطان=واستبشرت كل النفوس الحزينه
بسلامة الفهد المفدى كحيلان=عسى الولي يمهل لنا في سنينه

سلامتك يااعدى عداة العذاريب=ليت المرض يختار غيرك ونفديك
نفرش لك قلوب الوفا بالتراحيب=ويعجز بك الانصاف من وين يوفيك

لاح الفرح والشعر زانت طروقه=واحلى البشاير رددت عبر الاعلام
بقومة فهد حبيب شعبه وشوقه=رجل السياسه والرياسه والاقدام
سيفٍ حفظ لكتاب ربي حقوقه=وساهم بنصر الدين وبعز الاسلام
نفسه لخدمة بيت ربه سبوقه=خادم بيوت الله لها تاج ووسام

[/size]

عبدالعزيز مكون المستحيلات=ياما قهر بالسيف من كان عايل
ليث ٍ يدش افجوج غاب مخيفات=كم حاكم من سطوته راح شايل
عوجا ليا ردوا لنصب الرهيفات=صارت على ذولاك عوج سحايل
السيف يشهد والقلم والسجلات=هذا الصحيح اللي ذكرته صمايل

]المرحوم / الاسمر بن خلف الجويعان

برج المعالي يابوفصيل رقيته=وغيرك عجز عن رقيته مارقابه
انت الشجاع اللي عدوك فنيته=وانت الذي كل الضراغم تهابه
والدك بعلوم المراجل تليته=وعليك من صقر الجزيره تشابه
يالعاهل اللي بالفخر ذاع صيته=انت الذي تذخر لحل الصعابه
علم الفخر عبر الوسائل قريته=علمك تبين واشتهر لا غرابه
امجاد فعلك بالفخر ماحصيته=يصعب على كل الكياتب احسابه

عبدالله بن عبار العنزي ،،

وله ايضا

انت الذي شيدت نهضة بلدنا=يالعاهل اللي ماتوصف وصايفك
عليك من بعد الاله اعتمدنا=انت الذلزعيم اللي تشرف مواقفك
ياليثنا يانمرنا يافهدنا=ياللي عدوك ينتحي عنك خايفك
حققت كل اللي له اليوم اردنا=وغليت يمنا صاخب الاثم والافك
حنا لفضلك بالحقايق شهدنا=ولابد ماتاريخ الاجيال ينصفك
افعال مجدك ماحصاها عددنا=عسى السعد كل الليالي ايحالفك