كتبت اشعار ابي اوزنها وارتبها واضبطهاعلى الله تعجبك يانوف الى منك سمعتيني=انا لولاك ولولا ارضاك ومحياك عساني افداك ما اكتب حرف لكحيل الطرف بلا تعديل ولا تبديل
دخيل العين والكحله دخيل الشال والقذله دخيل الخطوه العجله ليا منك لفيتيني=احس القاع تتمايل واحس الروح تتحايل واحس القلب يتخايل واحس الكون معاك ايميل
دخيل الليل بعيونك وضوح البرق بسنونك تعالي شوفي مجنونك وكيف انك سحرتيني =دخيل بوجنتك البرق ودخيل بجادلك هالفرق الف الغرب الف الشرق ولا لوصفك ابد تمثيل
انا مقدر على اكثر ولااقوى ولااصبر ولااشعر وتدرين الهوى يكفر مادام انك فتنتيني=ياجرح القلب وطهر الحب يطول الدرب ولو هو صعب انا امشي ولاتعب ولا اكل ولا اميل
احبك والغلا سلطان احبك والغلا نايف احبك والغلا خالد لعن ابو حيك ذبحتيني=انا بعشقك ابد ماميح دخيل الرمث دخيل الشيح اليا هبت هذيك الريح نسايمها بتالي الليل
((ابي اعلمك بالخافي)) انا لاشفتها تذبح ونظرة رمشها تجرح وانا بوصوفها اسرح واحس الكون ناسيني=جدايلها وخصايلها وتمايلها الى ابدت تحايلها عليه قمت اخايلها مثايلها كمابرق بمخيله سيل
وعانقها وعاتقهاومنطقها ليا قالت اصدقها وامالي تحققها وتحيي قلب عاشقها اليا قامت تراعيني=اليا جتني ونادتني وشافتني وحيتني ومستني جريح خلتني اناظرها بليا حيل
ازعلها واراضيها واهديها وامنيها وكامل حالي اعطيها واكلمها واعلمها واسلمها موازيني=واقدرها والملمها وابعثرها وابخترها وبااشعاري اعبرها واصورها بلازيف وبلاتضليل
عليها زول وعليها طول وعليها قول ومن حولي الين الحول وهي تكتب عناويني =ولاشفت بواصيفها من جده ليا ابهاها لطايفها ليا حد الحفر لطريف محدن شيف بالتوصيف ولا من قيل
سكر وملح تقود الوضح وترد الشقح ويغار الصبح وطعنة رمح تصوبها الى عيني=وقامتها ومشيتها ولبستها وشوفتها وطلتها وبسمتها دخيل الله جيتها دخيل الغنج والتدليل
شوقي شوق لوضحا النوق لهاك الذوق ترج الحال حدر وفوق بهمس به تناديني =خد تلمع بروقه وحر شلع سبوقه وشعري جاب طاروقه ولو مااقوى على التمثيل