::
::

شوف البصيرة .. وإمتحان الخيارات =والحيره اللي ما لبـس لونهـا لـون
أخاف أصادفهم (قـدر) بالمحطـات=وأصد عن ذيك المحطات مغبـون !
لو رحت شفت أحياء في هيئة أموات=لو رحت شفت أموات فيني يعيشون
وشـكثر جادلت المواقف مع الـذات=سؤال : أكبر من إجابـات هالكـون
دام التواصل فـي جميـع الديانـات=حتى قبل عصر الديانـات مسنـون
لا بارك الله ..في سنيـن البدايـات=إن كان عمر الذاكرة بات مشحـون
لا بارك الله ..في ظروف النهايـات=إن كان قبل الخاتمة ما يصلـون !!
لا بارك الله .. بالحكي والعبـارات=الصمت في ذيك الحوارات مسكون؟؟
وحجم الفراغ إن صار كله مسافـات=يا ليتهم في خطـوة البعـد يدنـون
ما هو عشان المسألـه ..بالعلاقـات=لكن عشان اسبابهم : ليـه يقفـون!
ولا هو عشان العمر كله خسـارات=بس الخسارة قبل منـي يموتـون ؟؟
وتبقى المقالـة دايـرة بالفضـاءات=من حبها للريح ..ما مـرت عفـون
ما حز في نفسي مع العالـم أمـوات=إلا تشوف إنسان حي(ن) ومدفـون.

اقبل عذري بربك كنت في الخارج .!

وها انا اتيت وامتلئت نورا بك .!

شاعر لك من الشاعرية مايستحق الوقوف اجلالاً

ورجل لك من الطيب ماتستحق التقديس طهراً

انت رجل تشرف وجه صاحبه .!

يااحبك يابراهيم .!

شوف البصيرة .. وإمتحان الخيارات
والحيره اللي ما لبس لونها لون
التأرجح بين البين والله مؤلم يابراهيم ,ان استثنيا مانريد حتما لا نصل للرضاء فالغاية تقتاتنا .!


أخاف أصادفهم (قدر) بالمحطات
وأصد عن ذيك المحطات مغبون !
وقوف على قارعه الطريق بالكيف والكم ايضاً مؤلم يابراهيم والادراك يجتاز الايمان بالقدر .!


لو رحت شفت أحياء في هيئة أموات
لو رحت شفت أموات فيني يعيشون

هنا لأثبت لهم شاعريتك .!


وشكثر جادلت المواقف مع الذات
سؤال : أكبر من إجابات هالكون
دام التواصل في جميع الديانات
حتى قبل عصر الديانات مسنون

ايحاء لا يقبل الانصاف (دام التواصل )
وحتى قبل عصر الدينات يشترط وجوب الإجازه ,الله عليك يابراهيم!

لا بارك الله ..في سنين البدايات
إن كان عمر الذاكرة بات مشحون
لا بارك الله ..في ظروف النهايات
إن كان قبل الخاتمة ما يصلون !!

اقتفي اثرك وسأتابع .!

لا بارك الله .. بالحكي والعبارات
الصمت في ذيك الحوارات مسكون؟؟
وحجم الفراغ إن صار كله مسافات
يا ليتهم في خطوة البعد يدنون

وياللأسف يابراهيم الصمت اقرب مايعرف بالخذلان الرضاء بملا نريد .!

ما هو عشان المسأله ..بالعلاقات
لكن عشان اسبابهم : ليه يقفون!
ولا هو عشان العمر كله خسارات
بس الخسارة قبل مني يموتون ؟؟
وتبقى المقالة دايرة بالفضاءات
من حبها للريح ..ما مرت عفون

مقطع نكتفي به عن قصائد، به من الرمزيه والجملا الكثير .!

ما حز في نفسي مع العالم أموات
إلا تشوف إنسان حي(ن) ومدفون.

فلسفه شعريه حسية لا يجيدها الا من يمتلك مايمتلك ابراهيم .!
سماوي التكوين انت والله

رحلة شعرية ممتعه لله در انامل كتبتها وفكرا اتا بها.!