صباح الخير ياوجهن بشوفه أشعر اني بخير=ألااا يالله لاتحـرم عيونـي شوفـة عيونـه
أحبه واعشقه ..لا لا ..أحبه واعشقه بس غير=غرامن مايشابه لـه غرامـن حلـل جنونـه
أنا اشهد كل من عاشر خفوقك تمنحه تقديـر=تشرّف كل من صافح يديك وقلـت وشلونـه
صباح الخير ولاّ بس يكّفي شوفتك في خيـر=ألا يالله لاتجعل سنيـن العمـر مـن دونـه

من جد حسك يثير اليوم وجداني=أعشق حروفك وأرددها وأغنيها
أقرأ شعورك .. وأحس بعالم ٍ ثاني=وأروح لأقصى حدودي في معانيها
أنسى همومي معك في دنية أشجاني=وأفتح مع الليل صفحة يوم أحاكيها
لاتلومني يوم أجاري بعض الألحاني=إعذر تطفل خيالي رايح ٍ فيها !
يغمرني الشوق وأبحر دون عنواني=يمكن بغربة سنيني نور أمانيها
نزفك على الجرح كنه غيم هتاني=وإلا ورود ٍ تمايل في صحاريها
أجيك وألقى بليلك حضن تحناني=وأسهر معك والنجوم يغيب ساريها
أرجوك تكفى توقف لاتجي جاني=الروح تشكي ألم حبك لباريها

أنا أشهد إن لك غلا مبطي وهو فيني!=قصة غريبة ولا أدري( وش أسميها )؟!
أنا عطيتك حياتي قبل تعطيني=وغيرك عطاني حياته وقلت ما أبيها
واللي يحاول يشوش بينك وبيني؟=يكون خسران لو حاول يسويها!؟

صدفه بلا ميعاد دايم لقانا=وأحلا لقا اللى كان من غير ميعاد
ادري وتدري كيف قيمة غلانا=والناس في وادي وانا وانت في واد
الوقت عيا لا يحقق رجانا=واشواقنا بقلوبنا دوم تزداد
نخفي مشاعرنا بلوعة عنانا=عسى الهنا اللى راح يرجع وينعاد

رفيق الحَسَد.. عن كل كلمة قفى مشكور=( مسامِحْك ) كلِ له ذنوبه . وله قبره
يكفّي عليك من الحمل( كبدك الممرور )=وعلى حملك ( انت براسك ) .القاع يا صبره
مع ان ( التسامح ) للاسف له كذا منظور=( عفا الله عنك ) وكيف تعتبره إعتبره

اشوف نكـك بينهم و آتـأملك=وابحـر مع مرسى غلاك وحنيني
اتابـع ردودك واقبّل تواصلك=في نك زائر خوف (ي) تحس فيني
رغم اني اتجاهلك واشعر تجاهلك=احس فيه شعور .. بينك وبيني

الذين يشاهدون محتوى الموضوع الآن : 7 ( الأعضاء 1 والزوار 6) ;)

صمتك حبس صبري وزّود بي الخوف=متـى تفـك أسـره وتغتـال خوفـي
إنكان ماحسّيت !! في ناظري شـوف=يغنيك عن مايختـزل وسـط جوفـي
عزالله إني معك واضـح ومكشـوف=في كلمتي - في جيّتي - في وقوفـي

كل مآ حصلت نكك مع المتوآجديـن=رحت اسجل لي دخول وتواجد وحركه
وانت متوقف نشاطك حوآلي سآعتيـن=نكك معلق إلى غبت وش له تتركـه ؟
منتدى حسك مهو فيه يلقآ حاجتيـن=تنفر الـزوار منـه ولا فيـه ابركـه

مزّع ستار الصمت عن مخزن الجوف=والمختفـي بيّـن نـوادر خزيـنـه
ترى حلاة الحـب لاصـار مكشـوف=بينـي وبينـك والمـلاء خابريـنـه
اخلص معي لا يعتري قلبك الخـوف=حب الشرف لو بان ما احـدٍ يدينـه

شكراً .. لـ كلّ اللي غمرني بـ طيبه ..=وشكراً .. لـ كلّ .. اللي .. بـ جرحي .. نساني .....!!
كلّـن بـ يآخذ .. في حياته .. نصيبه ...=وماردّت اللي فات ... ( .. كثر .. الأمــــاني .. ) ....!!
أحيان أقول .. أن .. الليالي صعيبه ..؟؟=وأحيان .. أقول .. العمر .. ياقلب ... فـــاني .........!!
اللي يبي فرقاك .. ياقلب .. سيبه ...=مالك .. على قلوب الآوادم ... ضمــــــاني ..........!!
واللي يبيك .. أتعب .. وهاته .. وجيبه=وأفتح له .. أكبر بيت ... بين المحاني ...............!!
واللي يوقـّـف في الدروب المريبه ....=لآ يقول .. مالي ذنب .. ولآني ... بــ جاني ........!!

ودي على وصله وحبه على طول=لكـن مقـاديـر الـزمـن إبعـدنـه
واليوم بالي من سبايبه مشغـول=في ذمتي وصله علـى القلـب جنـه

يا عين هلى و استهلى وهاتـى=هاتى غزير الدمع لا تذخرينـه
خليني انعى فى حياتى حياتـى=ودفنتهـا مـع غالـى دافنينـه
قلب من اللى شاف يا عين ماتي=قلـب تعرفينـه ولا تجهليـنـه
كم ليلة حـرم عليـك المباتـى=يسهرك ويساهرك وتساهرينـه

ادفع ثلاث ارباع عمري لجل يوم =اجلس انا وياك واخذ كثريك
واليا حصل يومين الله من علوم =واليا بغيت سنين انت وضميرك
تراني استاهل وانا منك محروم=لاتحرم اللي منتظر مد خيرك

ياحروفي سطّري من شعوري والغرام=وارسميها صـورةٍ للحبيـب معبـره
تحمل اسمي واعتذاري وكل الاحتـرام=من خفوقٍ بيننا كـل حـرفٍ يذكـره
ليتها تقرا حروفـي وترسلّـي سـلام=نشوة الاشواق فاقت حـدود المقـدره
من جمال حروفها كنها ترخي اللثـام=شفتها بأسلوبها دون الكـام اهكّـره
كل ماتدخل على المنتدى يحدث نظـام=يحذف الكوكيز الاعضاء وأسمه يظهِره
كل قسمٍ تتركه ينقلـب نـوره ظـلام=تاقف الهاكات لجله خشوع وتشكـره
في حضوره دايما تشبه اصحاب المقام=احترازيـا تكـون الـردود مسكّـره

تعال لملمني من اقصاي لا هنت =واجمع شتاتي في اليدين العرايا
شف حالتي من جمرة الشوق ما نمت =ارقب صباحاتك تزف الهدايا
وتكشف اوراقك وتخرج عن الصمت =وتشوف حبي من جميع الزوايا

فخامة إحساسك و روعة حنانك=يلقى بها الشاعر .. ما يرضي غروره
و أفكار عقلك لا بدت في جنانك=يلقى بها العاشق .. دواعي سروره
و عذب الكلام ، اللي يجيبه لسانك=اصبح سماعه كل ليله .. ( ضروره )

أكتب من ا شعارك على صفحة ا لنوت=شعر الغـرام اللـي بحبـك سببهـا
ياللي غلاك بداخـل الـروح مكبـوت=حبك سلـب عقلـي وحالـي سلبهـا
سحرك سرى فيني مثل سحر هـاروت=وغرا مك ا شقاني وروحـي نهبهـا
مغير أفكـر فيـك وا لبـال مشتـوت=ونفس ا لعنا طاريك يبعـد غضبهـا
يا منوة ا لمشتاق يـا منـوة القـوت=ترى هوا ك ا ليـوم روحـي جذبهـا

ياللّي حضورك عذب وغْيابك غْياب =غيبَتك حاســبها دقيقه / دقيقه !
يا أقرب من عيوني لجفني والأهداب =وأبعد من الحلم / لعيـون الحقيقه !

أرجــوك تكـفـى لا تعاتبـنـي عـلــى قـــل الـوصــال=أصـلا أنـا عايـش علـى طــول الـزمـن كـنـك مـعـي
لانـك ملكـت العقـل والخافـق وصــارت لــك حــلال=ولأنـك عـلـى عــرش الـغـلا فــي خافـقـي متربـعـي
وبـعــد الـكـنـوز الغـالـيـة مـديــت يــــدك لـلـخـيـال=وإن جـيـت بأعـارضـك تهزمـنـي بـهــرجً مقـنـعـي
بأسلوبـك اللـي لـو تخاطـب بـه مـع قاسـي الـرجـال=يـحـوّل الـشـدة لـيـونـة عـطــف والـعـشـر أربـعــي
لـيا قلـت أحـبـك ياحيـاتـي. بــس باسـلـوب الــدلال=مــع نهـتـةً تـاصـل فـتـوق القـلـب قـبـل المسمـعـي
يجنـح بـه التفكـيـر فــي حــال ومــن حـولـه بـحـال=ويطلـع مـن أفكـار الشـقـاوة ومــن اطــار الواقـعـي
ويعيـش حلـم كالسحـاب اللـي كـسـى روس الجـبـال=وكـلامـك الـعـذب الحـنـون لسـحـب حلـمـه يرفـعـي
الـيــن يـاصــل ذروة الـفـرحـة ويـاصــل لـحـتـمـال=ان الـبـخــت جــــاراه وانــــه للـتـعـاسـة ودّعــــي
واشـعـاد لــو انــه مكـانـي شــاف بعـيـونـه جـمــال=مــن سـبـتـه وقـفــت متـعـجـب وضـيـعـت سـنـعـي
ضيعـت هـو ؟ وجهـي جنـوب أو غـرب وألا للشـمـال=وقمت أنطق حروف التعجب غصب وأعض أصبعي
الـيــن سـاعـدنـي وفـــا حـظــي بتحـقـيـق الـمـنـال=فـي قلـب مـن قـرب الشـرف منـه منـاي ومطمـعـي
اللـي علـي أقـرب مـن أهــل الكـيـف لقـنـاد الــدلال=واللـي علـي أقـرب مـن الدمـعـه لـرمـش المدمـعـي
أخــاف مــن طــاري بـعـاده ياجـعـل مـاهــو بـفــال=بـجـاه الالــه مقـيـد الحـسـنـه عـلــى قـــد الـسـعـي

قـامـت تـبـعـثـر غـلا وان جـيــت اجـمـعـهــا=اضـمـهــا و اتـشـتــت لـيــن تـجـمـعــنــي
بـيـن الـحـنـايــا تـثـنــى فــي مـرابـعـهــا=كـنـهــا تـقــول: اتـحــدى مــن يـطـلـعـنــي؟
دام الـحـشــا بـيـتــهــا وانـــا مـدلـعــهــا=وش دخـل الـقـلــب يـزعــل يــوم تـوجـعـنــي؟
ولـيــا خــذا رمـشـهــا رجــل يـطـالـعــهــا=لـعــل رمــش خــذانــي مـــا يـرجـعــنــي

وش فيك ضايق والسبب كله ، ظروف !=نريد .. ! والله يفعل اللي يريده
إرضى ولا تزعل ، ولا يسكنك خوف !=ولا تحركْكّ ، الرياح الشديده
ما كل من يبعد عن السمع والشوف=ينقص غلا ، بالعكس ! يمكن يزيده
إي والله آحبك وبآحبك / وسوف !=أبقى معك ، والضيق ، بفكّ قيدة !
مشكور كانك فيّ ، سويت معروف ،=هيّضتني ، وحروفي المستفيدة

بعض البشر ينفعك حتى كلامه=اتحس فيه الصدق كنه يواسيك
لانه رفيع الراي يرفـع مقامـه=عن الهروج الزايفه لو يحاكيك
تاخذ من هروجه حكم وانسجامه=وتحس كنك لك (رفيقٍ مواليك)

( انيقة الذوق ) ما تستاهـل إلا أنيـق=يفهـم تعابيرهـا .. ويعـز سلطانهـا !
وانتي خلاصة حلا ( مرجان لول وعقيق )=يموت فيهـا الدلـع ويبـات باحضانهـا !

لوكانت العلــه قصيد وقـــــراطيس =سيلــت جـاشي بالقصــيد الخرافي
مارالبلا ياصاح خلف الكـوالــيس =شـي تصــــده شيمــتي مــايشــافي
هذي علومي وانت ياصاحبي قيس =حجــم المسافه بيــن جـرد الفيافي
تــدويبي افكـار الفزع والوساويس =وانكــر ذنوبي في ســياق اعترافي
شاعر ولي طقس ومزاج وتضاريس =اغيــب واحضـر في عيون السنافي

أنساك هاذي حطها بين قوسين=يعني على ماقــيل ماني بناسيك
لويفرشون الدرب شوك وثعابين =ماأقدر اغير عنك دربي وأخليـك
لأني أحبـك والمحبة ترى ديــن=وأنا قطعت الوعد بالحب أوفيك
هالحين أحبك لين بكرا وبعــدين=وأضل ياروحي على طول مغليك

أنساك هاذي حطها بين قوسين=يعني على ماقــيل ماني بناسيك
لويفرشون الدرب شوك وثعابين =ماأقدر اغير عنك دربي وأخليـك
لأني أحبـك والمحبة ترى ديــن=وأنا قطعت الوعد بالحب أوفيك
هالحين أحبك لين بكرا وبعــدين=وأضل ياروحي على طول مغليك

هب نسناس القصيد و شاقني ذعذاعه=شاعرٍ و الشعر عينٍ شاربٍ ينبوعـه
ان دعاني داعيٍ للخير سمع و طاعه =و من دعاني للمشاكل بشره باللوعـه
من يحاول يلوي الخنصر لويت ذراعه=واللي مشروعه عنادي فاشلٍ مشروعه
بس انا ماني مدورها اذا هي ضاعـه=شجرة مرٍ طعمها و اصبحت مقطوعه

عـزّمــت اسـكّــر عـــن ضـيــوف الـهــوى بـابــي=حـفــظــاً ل( دّم ) الـبــحــر مـــــن زلـــــة الــغــرقــا
افضل / ولا ابقى كـذا عايـش علـى اعصابـي=مـاغـيــر احــــوّل مـــــن رجـــــوم الـتــعــب وارقـــــا

سجلت في قلبي دخولك على طول=وغنت جروح القلب فيكم نشيده

وكلمة مرورك جابها منك مرسول=وبدلتها وارسلت كلمه جديده

ملف

واصبح ملفك داخل القلب معزول=وحفظت به من دم قلبي قصيده

تحرير

وسويت لك تحرير عن كل مجهول=متوسط ٍ بين الخفوق وّريده

عرض

وقدمت لك عرض ٍ من القلب منقول=لأجل أثبت انك بالضماير وحيده

وبمفضلة قلبي عن الغير محمول=ما اضفت غيرك يالفتاه الفريده

وللخلف لو ترجع ترى الخلف مقفول=رح للأمـام وفك صفحه جديده

واكتب على العنوان للغير مشغول=حنـّا سكنـّا وارسلي في بريده

وأن كان ودك تترك القلب مشغول=سجل خروج وشب فيني وقيده

وان شفتني هالك على الدرب لا حول=أضغط على ايقاف وأقرا القصيده

تحديث

وأضغط على تحديث وتشوف مدلول=وكل الكلام اللي قريته تعيده

دوري آبشوفك مـن أجمـل زوايـاك=روحـي اليـن آخـر هدبـك وتعالـي
أمشي بعيني مـن هنـا لآخـر هنـاك=خلـك يمينـي وأشعـر أنـك شمالـي
شقي ستر ثوب الحيـا .. شـق يفـداك=صبّي غنجـك بكـاس روحـي بدالـي
أرواك وأظما منـك وأرواك وأظمـاك=أروى وتظمـأ فـي يدينـك أحبـالـي
ياطعم مـرك لاتسـاوى مـع أحـلاك=منك الشهـد علقـم ولـو كـان حالـي
قولي أحبك / أعشقك .. قولـي أهـواك=خليني أوصـل فـي غرامـك خيالـي