غيمة لها دبره .. وللعقل تدبير = يا مزيد المزيد .. وراها ورااها
أقبلت .. بـيـدي للوقـايه عقاقير = تحدني عين الشعر .. وأحداها
أخشى اثر يترك على الطيب تأثير = من عنده البندق تثور بخباااها
غيمة مسـيطر فوقها الريح .. يامغير = كل موسم بديره تساقط .. عطاها
للغيم ياسر ..!! لا تضحي بتيسير = تلقا مروّجت السوالف هوااها
البير جــف .. وبيت مابه أصنصير = وسطه نفوس ... الهم يبحث خفاها
لو شفت اظافر .. لونتها المناكير = بوجيه عراها الـخـطا من ردااها
كشمير .. راحت وسط حملاات تنصير = تضدها وقفه .. ووقفه معااها
والكونغو .. ارجع معي .. كان زائير = لكن رثــع وبــل الحــيا .. بزعمــاها
اللي مشى بالسير .. واللي عكس سير = الذاكرة بالطيب " فـرمـت " غباها .!!
واللــقــمة .. اللي جات رغـم المـحاذير = هذا مـبـردهـا .. والأخر كلاها
ومن سدد بإخفاء .. وجهه فواتير = راكع للإستسقاء .. راجي لـماها
يا الله دخيلك ... شـفـت عكف المناقير = من الظما .. تجاهلت مستواها
مزيد .. لو السدره ملتها العصافير = لا تطلق عيارك .. وتاصل مدااها
أفـضخ عيون الـشر .. بـأصابع الخير = ونكبات عقال العرب .. بأسفهاها