يا هاجسي صور القيفان خلك نبيه=الناس تبغى الجديد من البيوت الجزال
هات الجزاله و هزل القاف محدن يبيه=و انا لسانك على الميقاف ليا جا مجال
عدّ المواعظ وهات النصح و اهتم فيه=دام الزمن ذا زمان البعد و الانفصال
الناس ما هي على وقت الزمان النزيه=تشفق على بعضها بالشوف و الاتصال
الوقت ذا يجهل الرجال منهو أخيه=وشلون تشره عليه ليا جهل بالخوال
التفرقه ضعف و الرجال يقوى عليه=و الجمعه تعز و تقوي صفوف الرجال
و الشايب اللي جمع عصيان ينصح بنيه=الوحده لحالها تكسر بيمنى العيال
و ليا جمعهن محد يقوالهن في يديه=يعني عسى الله يجمعنا على خير حال
و الناس تعرف هدفها و الطريق الوجيه=و الدنيا هذي فتن و معرضه للزوال

انا اشهد ,, صح لسانك ترليووون ولا يكفون شاعرنا القدير (سعد النفج)