عمى .. بعين القصيد .. إن مافتح .. عينه ونـادى لـك = أنا وش لي .. ورى نظم القصيد .. إن ما تغنيتـك ؟؟!!
لأنـي أنظمـك عقـده .. وارد أحلـحـل .. حبـالـك = واشوش إن جيتني.. مبهـم .. وأضيـع إليـا تهجيتـك
وادل .. وأستدرك .. وآقف .. وارد .. آضيع .. والجالك = واقول بداخلـي .. ليتـي .. مـن أول .. مـا تحديتـك.!!
عجب.. تلـوي .. يـد القـوة .. بضعفـك .. لا تهيّالـك = تخـرّق .. هيبـة القـوة .. بدمعـه .. كـان جافيتـك
تضيق .. وتكسر الخاطر .. واجيلك .. وآتحلـوى لـك = واضيق .. وتنقلب يمـي .. تخـاف آقـول .. هدّيتـك
دخيل .. عيونـك .. وخـدك .. لا والله فرعنـة ..شالـك = لا والله لفتتـك.. لا صـرت سـرحـان ٍ .. وناديـتـك
لا والله مشيتـك .. لا .. وقفتـك متخوصـر لحـالـك = لا والله هرجتـك .. ومزوحـك .. إليـا مـن توحّيتـك
لا والله .. كلـك .. وكلـك .. علـى بعضـك .. يغنّـالـك = لـذا .. دخيـل أنـا كـلـك .. وكـلـك ..لا تحليـتـك
تغيّـر .. أنظمـة جسمـي .. واهيـم بغـبـة أهـوالـك = كأني .. أنـزل بحفـره .. واحسّـي فـوق .. خليتـك
وافكّر إني آصـل لـك .. واشوفـك فـوق .. وارقالـك = واهوجس .. واضرب اخماسي .. وأثرني .. ما تعديتـك
كذا .. كذا .. ربع ساعـه .. إليـن ..أقـاوم .. إرسالـك = وبالتدريج .. أرجع لك .. بوضعي .. قبـل مـا جيتـك
أنا حالك .. وأنـا حالـي .. وحالـي .. تعتبـر حالـك = أحد يضحك على حاله .. ؟.. عسى مـا ينخـرب بيتـك
أحبك .. كثر ما يشـّهق .. نحـرك .. بصـوت سلسالـك = وأحبك .. كثر ما قلت .. بغيابـك .. آآآه .. يـا ليتـك
وأحبك .. كثر ما نبرة .. وحيّك .. تغيـض .. جوالـك = وأحبك .. كثر ما أفقـد .. شعـوري .. فـي تناهيتـك
وأحبك .. لـو تعلقنـي .. علـى شمّاعـة .. إهمالـك = وأحبك .. وانت تنفيني .. عن العالـم .. ليـا أطريتـك
وأحبك ..كثر مـا شوقـي .. مـن الأعمـاق .. لبّالـك = تصدق !! إنتهت موجـة ضياعـي .. يـوم دليتـك !!!
مهو إمن شوي حبيتك ..؟.. ولا إمن شـوي أسعالـك ؟ = أنـا مـا جيـت .. ساعـي لـك غـلا .. إلا وحبيتـك
عمى .. بعين القصيد .. إن ما فتح .. عينه.. ونادى لك = أنا وش لي.. ورى نظم القصيد .. إن مـا تغنيتـك ؟؟!!

المشاركة الأصلية كتبت بواسطة دهام الشاعر الرائع بدر الحنيف لا اعرف لماذا هذا المساء بحثت عن جميع مشاركاتك واكتشفت ان ليس لي اسم في هذه القصيدة الراااائعة لا اعلم لما ولكن قد يكو انني لم اجد ما اكتبه ردا على هذه القصيدة كما هي الحال الآن ولكن سوف اكتفي بصح لسانك واعتلا شانك يا بدر الحنيف.

المشاركة الأصلية كتبت بواسطة ابن نوبان اخوي الشاعر المبدع بدر الحنيف الله يعطيك العافيه على القصيده الجميله وصح لسانك والله يوفقك وان شاء الله الى الامام ولا تحرحمنا من مشاركاتك

المشاركة الأصلية كتبت بواسطة كبرياء انثى تعلم مسبقا مدى اعجابي بشعرك فانا هنا لاضيف امرا جديدا صح لسااانك