كلمة أحبك ناقصه .. أحس لها معنى صغير = أو انها كلمه غدت بين البشر مستهلكه
وأنا أدور مفرده... ألقا بها معنى كبير= تضم كل ما حس به ..سهله ولا هي مفبركه
كلمه تجمعني غلا ... أو تنثر أشواقي عبير = تهزني وتعزني وأسما شعوور تحركه
كلمه تجسد داخلي أشواق لايمكن تصير = ألا لمثلك أو فلا ...للحب قيمه وابركه
يا مالي" قلبي غلا وأنت بكبر حبي جدير = للتهلكه خذني معك ..معك يازين التهلكه
دامي معك ما أسألك .وين .. والى ..اين ..المصير = مع كل درب" تتركه مع كل درب" تسلكه
علمتني ..فهمتني .. وريتني.. كيف العسير = ينسج خيوطه من على راس الشجاع ويربكه
ما كني ألا سبحة" بدين رجال" فقير = لاحسّب ديونه شقا ...يلوي خرزها ويفركه
حر " وقبلك عايش" يمشي بهالدنيا ويطير = لكن عيونك صايره للحر فخ " واشبكه
برموشهن الساهيه يبدا بهن وصف" خطير = جيشين وألتحما" معا في وسط أرض المعركه
كلك على بعضك فتن من أولك لين الأخير = مدري وألي أخذه... مدري وش ألي اتركه
أنت فبهاك العجزه تجمع معك عسر" يسير = يعني الحسن لو مملكه ..فأنته مليك المملكه
لأجل كذا لا تلومني.. لا تبخر الشعر الكثير = شاعرك عاجز يبتكر.. كلمه بحبك تشركه