لاعـــاد ترجـيـنـي ولاعـــاد ابـرجـيـك=كــــلاً يــــروّح يـالـغــلا فــــي طـريـقــه
دربك خضر واللي يجيبك يوديك=حــان الـفـراق وبــان نــور الحقـيـقـه

والله مدري وش سبب جزوة العين=عن نومها يا أهل القلوب الوفيه
مدري سببها من فراق المحبين=وإلا كذا حال الحظوظ الرديه
بس الأكيد ان أكثر الناس ممسين=وأنا عيوني طول ليلي شقيه
قمت اتحرا اللي بقلبي له سنين=والوم وقتً صار يقسىآ عليه
حال الزمن دونه ولا أدري على وين=راح وتركني والحشىآ فيه كيه
من يوم غبت وعاشقك خاطره شين=ماله على كثر الصبر مقدريه
ياشمعة الخافق وياكامل الزين=صدك بليا ذنب جرم وخطيه
ماتدري ان الجرح للمنجرح دين=وانا جروحي من فراقك نديه
جرح الزمن مع جرح فرقاك جرحين=تثر عليه بكل صبح وعشيه
عود عسى قلبك من القسوه يلين=لاصار غيرك مالقى قابليـه
وابنتظر ياصاحبي جيتك لين=ترجع وتبقى نار الأشواق حيه

مآ حشِمت فلآن لأجل أرضي ( فلان ) =وماإحترمت إلا الذي كفو [ إحترامي ] ..
ياصديقي شوفني بـ نفس المكان=يوم ، " تتسآ آ آ قط " من عيوني : أسامي
وما أتابع [ أيّ حلقه ] من ، زمان=للنظر وجهه , أعبّرها بـ .. كلامي
ليه أضيّع وقت من يومي .. عشان =شي ، " مآ يسوى " وأرخِص : إهتمامي

ياكثر ماأتعبت ليلي في رجا صبحي=وصدوف الايام لاتكتب , ولا تقرى
حسيت حتى المرايا تستحي لمحي =لو ما أذرفت عيني الا دمعةٍ عذرى
شرهات الاحلام , لو ماطاولت صرحي =ماكان طاحت مع نجوم السما قمرى
أكتب أبنساه يجبرني الوفا أمحي =اللي كتبته , واعلق عذري ببكرى
وأشتاق له , كثر مايشتاق لي فرحي =وكثر قصيدٍ هقيت يجيبه وأزرى
وأحن له كثر مايضحك علي جرحي =لا قلت له كلها كم يوم وبتبرى , !

ان عودت للغلآ لا تخاف منحسمه =ركز معي وانتبه ؟واسمع لتوصيفي
غلاك كنه وسم في داخلي وسمه =مكتوب فوق الوسم (أغلى مواليفي)
منت اختياري ولكن صرت لي قسمه =الله كتب لـي احبك ماهو بكيفـي !

تعبت من جر المواويل لاضقت =فرقاك نار وذكرياتك حطبها
ياكم زقارة لا تلهمتك احرقت =وياكم قصيدة شاعرك قد كتبها
في ساعدي ساعه واصوت كم الوقت =دقايق التفكير طيفك نهبها
لو أنني من بادي الوقت نسقت =ماماتت افراحي وقافي ندبها

في ذمتك وش عاد مني ترجاه=حتى التراب اللي تدوسه هويته
أعطيتك إحساسي سحابٍ نثرماه=ولوكان تطلب دم قلبي عطيته
إرحم حبيب ضيع دروب ممشاه=رايح لبيتك يحسب البيت بيته

يــاخــي تــأكــد قــبــل تـظـلــم مـوالـيـفـك=مــن كلـمـةٍ بالـقـفـا مـاهـيـب مضـمـونـة!

يـــــا آدمـــــي مـــــدام نـظــراتــك بـاحـاسـيـسـي تـشـيــيــد=لا تتـرك ( اسألتـي ) تمـوت ولا لقـت بـك ( أجـوبـه )
ليـه انـت راضـي بالعنـاد ؟ وبالرضـى تصبـح عنيـد ؟=لـيـه اتسـاهـل بالـجـفـا ؟ لـيــه الـوصــل تستصـعـبـه ؟
وليـه اتمنـى الـمـوت فــي بـعـدك واحــس انــه بعـيـد ؟=وليه اشعر ان الموت في لحظة وصولك مـا اقربـه ؟
وليـه اعتبـر نفسـي إذا ذبحنـي شـوقـي لــك شهـيـد ؟=ولا انـــت حـتــى الـشــوق لا ردك عـلــيّ تسـتـغـربـه !!
جاوب وريحنـي !! أو انسـى كـل شـي .. ولا تعيـد :=سؤالـك عـن شـعـر ٍ شطبـتـه مــن قـبـل لا أكتـبـه !؟