تبين الحقيقه؟؟الحقيقه ظروفي زفت=وأنا والله إنّي مع ظروفي مخرّبها
تقولين ليه؟اقول لك من كثر ماشفت=وكثيره مواقف في حياتي مجرّبها
تشوفين طالع نازل الوقت مثل اللفت!!=الامآل لو جت شرق وقتي يغرّبها
الا ياهجوس الليل يكفي حضورك عفت=منامي جفاني والوساده محاربها
وعلى كثر مالفيت بعض البلاد وطفت=عجزت افهم الدنيا ودورت عقاربها
ولكن امانه لا تقولين مثلك زفت=على شانك إنتي والله إنّي لاخربها

الموت ما هو غياب انسان عن : ثاني=الموت يعني وفاة شعوووور يَاا .. طهره .. !
ياا ليتني لااا كتبت حروف .. يقراني =قبل الامل مَاا يغيب : ووو يختفي | حبره !
كني طفل تايهٍ في وسط : وجداني =وكن الحزن ( قش ! ) وامآل اللقاء ‘ابره !

لـــو شـفــت حـــال الـــورق والـشـعــر عـقـبــك ،، عــــذرت=إلـلـي " حــــرق " صــــفـــحــة الــــمــاضـي وكـراســــهـا
وإلا أنت ،،، لو قلت لي ( نادم ) ،، وجيت إعتذرت=كـان أجــمــل أبــيــات شــعــري [ يـنـحـنــي راســهـــا ] ..!

مـأسـاة حـب وعـاطـفـه بـيـن قـلـبـيــن =الـكـل مـنـهـم بـالأحـاسـيـس يـنـبــض
فـيـهـا الـمـشـاعـر كـنـهـا حـد سـكـيـن =وفـيـهـا الـبـدايـة لـلـنـهـايـات تـركـض
أبـسـألـك بـاللــــه كـانـــك تـحـسـيـن =قـلــب ٍ يـحـب بـصـدق وشـلـون يـبـغـض
وابـسـألـك دربــك يــودّي عـــلـى ويـن =ولـيـه الـزمن يـحكم عـلـيـنـا.. ويـفـرض
إنــا نـعـيـش بـعـاد .. كـنـا غـريـبـيـن =وانـه يـمـوت الـحـب فـي عـمـره الـغــض

يامرحبا بالجيران الجدد ومليوون هلا


منورين ركننا الهادي


:)

تعـال يــا كــل الـغـلا واسمعـنـي
ناظر وشف يمناي لك ممدوده
في كفهـا ممـدود قلبـي / يعنـي
أعطيـك قلـبـي والثـقـه مـوجـوده
حـبـك جمعـنـي كـلــي ووزعـنــي
على جميـع دروبـك المقصـوده
قـفـل دروبــك كلـهـا واجمعـنـي
خل العتب والنظـره المحـدوده
وإذا تــبــي فــرقــاي لا تـقـنـعـنـي
مفتوح لك قلبي ذهـاب وعـوده

ماذا عــلّني أكتب ؟
وماذا عـلّني أقـــول ؟
وقد جف القلم ,,
وبهتت بعيني الالوان ,,,
وضاعت بين شفاتي الكلمات ,,,
ماذا عســاني أكتب ؟؟
وقد خان الرفيق ,,
وتخلى الصديق ,,
ولم يبقى الا الضيق ,,,
أأكتب عن الألــم ؟؟ ام عن الحسرة ؟؟ ام عن هـّول الصدمه ؟؟
أم أكتب عن انفطار القلب ,, واحزانه ,,
أم أكتب عن سهد العيون ؟؟ وخيبة الظنون ؟؟
يالهذا الكون ,,,
كم أسعد وأبكاء ,,
وكــم جمــّع وفــّـرق ,,
وكم شــّرق وغــّرب ؟؟
ماذا أكتب ؟
وماذا عساني أقول ؟؟
هل أنظم شعراً ؟؟
أم اكتب نثراً ؟؟
كــلا ..
كــلا ..
كــلا ..
لن أكتب ,,,
فقد ولــى زمن الكتابه ,,
وجف نهــر القصيد ..
وتوقف نبض الحروف ..
وما انا ,, الا بقايا انسان انهكه الزمان ..
وسأكتفي بالصمت ,,
فقد مللت الكتابه ,, ونــزف الحروف ,,
سئمت القوافي ,, ولعب الصفوف ,,
وقد آن للفارس ان يترجّل عن صهوة جواده ..
وان يعلن انحياده ,, ونزع سلطانه ,,
وان يئد حروفه .. وبنات افكاره ,,
ولــم يبقــى الا انتي ..
نعــم انتي ,,
هــاجس العمــر .. أبد الدهر ,,
اميرتي الصغيرة ..
ذات القلب الكبير ..
اميرة القلم ,,
عالية الهمم ,,
عطر الندى ..
واجمل شذى ,,
انيستي ..
وجليستي ..
وملهمة شعري وحرفي ..
صديقتي ,, ورفيقة دربي ,,
لن انــدم علي شي ؟؟
نعــم لن انــدم ؟؟
الا لعجزي عن متابعة مجاراة حرفك وقلمك
الذي طالما ابهرني .. واعجبني ..
وعانق حرفي ..
واسرني بعذوبته .. ورقته ..ورونقه .. واناقته ..
وجماله .. وبهائه ..
بكل ما يحمل من تجسيد للفكر والروح ..
وصفاء للذات وصدق المشاعر ..
وسحر الكلمات ..
اليك انتي ,,
فقط اميرتي ..
هذة الكلمات لأختم بها مسيرتي ونهاية دربي لمعانفة الحروف
فأنتي وحدك ,, من اجد بين حروفها الحياه .. ومن بين اسطرها النجاه ..
ومهما ابتعدت وغبت ..
سيبقى وقع حروفها راسخاً بالاذهان واسمها محفوراً على ذاكرة الزمان ..
فتقبليها من ...
سل وفي آخره طـــان
.
.

بقلم /

سلطان الحرف او كما شئتم محمد بن موسى

فاقد كثير من الرفاقه والاخوان=اللي عذاب أغيابهم ماقويته
منهم حمد الخمعلي طير حوران=اللي لياضاق الدهر بي نصيته
ومنهم ابو غانم سلايل كحيلان=الجعفري ياحي ذكره وصيته
ومعيض والصقار مع ابن درعان=والدهمشي والاشجعي مانسيته
واذكر صبيح ابن عوض واف الايمان=اللي رسخ بالراس قافه وبيته

لو طاحت نفوس الرياجيل مـا أطيـح=علّـيـت نفـسـي للـعـلا واعتـلـت بــي
لكـن .. لــي مـبـدأ مـعـزه وتصفـيـح=أبــوي سمـانـي بـهـا وأستـمـت بـــي
أقــدر ظـــروف الـوجـيـه المفـالـيـح=وأبقـا علـى هقواتهـا اللـي هقـت بـي
أذخـر فواعيـس الرجـال الطحاطيـح=اللـي أليـا مــن جيتـهـا رحـبـت بــي
قولـة هـلا وأقلـط علـى هبـة الـريـح=ثروة غنى فيهـا أغتنـي وأغتنـت بـي
مـاهـو كـــلام ملاعـبـيـن المسـابـيـح=الـلـي نـمـوذج كتبـهـم غـيــر كـتـبـي
ملقـحـيـن مـنـمّــق الــهــرج تـلـقـيـح=يامـا حكـت عنـدي ويامـا حكـت بـي
عـيـال رعـيـان الـحـلال الـسـواريـح=لو حصلّت ضحك ٍعلّي اضحكت بي
والـصـبـر زيـــن وللغـنـايـم مفـاتـيـح=وأكحـل عيـون ٍٍ بالحسـد تلتفـت بــي

بيض الشراشف وصوت الأووف / ياسستر=تنقض جميع المواجع لو/ تخفيها
وتحير بالدمع عينك وللولي / تشكر=باللي معافيك وغيرك ناس / باليها
تشوف ناسً على التحريك / ماتقدر=والنار تحرق جنوبه /مايطفيها
مشلول وان شاف غيره قام / يتحسر=يبكي تذكر دروبً كان / يمشيها
وتشوف جنبه ضعيف وكله / مكسر=رجليه عزاه مايقدر / يوطيها
وتشوف جنبه كبير السن /مايشعر=والظاهر انه خطير ورايحً / فيها
تحير عينك صحيح وللولي / تشكر=باللي معافيك وغيرك ناس / باليها

ضايق وضاعت ياعوض كل الامال=وتبخرت يا خوك قدام بعيني

الله ياليل الألم والمعاناه=ما اطوّل ثواني ساعتك والدقايق
مابين صرخة (أخ) تردف لها ( آه )=تحس كنك بين نار وحرايق
وتهل دمع العين وتقول عزآه=وتضيق بك دنياك وسط الخلايق
مالك جدى ياكود قولة حلولاه=وتصفيقتاً بيديك والصدر ضايق
وترجي من المولى يعجل على شفاه=اللي بيديه علاج كل الخلايق

ياللي تشوف الناس نص(ن) مع ريال =الناس حتى بالهلل ماتشوفك
ماني وانا سلطان من ظهر رجال=ان ماعطيتك درس يكسر كتوفك
وتصير اكبر مصخره عبر الاجيال=وتعاف حتى المنتدى من كسوفك
ميّر انثبر يامال قصاف الاجال=يالضايع اللي بان فينا جحوفك
من قبل لا تسمع لك علوم واقوال=يحرق لظاها مابقى وسط جوفك

ياشينها..فــرقا القلـوب المــواليـف=وكل(ن) ركب( شيطان رأسه) وقفّـا
بعده..تجرّعــت النـدم والتحاسيـف=ومافيه هــمّ..ألاّ علـى القلـب لفّـا

مراجلة دايم على العز ضارين=ولاخاب منهو بالشدايد نخاكم
انتم هل الفزعه على العسر واللين=اهل الفعول اللي تنومس نباكم
عاداتكم كعم العدا والمغيرين=ومحدن قدر ياخذ شبر من حماكم

كل السوالف تجيب اسمك ولو صــدفة=كل الشــــــــوارع توقّف بي على بابك
واهرب عن الناس لآخر ركن في غرفة=وألقاك بالروح..وأهدابي على اهــدابك
هناك اعيش الغــــرام اللي لقى حتفه =هناك اذوق العــذاب اللي من اسبابك