الله يغربل عدوك ياموسى
أطلعت على خزعبلاتك الظالمة وخذ مني هالرد على عجل أمـا عبدالله المطرفي فشغله عندي اللي سمع كلامك ........ ومستغرب فزعة صديقي الحميدي لك عليه لكن مادون الحلق غير اليدين: ـــــ موسى يصيح و ينتخي لك ويزهمك ............................... هبيت يا عودن يحب النشايب والله ماني بالحقيقة معلمــك ................................. خلك على ( رايك ) تقود الركايب ما ني بهرج الصدق لو قلت ظالمك ................................... يالعود ( هون ) لا تشب الحرايب بالنار أوقد شوشتك لين تشعمك ................................ نارن توقد من شديد الهبايب والله ثم والله والله ما رحمك ................................... يلي لفعل الشر صاير سبايب ويالمطرفي بلغ صديقك معلمك .................................... راع السنون الطافحات العجايب قله مشوه في الحديث وتبسمك ..................................... ومكروه بين الخلق حتى القرايب بيديني الـ ثنتين أفتلك وابرمك ........................................ يالعود أركد لا تزيد المصايب ................................ |
زان القصيد وصار بالربع ميلاح ...................... ويا شين بعض الناس عندي مطاحه لا والله الا تو صباركم رااح .............................. بكن عليه البيض سون منااحه شفته تكوم وأنعقد فوقه اصياح ....................... وزودن على صيحات ربعه اصياحه من هيبتي قبل آصله يا عرب طاح ........................... ما فاد ابو ممدوح كثرت سلاحه وش عاد لوهو يفزع الطير سداح ............................ والطير باشق لا تطاول جناحه هذا الهجا ماهو ترى فرك مسباح ............................... كل مفرده تاتيك مني مباحه إن صحت بـ أعلى الصوت ناديت وضاح ........................... والله ليـ فلح فوق كتفك فلااحه مار أترك النوهات يالذيب وارتاح .......................... كم واحدن قبلك ترى العود داحه وش عاد لونك بالبحر صرت سباح ............................... الموج جاك ولا تفيد السباحه |
الاخ / مــــــــــــــــوســـــــــــــــــــــــــــــــ ـــى
ياخوك وش دخلك بين اللى يسافرون وزوجاتهم اللى هذا فعلك وشلون بااللى يضربونهن لكن خذا هذه النصيحه وانا اخوك ترى كبير السن يسعى باالاصلاح=============ودايم مساره للهدى والسماحه ويزين من بين العرب هرج الامزاح=============ومعك الربابه جالس باستراحه ياصاحبى دامت لياليك باْفـــــراح==============يابو محمد خل قول الصراحه فى مجلسك خلك مكيف ومرتاح================مالك ومال الناس اترك مراحه هذا كلام اللى لك اليوم نصاح ===================اخوك تدرى به وشعره سلاحه |
ياخيي خابرك عادل والحريم ما لهن رب
واليه ما خذتو حريمكم معكم وفسحتوهن يا بعد را سي انت هههههههههههههههههههههههههه وبعدين خويك ضلمني يقول ان اساناني ظفاح وشكلي اقشر وخربني وانت خا برك ما تحب الضلم |
يقول موسى المشعان عني لسالم الجهبل :
وبعدين خويك ضلمني يقول ان اساناني طفاح وشكلي اقشر وخربني وانت خا برك ما تحب الظلم وأقول لا تزعل يابو وضاح: والله انك مزيون وكل ماشوفك اتذكر وائل كفوري أو المغضور هذاك رامي عياش شحرور .... صاير عقب عملية التجميل لكن خذ الرد : انا احسبنك يا بيض الوجــه مرتاح ...................... وكنت اعتقد صدرك بعرض المساحــه مـا كنت اظنــك للصعيبات مفتــــاح .............................. ادري بان الهـرش هذا امـراحــه جنب عن الزحزيح والزير والزاح ............................ وخذ لك مع الغالين يوم استراحــه نعم يشدك بلبل الشرق مـــــــداح ............................... مالك ومـال الذاريات ورياحــــه عودن على سد المخاليق فضــاح ................................ مثل الطوير اللي كسيرن جناحه ان طعتني خلك مع الخلق ترتـاح ..................................... لاصار لشكلن ولابك سماحــه وش علمك تأكل مع الصبح تفــاح .............................. ياالله صباح الخير يالله صباحه تعال خذها من يميني من الــراح ................................... كفن يخلي عودكم به نصاحه وبلغ هل الفزعات ماني بمزاح ..................................... العود قفى ماتروحوا مراحــه |
الله
الله الله <<<<<<<<<<<<<<<<< كان محايد له فتره بس الحين يبي يصير محايد هههههههههههههههههههههه عليك به يابوممدوح ماقصرتو به دمتم بخير |
وهذا رد على أخي :: موسى المشعان
الذي تبلاني وأنا بعيد عن الساحه
يا موسى المشعان ما تقدر لفمك = بالمنتدى سبيت عطب الضرايب والله دريت اليوم بأبليس وهمك = سحبت سيفك فازع للحبايب وصلتها يالشيخ للقضبه بلاجمك = ولا افكهن يا كود تقول تايب لا تحسبني خايف يوم اسالمك = عليك مردود النقى بالحرايب وعند الحلايب يالسنافي أبلمك = وبيني وبينك أشقح الدم رايب كانك تمنى الحرب بالحرب نعدمك = لاثار عج الخيل والملح شايب أدخل على الله كان بالقول ظالمك = والقى حسابي يوم صف النصايب يا به تجيني اليوم أريد أعلمك = عجل أنا وياك ما احنى قرايب إخواني الشعراء أنا لست بشاعر وإنما أتحرش بأخي :: أبــو وضاح |
| الساعة الآن (10:00 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه