الحـزن ثوب ولكن الجرح خامـه
........................ تفصلـه مـن طعـن يـمـنى مـداويـك

والفـرح شرهـه والأمـل له حـزامـه
........................ ياقلب خابت شرهتك مع هقاويك

الدمـع طفل أبـدى لحـزنـي أحترامـه
........................ ياعيني هلي الدمع وفلي الشبابيك

والحـظ مكتـوب القـدر بـه عـلامـه
........................ لعبـة قـدر والحـظ منها بـ يعطيـك

والصـدق صوت الحـق يزعـل كـلامـه
........................ والكـذب عـزف والبشر فيه تغويـك

نروض اللي مالها سرج واعنان = وياما عسفنا ثم طرحنا خيوله

حنا ترى ويلان من ساس ويلان= نعطيك من زود الجهامه سيوله

طقيتها لطمه وعلى الله توكلت
........................... ضاق الهبُـوب وضاق صدر الشمالي

في عزلتي بمجلس همـومي تعللت
........................... بهرت حزني " دمع " وفاحت دلالي

تزعل وتتضايق وانا معك موجود = وشلون لاغبت عنك وتنحيت
ماتدري ان الضيق منسي ومفقود = اليا التقى قلبي وقلبك وغنيت
غنيت لك حبي على ريشة العود =وارخصت لك قلب الحزن والتناهيت

تشعل مشاهيب الغلا داخلي نار = والجوف من كثر الوله فيه جمر
عليك ياللي بينهم فايف ستار = كل الحبايب من غلاتك تذمر
غلاك عندي ملفت لكل الانظار = من مطرقة حبك بقلبي تسمر
اغليك ماجارت على الروح الاقدار = مازال نسل اادم على الارض عمر