المشاركة الأصلية كتبت بواسطة خلف الغريب (المشاركة 267412) بين ما يلقى من الشعـر ويقـال منهجي دايم على النهج الفريـد شاعرٍ لا قال لاحساسـه تعـال كن بحر الشعر يرسل لـه بريـد وما ادعيت انى على حد الكمال لاكن اميـز احروفـي بالقصيـد ما يموت الشعر بصدور الرجـال الشعر موته على صـدر البليـد ما وردت الا على نبـع الـزلال ولا قطفت الا من الطلع النضيد محمد العاند الفقير .. اتعبت الشعراء بعدك يا ابو طارق .. حقيقة مع كل نص لك اعيش جو الشعر بكافة تفاصيله لأن ما تكتبه هو شعر حقيقي .. الف صح لسانك .. راية التوحيـد رايـه لا تـزال راية الاسلام عنهـا مـا نحيـد لاغلو ولا فسـوق ولا جـدال وراي ابو متعب هو الراي السديد سايقن فكره على ابعد من خيال والنظر قـدام والنظـره بعيـد امتلك سيف الشجاعه والعـدال وهو ذرى الامه ليا حمي الحديـد المليك الي وقف فيكـم وقـال وحدوا صف العروبه من جديـد ياحماة الارض واصحاب الجلال ابنوا الامجاد مـن مجـدن تليـد ما زليت يا ابو طارق وملكنا طول الله عمره يستحق الكثير فمواقفه مع الامة الاسلامية اكبر من ان تحصى .. تقبل تحياتي ومروري المتواضع..

المشاركة الأصلية كتبت بواسطة محمد عبدالله (المشاركة 267488) يسلموا خيو دوم هاالابداع تقبل مروري

المشاركة الأصلية كتبت بواسطة رابح الغضيان (المشاركة 267518) الشاعرالكبير محمدالعاند غني عن اشادتي بل انا من ينتظر منه الاشادة مريت لسجل اعجابي بهذا الشاعر الكبير تحياتي استاذي الفاضل

المشاركة الأصلية كتبت بواسطة عامر الشلاقي (المشاركة 267526) صح الله لسانك الغالي محمد من اروع ماقرأت الله يديمك ويديم هذا الابداع

المشاركة الأصلية كتبت بواسطة سالم صالح (المشاركة 267554) الرائع والمبدع ملك الشعر محمد العاند توقفت الكلمات وخارت الاحرف امام هذه الشااااااااااااامخة بشموخ كاتبها لله درك حتى ترضى وصح السانك حتى ترضى رائع رائع رائع رائع مميز مميز مميز مميز فريد من نوعك فريد من نوعك هاانا اقف لااقدم لك التحية على هذه الرائعة كل الكلمات وكل الفاظ الثناء تعجز ان توصف مااشعر به امام هذه القصيدة وامام شاعرها وشعره الحقيقي الذي لايقبل التزييف اعجبني هذا البيت مررررررررررررررة لو تثور العرب من سبت مقال --- كان لغمت القصايد والنشيد تقبل تقديري واعجابي بكل ماخطته اناملك

بين ما يلقى من الشعر ويقال= منهجي دايم على النهج الفريد
شاعرٍ لا قال لاحساسه تعال = كن بحر الشعر يرسل له بريد
وما ادعيت انى على حد الكمال= لاكن اميز احروفي بالقصيد
ما يموت الشعر بصدور الرجال= الشعر موته على صدر البليد
ما وردت الا على نبع الزلال= ولا قطفت الا من الطلع النضيد
وكل ماهبت هبوب من شمال= تلعب الافكار بالراس العنيد
واسأل الماضي عن الحاضر سؤال= وش يفيد الدرس الاول والجديد ؟
ليت ماضينا يعود له مجال= كان حاضرنا مخلينا عبيد
ماانهزم فينا التحدى والنزال=لاكن ابلشنا القريب والبعيد
ندرس التوحيد ونعرف الحلال= بس تجبرنا المصالح نستفيد
والمطامع طيب حال وجمع مال= واكبر الابطال باكبرهم رصيد
الله اكبر كل من يلبس عقال= ينتخي بالدين وسلاحه جريد
واقع الامه تحت وطء احتلال = وامتلكها الغرب بالعلم الأكيد
مابقي ذروة سنام ولا جمال= والمجاهد ما يسمونه شهيد
والفتن من كل صوب وكل جال= وزارع الفتنه يبى يجنى الحصيد
والقصايد وقعها دون انفعال= والفعايل لا تعيد ولا تفيد
من هو الي جر الامه للزوال = يابني يعرب اما فيكم رشيد ؟
ومن هو الي رسم دروب الضلال= ومن هو الي بالنهايه مستفيد؟
راية التوحيد رايه لا تزال = راية الاسلام عنها ما نحيد
لاغلو ولا فسوق ولا جدال= وراي ابو متعب هو الراي السديد
سايقن فكره على ابعد من خيال= والنظر قدام والنظره بعيد
امتلك سيف الشجاعه والعدال= وهو ذرى الامه ليا حمي الحديد
المليك الي وقف فيكم وقال= وحدوا صف العروبه من جديد
ياحماة الا رض واصحاب الجلال= ابنوا الامجاد من مجدن تليد
مثلما قصة كليبا والغزال= يوم خلا الصيد يصطادو لبيد
والمهلهل حينما صال وجال= ثارت الهيجاء من الفعل الشدي
لو تثور العرب من سبة مقال= كان لغمت القصايد والنشيد