شيء ماهو قد المقام لكن عشمي فيكم كبير ... أبيكم تقوّموني....؟
اولا اتمنى تكونون بخير يااخواني
ثم لكم صادق الدعوات الطيبه لمجرد وقوفكم على هذه التي لاتليق بالمقام ! فقط أتعشم في النقد الهادف والذي يزيدني ولاينقصني وانتم كريمين وانا أختكم وبنت عمكم أستاهل :) ابيات بعنوان بعض السوالف ...... تفضلوا
فى تالى الوقت صار الهرج متقارب= حتى الحقيقه كلام الزور غلفها وباب السوالف ليا من صار متوارب= كل يبى سالفه حتى يسولفها ودك تصكه عن اللى كفهم تارب =حتى يجى عبرة للى يولفها حنا بلشنا بناس طبعهم خارب= لاجاب سالفه لازم يلفلفها بلسانه اللى على الهرج القفا دارب =يصرف من الكذب ما والله تسلفها والفرق واضح مابين العرب والعارب =والعرق دساس يجذب لين يخلفها واحد تمنى يجيللك جار ومقارب= وناس تمنى متى الرحمن يذلفها والهرج لاصار مايجمد على الشارب =بعض السوالف تنقص من يسولفها وخيتكم / الواااثقة :) |
رد: شيء ماهو قد المقام لكن عشمي فيكم كبير ... أبيكم تقوّموني....؟
أبـــــطــيــــتـــــوا !!؟
|
رد: شيء ماهو قد المقام لكن عشمي فيكم كبير ... أبيكم تقوّموني....؟
الله عليتس يالواثقــــــه
وربي عجبتني حييييل .... :) بس تدرين فيني لست بـــ شــــــــــاعره بس جيت أبدي أعجابي .. وأنتظري الشعـــــــراء يقولون رأيهم .. / / / موفقه خيـــر يالغـــــــــلا مودتي شـــــــ / |
رد: شيء ماهو قد المقام لكن عشمي فيكم كبير ... أبيكم تقوّموني....؟
واحد تمنى يجيللك جار ومقارب
............................................. وناس تمنى متى الرحمن يذلفها لبى قلبك على البيت ذاا ووربي روعه عسى الله يوفقك صح لسااااااانك مليووون ولاهنتي بأنتظاار جديدك :) |
رد: شيء ماهو قد المقام لكن عشمي فيكم كبير ... أبيكم تقوّموني....؟
هلا بس ياوخيتي وابشرس اني ماني شاعر
اختي عزالله جميله كابدايه وسيكون القادم اجمل ان شاءالله >>>>>>>>>صح يارفع المعنويات بعد التنسيق >>>>>>>>>>>>>>>>>>>>>>>بعد اذنس حنا بلشنا بناس طبعهم خارب .................................................. لاجاب سالفه لازم يلفلفها عزالله بيت وان شاءالله فالس المليون
فى تالى الوقت صار الهرج متقارب= حتى الحقيقه كلام الزور غلفها وباب السوالف ليا من صار متوارب= كل يبى سالفه حتى يسولفها ودك تصكه عن اللى كفهم تارب =حتى يجى عبرة للى يولفها حنا بلشنا بناس طبعهم خارب= لاجاب سالفه لازم يلفلفها بلسانه اللى على الهرج القفا دارب =يصرف من الكذب ما والله تسلفها والفرق واضح مابين العرب والعارب =والعرق دساس يجذب لين يخلفها واحد تمنى يجيللك جار ومقارب= وناس تمنى متى الرحمن يذلفها والهرج لاصار مايجمد على الشارب =بعض السوالف تنقص من يسولفها وصح الله لسانس ولاهنتي ياوخيتي |
رد: شيء ماهو قد المقام لكن عشمي فيكم كبير ... أبيكم تقوّموني....؟
الاخت / الواثقه
اولا اسمحي لي بتنسيقها كما طرحها الاخ فهد ... ثاني القصيده رائعه وسلسه وتحمل من المعاني والحكم الكثير ...
فى تالى الوقت صار الهرج متقارب= حتى الحقيقه كلام الزور غلفها وباب السوالف ليا من صار متوارب= كل يبى سالفه حتى يسولفها ودك تصكه عن اللى كفهم تارب =حتى يجى عبرة للى يولفها الله عليك وتسلم يمينك ...
حنا بلشنا بناس طبعهم خارب= لاجاب سالفه لازم يلفلفها
لاجاب سالفه لازم يلفلفها ... قد يكون هنا خطا مطبعي المهم ... انه انعدم الوزن هنا وارى ان نزيد حرف ( له ) فقط لكي يعتدل الوزن وتصبح : لاجاب له سالفه لازم يلفلها بلسانه اللى على الهرج القفا دارب =يصرف من الكذب ما والله تسلفها
حرف ال التعريف في كلمة ( الهرج ) اخلت الوزن تمام وارى ان نحذفها لكي تصبح هكذا : بلسانه اللي على هرج القفا دارب واحد تمنى يجيللك جار ومقارب= وناس تمنى متى الرحمن يذلفها
والهرج لاصار مايجمد على الشارب =بعض السوالف تنقص من يسولفها
رائعه وصح لساااانك مره اخرى واسمحي لي على التنسيق والتطفل على الابيات ويبقى رأيي مجرد وجهة نظر قابله للخطأ والصواب دمتي بخير |
رد: شيء ماهو قد المقام لكن عشمي فيكم كبير ... أبيكم تقوّموني....؟
ألأخت الفاضله
والشاعره ..المتخبيه الواااثقه صح لسانك ولا هنت على هالأبيات الرائعه والحكيمه ونشكر أستاذنا الشاعر الكبيروالمتألق مزيد المزيد على التنسيق والله يعطيه العافيه ننتظر جديدك على احر من الجمر تقبلي تحياااااااااااااااااااااااااااااااااتي |
رد: شيء ماهو قد المقام لكن عشمي فيكم كبير ... أبيكم تقوّموني....؟
هلا وغلا بـــ / شموخ الغاليه
ولاتهونين ياوخيتي على التشجيع الزين من قلبتس الازين :) وحياااك / بندوووووول ولاهنتتتتتتتت ياالنشمي على الاهتمام والاعجاب وعساك ع القوه :) وحياااك / فهد الخدلي والله يعطيك العافيه على التنسيق ولاهنتتتتتتتتتتتت واشكرك على الاعجاب والتشجيع وجعلي ماافقد اخواني امين :) ياالله حييييييييوه/ مزيد المزيد ووقوفك فقط عليها شرف لي اما البيت التالي: حنا بلشنا بناس طبعهم خارب لجاب له سالفه لازم يلفلفها هنا فعلا خطأ مطبعي لم انتبه اني اسقطت كلمة (له) فيها وايضا : بلسانه اللي على هرج القفا دارب يصرف من الكذب ماوالله تسلفها هنا بعد حصل مني خطأ مطبعي في زيادة ال (ال) فيها لاني كتبتها سريع حتى تنسيق مانسقت :) لكن اشكرك من كل قلبي على التنسيق اولا ثم التعديل والتنبيه ثانيا والحين انا اسأل يعني الابيات كذا تمام :) هلابك / ماجد الجعفري ويعطيك العافيه على التشجيع والمرور لاهنتتتتتتتتتتت ولاخلى منك والعذر والسموووحه لمروري السريع ومازلت اتمنى مرور بقية اخواني الشعراء . وخيتكم / الواااثقه :) |
رد: شيء ماهو قد المقام لكن عشمي فيكم كبير ... أبيكم تقوّموني....؟
اقتباس:
الواثقة صح لسانك القصيدة أكثر من رائعة وفيها من الحكمة الشيء الجميل>>>ابو الشباب شكله د.غسان على غفلة صراحة: والله ممتازة لك كل الشكر والتقدير وبإنتظار جديدك >>>لان ماكو فكة خلاص الله يعطيك العافية |
رد: شيء ماهو قد المقام لكن عشمي فيكم كبير ... أبيكم تقوّموني....؟
بعض السوالف تنقص من يسولفها --------------رائعة ياواثقة وانشاء الله تكوني واثقة وتنزلين لنا روائعك
بجد القصيدة رائعة -- والله يعطيك العافية وكذلك الشكر موصول للاخ مزيد المزيد على التعديل والى الامام يالواثقة بالتوفيق |
رد: شيء ماهو قد المقام لكن عشمي فيكم كبير ... أبيكم تقوّموني....؟
صح لسانج يالواثقه بس الملاحظات اللي قالها مزيد المزيد واضحه ولا يختلف عليها اثنين وواضح أنج تكتبين القصيده على لحن معين أو طاروق ولاتدققين فيها من ناحية التفعيلات لهذا تستبين بعض الكسور البسيط اللي يشيلها الغناء ويغطيها والصراحه يامزيد المزيد أنا ماأعرفك وأنا اصلا جديد على المنتدى لاكن الصراحه عجبتني أنك لقيت كسور صعبه مخفيه بين بيوت القصيده وواضح جدا أن بعض الشباب اللي موجودين فضلوا باب المجامله قبل باب الصراحه وشكرا.... |
رد: شيء ماهو قد المقام لكن عشمي فيكم كبير ... أبيكم تقوّموني....؟
صح لسانك يا الواثقه
على القصيده وما قصروا الأخوان بالنقد واتمنى لك التوفيق .. |
رد: شيء ماهو قد المقام لكن عشمي فيكم كبير ... أبيكم تقوّموني....؟
ااااااااااااااه يعطيكم العافيه كلكم :)
وجزاكم الله خير على تشجيعكم وإطراءكم الطيب لاهنتتتتتتتتتتتتتتتتوا ولاعدمتكم وخيتكم / الواااثقة :) |
| الساعة الآن (11:36 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه