رد: (احساسكـ الشعري في ورطة ) سالم صالح,,,
الله عليك
ياسالم صالح صراحة ابدعت ولازلنا ننتظر المزيد \\.. آل ويلان مااروعكم جد احرجتوني شهادتكم وسام على صدري افتخر فيه وربي شكرا من القلب |
رد: (احساسكـ الشعري في ورطة ) سالم صالح,,,
شكراً للاخ العزيز والشاعر القدير / عبدالله عشوي .... على تواجده ويسعدني ان ارد على ابياته الجميلة واتمنى ان تحوز على رضاكم سالم اذا انك صدق شاعر امحنك=قلي نسبنا يابن الاجواد من وين ابي علم صحيح اعرفه منك=ماهو من الي مضيعين العناوين سالم الصالح السالفة ماهي بصعبة وفنك=بوايلٍ حنا عليها براهين العزوة اللي بالنخاوي يجنك=اخيولها من كل صوب وميادين |
رد: (احساسكـ الشعري في ورطة ) سالم صالح,,,
اولاً اشكر اخي العزيز / خالد الغانم على شعوره المميز واطراءه الراقي ولاهنت على مرورك المشرف وكذلك ارحب باخي الشاعر المميز / مشهور الرشدان وياهلا بك مليااار وشرفتني بكل امانة بهذا التواجد والله يساعدنا على حل هاللغز رغم انني ضعيف جداً بالالغاز بسالك وبغاء جواب ما عينت=ذاك العزيز اللي عقب عز ذلي اول رجل هالحين يمكن غداء بنت=مسكين دمعه فوق وجنه يهلي سالم الصالح ترى الزمن هذا غريبٍ به ايقنت=ان النجم غيّر مكانه وظلي وان القلم بعلومه وشرعه آمنت=بس البلا في وقتنا اليوم ملي ......... |
رد: (احساسكـ الشعري في ورطة ) سالم صالح,,,
سالم صالح صح لسانك وبيض الله وجهك بس لو يغيرون العنوان احساسك الشعري في ورطه لني ما اتوقع ان سالم صالح يقع بورطه شاعر كبير متمكن الى الامام يامطنووخ
|
رد: (احساسكـ الشعري في ورطة ) سالم صالح,,,
شكراً أخت أحساس على هذا الأختيار
واهلا وسهلا بشاعرنا القدير " سالم صالح " شاعر لديه قدرة شعرية واضحة ومتمكن شاعر له باع طويل في الشعر أتمنى له التوفييييق لكن ودي اسأله : ياسالم الصالح كلونا الهواميــــــر ### صرنا ضحية للهامور وخويــــه الو نصبوك اليوم في منصب اميـر ### وش انت ناوي بين هذي وذيه مدري لنا تبغى تزف التباشيـــــــر ### وإلا تقووول الكارثة عالميـــــه دمت بحفظ المولى ,,,, |
رد: (احساسكـ الشعري في ورطة ) سالم صالح,,,
اقتباس:
الاخ العزيز والشاعر القدير نافع الجديد صح السانك وشكراً لك من القلب على هذة المشاعر الرائعة والتي اتمنى ان اكون عند حسن الظن وبيض الله وجهك وما ذكرت هذة الاشياء الا من طيبك ومعدنك الاصيل وعز الله ان من فوائد هالمنتدى انه عرفنا على شرواك والحقيقة ان القصايد كلها ما ترضي اللي بالنفس تجاهك ماهو لااجل انك كتبت لي هذة الابيات لاوالله فقدرك ومعزتك يعلم به الله فهي سابقة وستبقى باذن الله ادام الله المحبة وشكراً لك ملياااااااار |
رد: (احساسكـ الشعري في ورطة ) سالم صالح,,,
ماجد الجعفري بيضا ياسالم اشوف اليوم هي رايتك =واحساسك الشعري محدن يقدر يورطه لكن ابسأل عن اشيا تحدث بساحتك =اوظاعها يابودانه حيل متمرمطه كم طالبٍ شفت ماقدر ابد هقوتك = والياكتب جملته مافيه من يغبطه سالم الصالح المدرسة ياسمو الشعر برعايتك=ماتعرف الاالنجاح ودوم هي تشرطه حتى ولو شفت فيها من كسر شرهتك=ذاك الفشل منهجه وخطوطه ملخبطه واذا على الطالب اللي تارك قرايتك=هذاك ضمن الرقوم اللي انا مسقطه ............. |
| الساعة الآن (06:08 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه