الرجال أهل الوفا أصـدق شهـود=وانت منهم لـك مقامـك يابعـدي
أدري انك كان عـودً حـك عـود=تاج رأسـي بالمواقـف وأسنـدي
وأنت من ربعً بهم نرقـى سنـود=وشجـرة الويـلان مافيهـا ردي
وان بغيت أجزل قصيـدً بالوجـود=من خيالـي لـك خيـالً سرمـدي
المعانـي بالوفـا فـاحـت ورود=والمشاعـر كنهـا طفـل أيْعِـدي
يا الرياح العاتيـه كلـي صمـود= والمواقـف ماتبـي شخـصً ردي
العزيمـه حطمـت كـل القـيـود=والمهابه شامخـه فـوق الجـدي
ياطموحي والمسافـه لـو تـزود=نقرب اكثر والرسن قبضـة يـدْي

الغالي تركي صالح

نورت وشرفت متصفحي

الله يعز شانك ويرفع مقدارك

المجد له تاريـخ قصـه وعنـوان= مضمونه الابطال فعـل وبراهيـن
والشعر ديوان العرب يعني لسـان= لافعـال قـومً ماتضمـه دواويـن
لنا ومّنـا لـه مسيـره وبرهـان= مايختفي به عاشوا أمـوات حييـن
مجد العرب حنا على مر الازمـان= ونبقى سلاطينه حـرار الشياهيـن
أسمع صهيل خيول وأشوف فرسان= والمح لميع سيوفهـم والمياديـن
تؤمن بها عقولً وتشهد بها أعيـان= حقيقةٍ ماهـي سوالـف مجانيـن
في واقع التاريخ صفحه لها شـان= ماكنها الا سور وارض العرب صين
صفحة من التاريخ (تاريخ ويلان)= فيها أختصار الازمنـه والمياميـن
ليا أنتخى تاريخنا بـ.. أبن شعلان= من قبل شوشتنا تشوش المعاديـن
به هيبة معزي وبه بـاس شامـان= مثل الجبل ثابت على العسر واللين
من معركة حطين ؟ لمّوحد الشـأن= اللي جمع كل القبايل علـى الديـن
ماالله خلق مثله من الانس والجان= يعني بوقفاتـه زعيـم السلاطيـن
ماقول غير اللي قبل وقفتـي بـان= تشهد به الاقصين من قبل الادنيـن
ذكرت من شيّد على العـز بنيـان= شيخً عطاه الله على الارض تمكين
شيخً صميدع سيرته تعمّر أوطـان= ولاهو قصورً بالشيـوخ المسّميـن
ومن حقي أفخر وآتمثل بالالحـان= مادمت أنا وافـي وربعـي وفييـن
لكن على بالي طرى قول (راكان)= وأنا على نهج الرجـال الشريفيـن
أنا أفتخرت وزبدة الهـرج نيشـان= والقول بنـدق والفعايـل نياشيـن
والوايلي سلطان من نسل سلطـان= مثل الذهب يرجح بكـل الموازيـن