بديت آحس بـ انفاس الشقاء و معانق الاحزان ..
كذا مخنوق و حروفي بوسط الصدر مخنوقــــه ..

افضفض بس ما ينفع ما دام المسأله خذلان ..
حقيقة / شفت الأحلام بسماء العشق مشنوقــه ..

كتمت اللي سكن صدري و أنا ادري آخر الكتمان ..
تبي تعرف تفــــاصيلي و روحـــي ليه محروقــــه ..

بنيت آمالي بكفك و شفت بكفك الحــــــرمان ..
حسافه يا شقاء عمري لقيت آمال مسروقــه ..

تعال ارجوك علمني وش الدنيا بلا فرقاك = تعال نعيش لحظات الوصال و نترك الحيره
تعبت من الفراق اللي يعيشني على ذكراك = و تعبت آقول رغم اوجاعنا يا جعلها خيره
اصبّر قلبي اللي من تركته ما قدر ينساك = عسى خيره و لكن بالحقيقه قووول تصبيره
رحلت و من رحلت و نظرة عيوني تروح هناك = على ذاك المكان اللي بكينا من تعابيره
تعال و علّم أيامي وش اللي من فراقي جاك = تعال و هدهد احساس(ن) بدونك صعب تفسيره
تعال و عانق انفاسي و اعانق فلسفة دنياك = على لوحة خيال العشق نبدع في تصاويره
تعال اقراني بعينك و صورني حسب رؤياك = تعال اجلس على ضلع(ن) تشرّف في مساييره
أو أقول !! اسكن بقلبي ترى قلب السعد يفداك = تعال املك زواياه الوسيعه و ابن لك ديره

بعض الغياب بحضرة الشوق قتال = و بعض البشر يحرق غيابه فؤادي
اشهق عتاب و ينتثر دمعي آمال = و ريح الجفاء ترمي بقايا رمادي