أحيان تتفاجأ بأنك للأسف طيّب كثير=وفي وقتها ما تسعفك ضيقتك حتى لـ الندم
والكلمه اللي توجع الخفّاق وتخج الضمير=مثل الفـقير اللّي بنى بيته بيدّه وانهدم
قولو لـه إنّي بدون حسبه زايله : ابقى كبير=وقولو لـه إن الناس ماهي عند رغباته خدم
إمّا نصير لبعضنا أقراب وإلا ما نصير=مو كل ما قمنا نعالج صدمه نرجع ننصدم
والله لو ما للغلا : هاجس وأحداق ومصير=لأرمي تراتيب الحكي من وسط صدري للعدم !

عشّنا وشفنا للكدش ياهل الخير=وبريك دانس ورآب بأرض الطهاره
وأشياء تغث البال تحتاج تفسير=متنثرة في كل شارع وحاره
مدري جهل والا تخلّف وتغرير=او ضعف وازع يحسبونه حضاره
والا من اهل الدين ياناس تقصير=وعن النصيحه ساهمو بأنتشاره
صارو على الشاشات في حزة عصير=تعرض لهم مكسات فن ومهاره
وجمهور واستعراض وعروض تبصير=للي جهل في فنهم وازدهاره
وين الشيّم وين القيّم يالمناعير=وين الرجال اهل السنع والنعاره
اللي لهم بالوضع صرفه وتدبير=ولهم على بعض المواقف جساره
نبي مثل جساس او سالم الزير=يجي يحل الوضع قبل اندماره
الوضع مزري مايبي زود تأخير=والحل واضح مايبي له شطاره
مايترك الجاهل على كيفه أيصير=لابد مايردع ويعلّن حصاره
ويترك سلوم الفسق واهل الخنازير=عبّادة الاوثان ساس الحقاره

اتعبتني يالغلا في رقة اسلوبك=وانا القوافي تعذبني معانيها
لاشفت حرفك وزايد فنك وذوقك=اذوب في وصفها وافرح لطاريها

يابلشة البلشات
:confused:

أخاف أبيّن غلاك وتبتعد أكثر=وأخاف ماآبيـّـنه وتغيب عن عيني
لو كل من ودّه إنه يبتعد يقدر =ماكان ضيّعت في مشوارك سنيني

ان كان عيبي قّل مالي وانا اخوك=فالدين لرقاب النشاما قلايد
نستر شبور اوجيهنا عن هل اللوك=اللي لهم شذب المقفي عوايد
وعن كلمةً تنقال من فّم صعلوك=تصبح على كبدك سعير وقايد

تـدري وش اللـي شدنـي بـ / احـسـاسـك ؟=انـّه خـذانـي ومـا سـألـتك : لـيـش ؟
قـلبي تـراه الـيـا تعـلـّق حـاسـك =يعشق .. وتنبض غيّرته .. ويشيش !
لا يـغـرك إنّـي عاقـل ومتمـاسك=يدبي جنونـي فـي الجـسـد .. بـ شويش !

بعض الحكي ماله هنا اي داعي=ياصاحبي ياطيب العم والخـال
هد الخفوق ولاتصير اندفاعـي=ماكل كلمه يا ابيض الوجه تنقال

لا مانسيتك موقعك قلب مغليك=لكن ظروف الوقت عنك ابعدتني
وماظن تجهل قدرك بقلب غاليك=وتدري وش اللي عن وصالك حدتني
اغليك واللي كوّن الكون اغليك=ويشهد على ما اقول ربً خلقني

لا تقول اني ذكرت .. ولا تقـول انـي نسيـت=كيف يعني .. يذكرك انسان لحظـه مانسـاك
ادري اني صدق احبك .. وادري انك مادريـت=اني حتى ضد نفسي .. صـرت ياعمـري معـاك
لو اقول اشكثر احبك ! ما تصدق لـو حكيـت=داااام حبي فـووق والله مستـواي ومستـواك

وشلون ما أبكي والمشاعر قيض وعيوني هجير=والقلب ينشدني ليا مني .. تغافلت ونسيت !
تعلقمت دنياي وأصبح يآسي لحلمي مصير=ودفنت في ليل الشقا فرحة وبسمة وإنتهيت‎
ماعاد يستوعب جروحي شعر وأحزاني تشير=إني نُفيت وماصدر لي حكم غير إني نُفيت !

لو شان وجه الزمن مابينك وبيني=وطول المسافه حرمني سكر ايامي !
يكفيني اني لا نمت وغمضت عيني=بديت اشوفك بقربي .. داخل احلامي !

متعلق بصمتي عن البوح لا اغرق=و الـيـا غرقت شوي حولتها مزوح
اجي لـ (بـيـبـان) الحبايب و لا اطرق=ليت الحبايب تترك الباب مفتوح

بين كشف الحضور .. وبين كشف الغياب=سجّلونـي غـيـاب .. وسجّلـونـي حـضـور
شايـل القـفـل وأفـتـح بــاب وأصــكّ بــاب= ويـن أبلـقـا لــدرب الـنـور كــرت العـبـور
مـا تشيـب المشاعـر .. والمحـبّـه شـبـاب=ولا علـى الـحـب زود و لاعليـكـم قـصـور
بعـض الأحيـان أغنّـي مـن دواعـي عـذاب=وبعض الأحيان أغنّي مـن دواعـي سـرور
قبـل لا أجمـع زهابـي وأعـلـن الإنسـحـاب=ذعذعـي يـا هبـوب .. و وقّعـي يـا طـيـور
أنتهـت كذبـة إبـريـل .. وبــدت كـذبـة آب=نكذب أربع شهـور ونصـدق أربـع شهـور
مـن يحـرّف كـلام ٍ فــي غــلاف الكـتـاب=ينتـبـه للـكـلام الـلـي مــا بـيـن الـسـطـور

جلال الدرعان


منور المتصفح يالغالي

قراءه ممتعه وسعيدة يالغالي :p

دكتور تكفى مانبي نكون شخصين =شف لك طريقه تختصر هالمساحه
مابي تخلّي بيننا يسار ويمين=ادمج بعضنا ببعض لوهي إباحه
ما ألومك إليا قلت عنّا مجانين =العقل راح وسمّح الله مراحه

خـلاص ياقلب العـنا باقـي ايام=ومن ثم ياخذ كل واحد نصيبه
تمضي بنا الدنيا وعام بثر عام=والامـــر لله دون شــك وريــبـه

دمتي ودام ابداعك وتميزك

غلاك صفيته علي موضع الرمــــش=مثبته مابين رمشـــه ورمشــــه
يعني علي ماجاز لك بالهوي إمش=إلعب علي مزن السحايب ورشه
وعش في عيوني طالبك يالغلا عش=ياعل تفدا ضحكتك ألف خشـــه

ياصاحبي جائز عسى الرب يرعاك=ويحفظك من شر النفوس وحسدها
يالصاحب اللي يعجبني مزاياك=ودايم فعولك تطرب اللي شهدها
انشهد انك عز منهو تنصاك=وعادتك حل المعضله مع عقدها

أذوب كلــي في مــداخــل مشــــاعرك=وألملـم أحســاســـك وأعــيده وألــمـه
وأسرح بطيف اهجوس بالك وأخاشرك=فـيـما جـلـب طيـفـك لفــكــرك وأتـمـه

بالله اذا لي عندكم خاطر وشان=قولي علام الصدر يابنت ضايق
مرات ترسلي من الشوق .. ولهان=ومرات احس بوسط صدرك حرايق
حيرتني واحترت يادعج الاعيان=بين الوصال وبين بعض الطرايق
تدرين يا ( ؟؟) متى اصير طربان=ومتى يشوش البال ويصير رايق
لاشفت اسمك تنجلي كل الاحزان=ويزين جوي وينقلب في دقايق
ابغى وعد تبقى معي طول الازمان=واعطيك عهدي والوفاء والوثايق

قريب راح اوادع النت يانت =ويمكن تطوول غيبتي عن سماكم

قلبك اللي يلبس الحب في صدق ووفا =مالحقني فيك شك ولا منه شكيت
أدري انك اجمل العشق واصدق من وفا =وأدري اني فيك قصرت وانت اللي عطيت
وأدري انه لازعل قلبك وجيتك عفا =اتجاوز جرح الاشواق لامني قسيت.. !

سامح الله زماني .. ليه جار وخذاك=وآه يا قو قلبك ليه .. خليتني !!
صاح من نار بعدك خافق (ن)ما نساك=وصحت بفزع لصوته بس ما اوحيتني
عقب ما فاض قلبي بالغلا وأمتلاك=في شقا ساحة الاحزان ..صبيتني
ليتني قبل اعرفك ما ابتليت بهواك=بس ما عاد تنفع ليتك وليتني !!

وانا المحيط الاطلسي ياغناتي=اسبح بغبات البحـور العنيـده
واللي وسط دجله ونهر الفراتي=يجيه طوفاني ويلعـن كديـده

المشاركة الأصلية كتبت بواسطة سالم صالح (المشاركة 334728) يالشعر اشوف بحالتك هم واوجاع=واشوف لونك منخطف غيره اوّل فيروس ينخر لينه بدمكم شاع=سبب مرض مزمن علينا تجوّل

ياسلام عليك يابودانه
صح بوحك ونبض قلبك

ياللي تقول الشعر ياصاحبي ضاع=الشعر ماظني مساره تحّول
توه تزاما من ورى عوج الاضلاع=لاهو بلا منسوخ والا مقّول
الشعر عندي ماهو اخماس وارباع=يجي كما الطوفان شوفه يهّول
اطق له ياصاحبي روس الاصباع=ويفز كنه من حرار المعّول

ياموت ماتمّهل من العمر ساعه=حتى تطيب النفس شوف الحبيبه
جاها قضاها وسلمته الوداعه=مصيبةً ياكبرها من مصيبه

لاصار خلك مبعد(ن) وانت زعلان=دوّر على غيره وغيره يسليك
عمر الزمن مايوم وقّف على انسان=يمشي وفيه اشياء كثيرة تسليك
واللي تسبب في دمع سود الاعيان=ماهو كفو لمصافحة طاهر ايديك
خله يولي والزمن خير برهان=انه على نسيان مابك يواسيك

الشوق يسبق خطوتي قبل اجيكم=ياللي على قصر المعزه بويلان

اسبوع فات وعيشتي هم في هم=ال(Car) مسروق والاوضاع خربانه

بعــض البــشر قلـيل خـير ومــروه=وزودن على كبر الخطا له مشاريه
قلـــيل فهـــم وبــه غــباوه بقــــوه=خلـــوه شمـــاعه ومعـــلاق لـلبـيه
هـو طيـــر لكـن للأســف طيـر بـوه=مع كبر مخــلابه عجــز لا يعـشـيه
وكـل(ن) على مـا قلــت ينشاف ضوه=والله علـيــــــم ابمـــا نكــنه ونخفـــيه
والطيـب ما يـزرع مـع النـاس قــوه=لاصــار مــاهـو داخل الصدر تحييه
طبـع البـشــر مابيــن صــادق ولــوه=والطبــع يغلــب لــو تطبّع مباديه
وبعـض البـشـر لا شـاف عيـــب يـنوه=وقصـده يعـدل مـن خطـاك وممـــاشيه
شبعـان عـــرف ولـه لسـان(ن) مفــوه=ويصعـب على مثلك تجي في حراويه
لكـــن رفــع عـن جعـجعـتكـــم سمــوه=راقـي سمـاء وانـته مـع الارض تـتلـيه
يـاشيــخ طيـــر اللـي تســـــويه ســـوه=مالـك مـع امثــالـه حقــوق ومشـــاريه