آتضايق .. وآخذ من الضيق .. علقـه=باقيٍ من باقـي ظروفـي .. رواسـب
فـالظهر طعنه ..وفـاقصى الراس فلقه=كيف احاسب حاجةٍ .. ما تـنتحاسب
ودك ان الواحد .. اليا ضـاق خلقـه=ما يفضفض غير فالوقت .. المناسـب!

بسم الذي انـزل تبـارك وياسيـن=الخالـق الــرزاق رب البـريـه
محصي عظام الآدمـي بالملاييـن=وجامع ألوف الناس عنـده سويـه
اطلبـك يـارزاق عبـدك بساتيـن=ومنزلـه بالخلـد بـعـد المنـيـه
ترحم ابوي اللي رحل عصر الاثنين=ماقال ( أف ) وش هالحياة الغثيـه
راضي بحكم الرب بالزين والشيـن=مصلي(ن) فرضـه ونفسـه نقيـه
ماطاوع الشيطان وايـا الملاعيـن=يامـر وينهـى متعـظ فـي نبيـه
ترحمه يارحمـن وتسكنـه عليّـن=وتجعل له الانهـار شربـه هنيـه
وختامهـا صـلاة ربـي ملاييـن=على نبـي الخلـق سيـد البريـه

يامــرحـبا بااللي قصيـده عـلى ســـاس=تفخـربـه حروف الهجـا الابجــديـه
اعـداد ماخــطــت حروفـن بــقــرطاس=واعـداد زوار الحــرم والحــويــه
ياعاسـف المهــره هــلا مالهـا قيـاس=تاصلك مـن جــده الى العـقــربيـه
يشوقني شـعـرن غـدا قناد هاالـراس=من صاحبن عزن لمن هو خويه
حروف شـعـره كنها بـرق الالـمـاس=شامت عن الهزله ودرب الرديه
تطرد عن الخاطر هواجيس وعماس=تشبه هوى الطايف ونجد العذيه
كفو ونعم باالوايـلي عـدم الاجـنـاس=مثلك قليـلن باالمـخـاليـق زيـه
الـلابه اللي صيتها بيـن هاالـنـاس=برقن يشق الليل ويـدوي دويـه
ويلان ضاريتن على قطع الارماس=بيـن القـبـايل نارهــم دوم حـيـه
خط السديري حرفه بكل الاحساس =لعيون عاسف شوق بنت العبيه

ياللـــي على قــولـك تلقـب حركتـات=انـا جنــون الشعـــر كلـــه برآســـي
شاعـر ولــي مبـدا ومعنـي وغايـات=ويزيد مع وقـــت التحـدي حمآسـي
سلطــان حرف بكل صـوله وجـولات=ومروض(ن) للقاف صعب المرآسـي
الشعر يابن الناس مغـروس بالـذات=ورث الجـدود وفخـر ربعي ونآسـي
انحــت صخر وارفــع من القاف رايات=ولا اجــيب لك من نســـخ والا اقتباسي
شاعــر وانقــض كـــل فتلـك بلحظـات=وارسي كما ترسي الجبال الرواسـي
وياللـي تدقـــق بالعلـــوم التفـاهـات=انا ادري انك مانت ساهـي وناســي
تفهم على المقلوب وتقـول هيهـات=وتخلط مع الالماس بعضـه نحاسـي
تــدري وانا ادري بالمســج والعلاقـات=ولاجيتكم صــدفـه ولاهـي فــراسـي
لبيت دعوة شوق من قبـل بالشـات=وجينا على الايميـل زادت عمآسـي
قالت طلبتك : قلت ياشوق قد جـات=قالـت تراسلنـي بوقــت(ن) قياسـي
ارسـل على ابغى اتعـــرف سلامـات=وانا اســير عيـون شـــوق النعاسـي
واهــدي علي بيتين وللخـد بوسـات=وتشـوف رد المنتـدى كيـــف قاسـي
ناس(ن) لهم وسط الرسايل درايـات=يـــقـرون مايخفـى علـــيهـم دساسـي
قلت الهــدف منهـــا وقــالـت لغايـات=ارضي غــروري وانــت تاج(ن) لراسي
وارسلت قصدي جسة النبض بسكات=واعــرف نوايا البنــت واعـرف مقاسـي
وقلت انتظــر رد المنســـق حــركتـات=اللـي يمثـل دور نــاشـــط ســياسـي
يـــزعـم ويرســل سلسـة للعبــــارات=مضمونها التهديد شـي(ن) اساسـي
يمشي بثوب الطهر والثقـل ساعـات=وفي باطنــــه مليـان قلبـــه نجاسـي
مايدري انــي دارســـه درس بالـــذات=وعارف نوايا اهل القلوب الخساسـي
ظاهــرة نيـــه وباطــنـه ســبـع نيـــات=شيطان بس بصــورة انسـان مآسـي
وان كانـــها في فــرد صـــدر وعضـلات=ماحـــركو شعــره من اشعـور راسـي
يعقّــب ويخسى اقولــها عشـر مـرات=الــورع قدره عنـد رجلـــي ومـداسـي
وان كـــانهـا بالمرجلـــه والسياسـات=والله ليغـــرق ما وصــل ربــــع كاسـي

أقزام ما ترقى على قمة الصرح=وإن حاولت ترقى غباها دفنها
أصفار بشمال العدد ما لها طرح=عاشت وماتت والهوامش كفنها
إستر بجلباب الفرح عورة الجرح=ما كل من فتش جروحك حضنها !