صبحتكم بالحـب وبالحـب تمسـون=وايامكـم بالحـب تبـقـى مـديـده
صباحكم حـب وغـزل لـه تعـدون=ابيـات شعـر ن بالمعانـي فـريـده
يامعشـر الشعـار بالهـون بالهـون=ذابـت قوافيكـم جـروح ن شديـده
مريتكـم ياهيـه مـن قبـل تسـرون=بشوف كلـن وش معـه وش جديـده
احدن بتالي اليـل متعـب ومطعـون=من جورخـل ن صاربالحـب سيـده
واحدن يشوف الحب همسات وعيـون=ولحظات مرت فـي حياتـه سعيـده
واحدن يشوف ان المزاييـن يبطـون=ماحصلـن وده ولا لمـسـة ايــده
واحدن على لامـى البنيـات مجنـون=في كـل يـوم ولـه حكايـه جديـده
قلبـه خضـر لوعـد بالعمرسـتـون=والعشق فـي كـل المراحـل يفيـده
كلن على ليـلاه ضامـي ومشطـون=ونـا علـى قيسـي مقـيـد بقـيـده
يامعشـر الشعـاروش بـي تقولـون=يومـن حبـي راح مـنـي فقـيـده
الصاحـب اللـي مايحاليـه مزيـون=حبه غدى نبـض الخفـوق ووريـده
ان مرنـي ماهمنـي وش يقـولـون=من زود حبي جبـت عيـدي وعيـده
يلعب على اوناري واغني لـه لحـون=واعددابيـات الشعـر لـه وازيــده
اعشقـه فـي قـوه وادريـه بالهـون=وفي كل يـوم اكتـب لعينـه قصيـده
والمشكلـه ماهـوب بالشعرمفـتـون=يقرى وكنـه قـاري ن فـي جريـده
ياقيس ضـاع العمروشلـون وشلـون=ارجـع اللـي فاتنـي كيـف اعيـده
يامعشـر الشعـار هالحيـن تـدرون=ان القصـيـده كلبـوهـا عصـيـده
ماجيتكم ونتو مـن الوجـد تسـرون=ولاشفت كلن وش معـه وش جديـده
ماكنـت الا شطحـة ن لـو تسالـون=ومزحـه ثقيلـه بـس ماهـي بليـده
وحلم يمرالعيـن مـن بيـن الجفـون=تنام عيني بـس مـن شـان اعيـده
وصرخة الم ترقى على صوت محزون=لاحقـق احلامـه ولاجـاب عـيـده
كلن بوادي الحـب مغـرم ومجنـون=ونـا لقيـس الحـب غايـه عنـيـده