قبل امس انا وياه ضحك وتهاريج= واليوم وجه لشمال العذيه
اقفى واخلى في ضلوعي تفاريج=تحن مع هبة هبوب المسيه
اقفى رحل واشواق قلبي مساريج =وخيولها دمع العيون الشقيه
يارب فكه من صدوف ومعاريج=وحفظه من نظرت عيون البريه

ياليت مابالقلب ياخوك ينذاع=وترتاح نفس(ن) زاد والله جهدها
مير البلا اكتم ورى عوج الاضلاع=هم(ن) أسر نفسي وزود لهدها
هم(ن) ولو انه على جاهد القاع=زلزل مبانيها وكسر عمدها

يـالــيــت مـابـالـقـلـب يــاخـــوك يـــنـــذاع=وتـرتــاح نــفــس(ن) زاد والله جـهـدهــا
مير البلا اكتم ورى عوج الاضلاع=هــــم(ن) أســــر نـفـســي وزود لـهـدهــا
هـم(ن) ولـو انـه عـلـى جـاهـد الـقـاع=زلـــــــزل مـبـانـيــهــا وكـــســــر عــمـــدهـــا

ياخوك لاتشكي من الهم ينذاع =تفرح قلوبن بالبلاوي سعدها
اصبر عسى تلقى مع الصبر منفاع=واضحك عسي ينفل حبلن عقدها
حكم الولي حنا مع الناس ننصاع=مكتوب مع مهده الخلايق لحدها

ياعين .. ياعين الفرح والتباشير=ما لاح لك يالعين خلٍ تعفى ؟
ما لا حلك بالمزن .. رعادةٍ غير=سحابةٍ صوته يقض المخفى
الهجر هم وديمة الوصل تنوير=والضم نارٍ من سناها اتدفى
ياعين قولي للغضي بالتصاوير=وبل الغلا ما يروي اللي تهفى
ان ما نثر حرصه على حسن تبرير=والا زرعت القلب بارضٍ تشفى
الود نوض القرب والحب تقدير=والعين يا عيني حياها توفى
يعني يجيني الخل من دون تقطير=والا لبراد الغير عني يتقفى
وياعين .. ياعين الفرح والتباشير=ما لاح لك يالعين خلٍ تعفى ؟

ياعين لاتبكين مامن حسايف=الله خلق غيره كثيراً من الناس
مهما حلفلك ماتفيد الحلايف =الغدر عنوانه والاعذار له ساس
ماعاد اي طاريه ولابي ولايف=مادام قلبه خان حبي والاحساس
القلب من صده ترى اليوم عايف =له في رصيد القلب صفرين بأقواس