رد: (( مشب اخو شاهه....!!
http://www.kashtah.com/4images/data/media/2/20.JPG جازت لي هالقصيده وبغيتكم تسمعونها ؟! الشامخ اللي شموخه ما كشـف حزنـه مواقفـه حـزة العُـسـره تمالكـهـا في الشر له وزنه... وفي الخير له وزنه يزخـر بنفـسٍ وسيعـات مداركـهـا ويموت سـرّه ورا الاضـلاع مِخْتزْنـه كثـرت عليـه الصواديـف وتداركهـا انا اشهد إنّـا درينـا ويـش بالخزنـه حتـى ولـو كبـرت قفـولٍ تصككهـا يظهر صدوق السحـاب وينتثـر مزنـه مثـل الحقايـق تكـذِب مـن يشككهـا والفُلك تمشي علـى الامـواج متّزنـه وان هبت اعتى العواصف مـا تحركهـا |
رد: (( مشب اخو شاهه....!!
http://www.fwasel.com/vb/image.php?u...ine=1161015426 توها واصلتني بالايميل ؟! لاجل الشمال وريحة الطيب والهيل حتى اتجاه البوصلـة جـا شمالـي مدري عشق بافعالنا فزعة الخيـل مدري عشق فينا صعـود المعالـي مدري عشـق فنجالنـا والتعاليـل او عشقه اكبر من مساحة خيالـي او لاجل [شمر] متعبيـن المعاميـل او [لعنزة] مـن دار غالـي لغالـي او لاجل ربعي فزعتي عزوة [رويل] خمس الجموع ومحتميـن التوالـي كذا اتجـاه البوصلـة دون تحليـل بـس الاكيـد ان اختيـاره مثالـي دار الشمال وعدلها يسبـق الميـل ومن شانها اعشق من هبالي هبالي دارٍ تغنـي فـي كرمهـا مواويـل وطيبٍ يفوح ببوح صفـر الدلالـي ولاجل الشمال وريحة الطيب والهيل افخـر اذا قِيـل انتمائـي شمالـي خالد بن كليب الرويلي |
رد: (( مشب اخو شاهه....!!
الله يعطيك العافيه
اعذرني على القصووور اخوي صالح العرجان تعرف الظرووووف لكن اسمع هالسالفه قصة وقعت منذ القدم عن رواة من قبيلة شمر الا وهي انه في احد الأيام كان الشيخ الجربا في مجلسه مع ربعه ومن المعروف ان الشيخ الجربا يسكن في العراق فسأل ربعه الموجودين في مجلسه وقال ابي انشدكم يالربع بالله في احد اطيب مني ردو الرجال في مجلسه وقالو نعم رد عليهم قال لا تقولو ابن المهيد اعرف انه ماله بالطيب مثيل قالو لا بالله في اطيب منك ومن ابن المهيد رد الجربا وهو مندهش من هو اللي اطيب مني ومن ابن المهيد قالو عبيد الفدعاني قال انا ماسمعت بها الرجال من قبل قالو هذا بالكرم تشهدله الرجال ولا يفتخر ابد بفعله انشد الشيخ نحو هذا الرجل وانبهر بما قالوه له من كانو في مجلسه مما رووه عن هذا الرجل من طيب وكرم وشجاعه قال انا لازم اختبر هذا الرجل واشوف كلامكم ان كان صحيح ولا لا قال لرجاله ابغاكم تروحون لعبيد الفدعاني هذا علما بانه كان ذلك الوقت من السنه الناس ترحل من مكان إلى مكان طلباَ للعشب من اجل حلالهم وقال لا تجون يمه وتضيفونه الا إذا صار بأرض ما تلقى فيه الا الحجر وما يقدر يشب ناره عند ذلك المكان اقلطو عنده وشوفو وش يتصرف فعلاً سوا ارجاله مثل ماوصاهم الشيخ لما نزل يبيت عبيد في احدا الأمكان التي كانت على طريقه ولايوجد فيها العود الي يشب فيها ناره اقلطو عنده الضيوف وكان حوالي ثلاثة رحب فيهم عبيد وقلطهم وراح عند مرته يسألها ما عندها شيء يقدر يشب به النار ويصلح القهوه لضيوف ويكرمهم قالت المره ما عندنا شيء سوا قماش كثير شريناه من تاجر العام الي طاف ويمكن يكفي نشب فيه النار فعلاً ما درو الضيوف الا القهوه جتهم تهولو لما جاء وقت العشاء مادرو الا عبيد يقلط لهم الذبيحة زادهم ذلك اندهاش لما اصبح الصبح استأذنو الضيوف من المعزبهم وراحو لشيخ يقولون له القصه اندهش من فعلت الفدعاني وقال انا اشهد انه كريم نلفت انتباهكم ان عبيد شك بالوضع وكان عنده احساس ان الضيوف كانو مرسولين وانهم ارادو يمتحنونه لكن ربك اعانه وقال قصيدة للأسف انها لا تحضرني لكن هذه القصه موثوقه من رواة شمامرة |
رد: (( مشب اخو شاهه....!!
مساكم الله بالخير جميع ابو عبدالله عطنا فنجال من مبهر الدلال وخذ هالسالفة............................. بلغت بعض ابيات الشعر من الشهرة الواسعة ما جعلها ترسخ في اذهان الناس وتستخدم كمثل شعبي يستشهد به في المواقف والاحداث ومن الابيات الشهيرة التي يرددها الناس البيت القائل : اللي يبينا عيت النفس تبغيه ...............................واللي نبي عيا البخت لايجيبه وقد اصبح هذا البيت مثلا دارجا بين الناس ولكن ما يجهله مرددوه هو قصة هذا البيت الذائع الصيت فهو بيت من قصيدة للشاعرة نورة الحوشان حيث كانت تعيش مع زوجها عبود بن علي بن سويلم وقد وقع بينهما خلاف ادى الى طلاقها طلاقا لا رجعة فيه وبعد الطلاق تقدم الكثير طالبين الزواج منها حيث انها امرأة جميلة ومن عائلة معروفة وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي وذات يوم كانت تسير على طريق يمر بمزرعته وبصحبتها أولادها منه عندمامرت بمزرعته رأته فوقفت على ناحية المزرعة وانطلق الاولاد للسلام على ابيهم وبقيت تنتظرهم الى ان رجعوا اليها فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعد طلاقها ورفضها لهم فقالت قصيدة مؤثرة مطلعها : يا عين هلي صافي الدمع هليه ...........................واليا انتهى صافيه هاتي سريبه يا عين شوفي زرع خلك وراعيه ............................شوفي معاويده وشوفي قليبه من أول دايم لرايه نماليه ...................................واليوم جيتّهم علينا صعيـبه وان مرني بالدرب ما اقدر احاكيه ....................................مصيبة يا كبرها من مصيبة اللي يبينا عيت النفس تـبغيه ...............................واللي نبي عيا البخت لا يجيبه |
رد: (( مشب اخو شاهه....!!
السلام عليكم ورحمة الله وبركاته بالخير ياابو عبدالله ،، طوّل الله عمرك على هالمشب الزين وعلى هالسوالف والعلوم الغانمة ،، ياعشير النشامىىىىىى http://www.moq3.com/img/uploads/rCr16526.jpg تستاهل الفنجال من كف راعيـك * * * * * * * * * * * * * إشرب ترى راعيك حرن نداوي عزن مثل شرواك بالكف يسقيك * * * * * * * * * * * *يبيـك بالـهـده بتـوعـن رهــاوي واسمح لنا يااخوي ،، توّن اشوف الموضوع وابشر باللي يسرك يالأجودي ،، وبيض الله وجهك على هالفكرة :rose: |
رد: (( مشب اخو شاهه....!!
نايف الفدعاني بك المهلا في ذراها مهلا وحياك يبناخي |
رد: (( مشب اخو شاهه....!!
عبدالله الفهد
يالله حيه راعي العلوم الغانمه حياك يابناخي |
| الساعة الآن (08:03 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه