صبلي من دلة الكيف فنجالي=بشربه عله يعدل موازيني
من رحل دمعي على الخد همالي=كاشفن سر القلوب المحازيني

الشاعر اللي ما قصد باالمزايين=إما فضيخ القلب وإلا هبيله
أعماه ربي مع عمى القلب والعين=القلب خالي والهبايب تشيله
شعر الغزل لاصار يرضي هلا الدين=مافيه للشعار ذنب وفشيله

ليتك تجي وتشوف حالي بلياك=ياصاحبي عقب المعزه ذليله

الفراق اللي طوى حالك وحالي=ماترك لي غير هم(ن) يوازيني
من رحل ودع به الخالق الوالي=والله يجازيك صبر ويجازيني

يا هيه جيتك شاعرن من هدؤه ما يفيق = لو شفتي بسماه تلبيد و البارق برق
جيتك و انا ادري بالطريق و مشاريه الطريق = و ادري قبل لا اجيك كم مره الباب انطرق
ما جيت ابلعب بالمحبه و اقول اني صديق = و لا جيت لجل اشوف ضحكك مع الناس انسرق
جيتك صديق و معجب و هاوي و جيتك عشيق = جيتك و قلبي بالمحبه تصبّر و احترق

.
.

ياصاحبي .. لو شفتني / ماتكلمت
ترا خويك .. ماخفته .. المعاااني

انا حشمتك لوعلى صاحبك / لمت
عن كلمةَ .. آخر مداها .. لسااني

لاني من صدوف الليالي / تعلمت
ما اشنى خويي لو خويي .. شنااني

واصبر ولو جارت علي .. وتألمت
واعز شانه.. قبل لا يعز .. شااني
.
.