رد: ,{احساسك الشعري في ورطة},,(طلال معيض)
الله الله الله
إستضافه بالفعل رائعه وتطوير الفكره بلا شك .. اضفت إليها .. فلله درّ من طوّرها . . رساله إلى طلال معيض : لله درّك .. والإبداع ليس غريب عليك أما سؤالي طال عمرك : وش موقفك اليا دحمتك الاشاعات=بالمعضله واللي يجي من شررها تزبن على مولاك او بعض الابيات=أوهو تشيم وسمّها في نحرها وإليا هناك الحظ في بعض الاوقات=سحابتك منهو يطوله مطرها ؟ |
رد: ,{احساسك الشعري في ورطة},,(طلال معيض)
سالم صالح
في نتظرتك ايات الاشعار ياصل=عند القلوب اللي تحب القصايد هل هو غزل والا مديح وتواصل=والا فخر ناتج فعول وعوايد لاجبت جزل ومعه الابداع حاصل=وحطيت فيها من قليل الفرايد للمستمع تاصل بليا فواصل=تصير اصلا انت للشعر قايد بدر الخلاوي ياطــلال يابن معــيض والــعلم علـمآ زيـن ............................ ابسئلك عن حاجه ولاهي خصوصيه وش اللي تشوفه وانت شاعر وعندك عين ؟ ........................... تـــقول الصـــراحه والــولي يصلح النيــه طلال قضيه قضيه يابدر مابها تخمين=نشوف البحر طبوه ناس حونشيه عساالله لايبلى ويشفيهم المبلين=لياقال كلمه قال انا ناطح الهيه |
رد: ,{احساسك الشعري في ورطة},,(طلال معيض)
جائز المليحان وش موقفك اليا دحمتك الاشاعات بالمعضله واللي يجي من شررها تزبن على مولاك او بعض الابيات أوهو تشيم وسمّها فـي نحرهـا وإليا هناك الحظ في بعض الاوقات سحابتك منهو يطوله مطرهـا طلال يعني عطوني في قفا الظهر طعنات=الاوله يعني مسكت بنحرها ماهمني عاذل وحاسد وشمات=هم دافع لروحي تحقق فخرها لامن دعيت الله بخمس الصلاوات=عسا جنان الخلد نفسي قدرها |
رد: ,{احساسك الشعري في ورطة},,(طلال معيض)
ابو معيض
صح السانك يالغالي مدد بلا عدد ابداع وتألق ماهو مستغرب على شاعر بمثل مكانة طلال طلال وان حدك زمانك على اقصاك=وتخالفت في راسك ظنون وظنون وش موقفك ؟ لامن صديقك تناساك=وقفى وخنجر صّدته فيك مطعون |
رد: ,{احساسك الشعري في ورطة},,(طلال معيض)
محمد بن موسى
طلال وان حدك زمانك على اقصاك وتخالفت في راسك ظنون وظنـون وش موقفك ؟ لامن صديقك تناساك وقفى وخنجر صّدته فيك مطعـون طلال لاحدني وقتي تنصيت شرواك=واللي معانا بالمثل مايهونون ومن صدت عني قلت يازين فرقاك=وان خان اموت بذمتي فيه ماخون |
رد: ,{احساسك الشعري في ورطة},,(طلال معيض)
ابداع وجزالة وحضور لافت للانتباه ..
كل الشكر للضيف وللمضيفة على هذا الموضوع الذي اقل ما يوصف به الابداع والطرح الجرئ.. صح لسانك يا شاعرنا واجدت وافدت فلله درك. شكرا لاحساس الرائعة على هذه الاستضافة ونحن في ويلان مدينون لها بهذا الجمال وهذا الابداع |
رد: ,{احساسك الشعري في ورطة},,(طلال معيض)
شكراً لصاحبة الموضوع \ احساس قلم \ على التميز والاضافة الجميلة
واهلاً بالشاعر المميز / طلال معيض وصح لسانك واجدت وافدت فلله درك. دمتم بخير |
| الساعة الآن (03:12 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه