في دروب العز للعليا رقيت=راكز(ن) للطيب رايات وعلم
ابدع ابيات القصايد بيت بيت=واقدح افكاري على ذيك القمم
المراجل بصمة(ن) لي ماحييت=علّم الغيّاب واللي مافهم
كان ماجالي على دنياي صيت=عقّب الفنجال من خط القلم
كم من ليل(ن) على القمرا سريت=وكم على الشدات سريت القدم
لو يشين الوقت والله ماهقيت=يخلف عزوم السديري ويحلم
عادتي لو شان وقتي ماشكيت=غير للي كاسي العظم اللحم
من دلال الطيب والله مارتويت=ولا إنجلا عماسي ولا طار الضرم
والله إن اشف منها ماأنثنيت=دام جسمي ينقله صلب العظم
يوم كنك يابوزيد(ن) ماغزيت=دوك راس غليص يامال الشحم