رد: تعال جاي ياخلف يالمحقق الجديد
 

عاد يا رابح ما هو عفينا عنك ورجعت لحايل تقلقنا ..

ترا المطار قريب ورحلات الكويت فاضية والا تدري ابي انفيك لسرنديب زي الشاعر محمود سامي البارودي الله يرحمه ..

لا هنت على مرورك يا ابو هيثم ..

رد: تعال جاي ياخلف يالمحقق الجديد
 

اجل نأجل القصف او تدري يمكن نلغيه لأن عذفا واهل عذفا ما يستاهلون الشر أهل طيب وكرم

وبعدين لا تنسى القصيدة اللي فيهم ويا ليت يا سلامة تسأل لي عن صاحبها ..

يا بكرتي وان جفاك منيف..تردين عذفا على ليلة
تنحري مكرمين الضيف..شمر ليا قلت الحيلة
لو نده ابا .... ما يخيف..يكفيه كف وترزيله
مار البلا اللي حكم بالسيف ..عقبان نجد تراعي له

واكملها الرويلي الذين كان حاضرا بقوله :

عند الجبيلي يطيب الكيف.. وانتي تريحين يا شعيلة
عدك على خبطة بالصيف ..من مزنة زايد سيله


ويا ليت يا سلامة تجيب لي اسم الجبيلي ويقولون ان ولده شايب مؤذن مسجد بعذفا
وودي باسم الرجال اللي ما اسقى راعي الذلول واسم الرويلي جارهم واكون لك ممنون لأن سالفتهم حلوة حيل ..
دعواتي لك ان الله ينقلك لسكاكا ..

رد: تعال جاي ياخلف يالمحقق الجديد
 

تبشر يابو خالد لكن الابيات الاولى يقال انها لشاعر غتيبي

واختلفت حولها الروايات الى درجة ان البعض ادعى انها لشاعر محدث

على العموم انا راح اسال ولو كان الشايب اللي ذكرت موجود ولكن والله ماعرف اسمه

واهل عذفا زالله ونعم لكن ذبحنا الطريق وانا اخوك


لكن انتظرني حتى آتيك بالنبأ اليقين


:)

رد: تعال جاي ياخلف يالمحقق الجديد
 

خلف الغريب الشاعر المبدع انتظر من عندك الختام واعذر على الزلات والقصور



جميع المتابعين لكم الشكر الجزيل بدون تحديد انتم من اثرى هذه المحاورة



تحيتي للجميع

رد: تعال جاي ياخلف يالمحقق الجديد
 

ايه هين

يعني هجمت ثم قلت اوقف

لاااااااااا

ماهي بكيفك <<<<<< توه جااااااااااااي مروق ويبي اللعب والمحاوره ... اعجبه القاف ومايبيه ينتهي


بس يمكن الدوام يخرب الجلسه .... الله اعلم

عموما بنتظار ابو خالد يعميها وينهيها ^_*

او يختم بادب ويتوشح بشت الخطيب ... ^_^

دمتم بود

رد: تعال جاي ياخلف يالمحقق الجديد
 

يابو غرام ياحبك للطلايب

تراي احول عليك مار عين خير ههههههه


انا قلت اللي عندي وخلصت وابو خالد يجيب اللي عنده


والسلام

رد: تعال جاي ياخلف يالمحقق الجديد
 

طيب
اجل نستخدم السكوت افضل

احسن من التحويل

شكلك ماشاء الله نحيف ماغير تطامر وترقى وتنزل

هههههههههههههههه


اجل الختمه عند ابو خالد وبه نكتفي