مسكن حبيبي وسط قلبي والعيون=ارقد وامن بين رمشيني دفا
القلب عرشك وانت تامر ياحنون=بين الحنايا مجلس الغالي ضفا
لحفتك ضلوعي وانا اقول محضون=تهدنك دقاتي على وتر تغفا
هذي احاسيسي على صوتك يجون=حتى تلامس راحت يدينك وفا
بالله بل عروق قلبي والغصون= واسقني من حلو منطوقك كفا
لبيه من فمك على كل اللحون=تصغي اذاني على لحنه قفا
حبك تملك كل مافيني بهون=اسير عشقك ينتظر منك تعفا
وصفك ذبحني بالحلا ماهو بدون=لانك اميرة وسط قلبي مترفا
يارقيق العود ياعذب المزون=وبلكم بردة على صدري لفا
يافواكة ماخذة من كل لون=والعسل من ريقها ذوقة شفا
انت طب القلب وارماش الجفون=وان سمع طاريك قلبي رفرفا
شفت جيشك يوم يحتل الحصون=في قدومك كل مافيني احتفا
اشعلت قلبي وانت ياعمري تمون=لان حبي مع محبتك حلفا
والي يحاول ياصل لوصفك يهون=قله ترى ركضه يسبب له حفا
والعواذل جنب زينك يعجزون=زينك الظاهر وكيف اللي خفا
انت نور الليل واحساس السكون=يانسيم الصبح في حالة صفا
شفت صدري مع ضلوعي لك يبون=حتى نبض القلب بسمك يهتفا
هذا عقلي ذاهبٍ معكم جنون=وان تركت القلب من حبك هفا
ولو بوصف واذكر الغر الفتون=كان نوم العين عن عيني جفا
بس يكفي مسكنه وسط العيون=كل ماناظرت طيفه لي لفا