القريب يجي
السلام عليكم ورحمة الله وبركاته.
الشاعر اللي مايهاب الملعبه يرفع يداه= والشاعر اللي ترجف عظامه لا بالله لايجي. ومثلي ليامنه حظر راع العصا يكسر عصاه= مار ان زعلتوا وان رضيتوا صعب اغيّر منهجي. |
رد: القريب يجي
والشاعر اللي ترجف عظامه لا بالله لايجي.
جيت انا الجمهور والكل يابغى مكسبي جمهور ينتظر الابداع طاب فالك ومعيض والله لايغربلك لويدري ههههههههه |
رد: القريب يجي
حياك ربي والله لايهبنك ع هالحظور الدائم
لا معيض مندس مايطلع الا بالصيف هههههه |
رد: القريب يجي
اقتباس:
يا مرحبا بالشاعر اللي ما عرفنا مبتداه=سماه ترعد والعرب تشوف برق(ن) يلعجي الليله الليله نبي بالشعر نعرف مستواه=اما نجــح والا رســب والا كتبنــا عربجي |
رد: القريب يجي
هلا وسهلا بك حياك ربي يوم جيت.
دام البقا بك ياصديق وكل نجمن في سماه =لكن حذرى لاتجي بالموقف اللي يحرجي. سج القدم وابختبرك وكل شاعر له مداه =اما انت شاعر له وزن والا انت شاعر مهرجي. |
رد: القريب يجي
رااااااائع مشكورين
|
رد: القريب يجي
صح لسانك وياهلا ومرحباك تفضل واستلم يبان عمقك يالبحر لامـــــــــن رمينا بك حصاه=وترى السحاب اليا همل يجيك نزله ثججي ياصاحبي جيتك ولك عندي يابن طالب وصاه=أعرف طريقك يارفيق الخير قبل اتعجعجي |
رد: القريب يجي
موج البحر لاهاج ماتنفع معه سترة نجاه =اضبط امورك لانحكمك بالنظام البلطجي.
وان كان ماتجهل فنون الحرب في كل اتجاه = قبل تخوض المعركة خذلك حصانن مسرجي. |
رد: القريب يجي
العفو اخوي سالم مشكور ع الحظور المشرف.
|
رد: القريب يجي
الحرب نعرف دربها والمعتدي ربه بلاه=وان هاجت امواج البحر ضربت عصا ثم يفلجي
قدرك مغطى يا فتى والناس لا تكشف غطاه=خله على نار السمر تكويه لينه ينضجي |
رد: القريب يجي
عزالله
انكم مميزين استمرو وراك /يا الحميدي بن طالب العنزي بدري يالحبيب ولا انت شاطر بس عليه تقدم ولاتهاب حوالينا ولا علينا سترك يارب عندك اياه يا أبوفهد الميهوبي حده على الصعب تقبلو حظوري رعاكم الله هههههههههه طلابات الجمهور |
رد: القريب يجي
لاصرت ماتقوى جبال النير واجبال السراه.=قبل تمر الموقف المحسوب شف لك مخرجي.*
الناس ماتجهل بنوك الفقر وابنوك الغناه.*=واللي تقدم في ملفك بالنهاية يدرجي. |
رد: القريب يجي
يابن دعسان علامك كل يوم ضدي هذي المحاروة الثالثة وانت تنشب بحلقي فكني من شرك وخلك بين الصفوف ههههه
بس والله انها تعجز الحروف والكلمات عن شكرك ع حظورك ومتابعتك المستمرة. فشكراً لك من الاعماق. |
رد: القريب يجي
أطويق من قبل الجبال النايفه قافي رقاه=ولاهمني ياصاحبي ناسن تسولف واتحجي
ونوب الكتاب اتعرف علمه دون تقرا محتواه=وأنا قريتك ثم رميتك يا كتاب البترجي |
رد: القريب يجي
أطويق من قبل الجبال النايفه قافي رقاه=ولاهمني ياصاحبي ناسن تسولف واتحجي
ونوب الكتاب اتعرف علمه دون تقرا محتواه=وأنا قريتك ثم رميتك يا كتاب البترجي |
رد: القريب يجي
تقولها لكن مالك بالبلد وجهٍ وجاه=الناس تطلع وانت نايم لاتروح ولاتجي.
ومن لايشوف الفعل ماصدق بمكتوبٍ قراه = والرجل مايرفعْه والا ينزله مدح وهجي. |
رد: القريب يجي
نجم الجدي ثابت ومثلك يا بغى يمشي هداه=لد النظر لي كان ودك في سماها تعرجي
وأنته عنيد ومن عنادك تنكر اعلوم الرواه=انا ادري انك ما تصدق لازم اتذوق احدجي |
رد: القريب يجي
الذيب مايحتاج من يهديه لادور عشاه =رح علم اللي ضايع بمسراه بالليل الدجي
كثير ما شفنا من الافلام في بث القناه=لكن تأكدنا بانه بالصحيح مدبلجي |
رد: القريب يجي
الذيب عند الليث ما تسمع صداه ولا عواه= وليا خلا ذيب الفلا سرحان قام يلجلجي
ومرسي بلش بالمدّعي واليوم مع شيخ القضاه=كذا يبيها صاحب الفلم الغبي والمخرجي |
رد: القريب يجي
مسكين ياللي تضرب براسك تبي كسر الحصاه = لكن حصاة رزاح ماتنزاح في راس اصلجي.
وهذاك فايز بإنتخاب الشعب لكن ماحماه = وشلون يقدر يضبط الاوضاع والشعب اهمجي |
رد: القريب يجي
أخوي الحميدي صح لسانك لي ملاحظة بسيطه وهي أنك كررت أكثر من مفردة سبق كتبت في ردودنا (تجي) و (حصاه) لذلك نلفت الانتباه :) الله يعين اللي عجز ذا الطب لا يلقى دواه=أعيا الطبيب اللي يعالج لين صدره حشرجي شعب العرب في مصر مرسي ما قدر له ما قواه=وما بين موسى والبردعي ضاع جهد السفرجي |
رد: القريب يجي
اقتباس:
أخوي سالم شكرا لك والرائع مرورك يالقرم |
رد: القريب يجي
اقتباس:
هلا بك يابن دعسان والله يعطيك العافية وبالنسبة للرجال لا توصي حريص ولكن ما به حيله ما شاء الله عليه متمكن شكرا لك يامحمد وشرفني مرورك وحضورك |
رد: القريب يجي
يا دافع البلا يالحميدي ما فيه الا أنا وياك وين أعضاء المنتدى
|
رد: القريب يجي
ياخوك والله اني ماانتبه واتكاسل لاراجع المفردات الساريه هههه
بعض العرب ميت ولكنه ع قيد الحياه =وهذا المرض يابو فهد ماله طبيب معالجي وحسني ومرسي كلهم واحد وكل في سراه =لكن حظك يالجزيرة قام زيدي واهرجي. وشهادتك اعتز وافتخر بها لكن عسئ الله يقدرني ع مجاراتك. |
رد: القريب يجي
المبتلى يالله عسى ربي يعجل في شفاه=مسكين ياللي ضاع عمره بالفيافي وادوجي والحايلي في دار حايل والحساوي في حساه=الا أنت يالحظ الردي متمركين تحت ادرجي |
رد: القريب يجي
صح لسانك ابو فهد تشرفت باللعب معك فأنت شاعر متمكن ولاتحااج للشهادة من اي شخص.
استودعك الله ع امل اللقاء القريب ان شاء الله |
رد: القريب يجي
اقتباس:
القدير الحميدي شكرا لك على المحاورة الرائعة والجميلة وأنت أيضا شاعر ولاتحتاج لشهادة وشهادتك بي محل اعتزاز وتقدير واستودعك الله على أمل اللقاء بكم مجددا ان شاء الله . والشكر موصول لكل من مر من هنا تحياتي |
رد: القريب يجي
الله الله صحت الالسن والقلوب
مادريت عن هالمعركة والا جاي ومتمركي جنب صديقي محمد دعسان واشجعكم |
رد: القريب يجي
صح لسان الجميع مبدعين الحقيقه
لكن لدي سؤال لجميع شعراء المحاوره بهذا المنتدى أو بغيره وهم كثير ماشاء الله وأغلبهم من القبيله ومتمكنين لديهم القدره على خوض المعركه ميدانيا ً...... - لماذا لم نشاهدهم على ساحة الميدان ومجابهة كبار شعراء المحاوره ؟ أتمنى ذلك .. وفق الله الجميع |
رد: القريب يجي
معيض اكيد لو حظرت تبي ضدي لكن اشوى اللي مادريت هههه
الاخ حمد الاسباب كثيرة ولايمكن حصرها منها ان استخدام العقل الداخلي اثناء الكتابة يكون اقوى بكثير من استخدام العقل الخارجي في الحظور الميداني اضافةً الى فارق الوقت المخصص للرد في المنتدى والميدان فبالتالي نلاحظ ان قوة الشاعر في الميدان قد تتضاعف وتكون اقل من حظورة الكترونياً ومنها كذلك ان المنتديات دائماً تكون نقطة البداية للشعراء لانها تتيح لجميع الموهوبين والشعراء اكتشاف قدراتهم ومن ثم استثمارها ميدانياً ومنها ايضاً ممكن يكون السبب ام الركب ليش لا ههههه الشكر موصول للجميع. |
رد: القريب يجي
اقتباس:
القدير معيض صح الله بدنك ولاهنت يالغالي يبدو أن الحميدي ما يبي يعلمك وأنا لو أعرف جوالك كان دقيت عليك وعلمتك :) وأكيد تبي تكون بصفي على الحميدي . لكن خيرها بغيرها ياطويل العمر والحقيقة وجودك ومروك واطلاعك على المحاورة شرف لنا شاعر كبير وقدير لك خالص التحيه والتقدير |
رد: القريب يجي
اقتباس:
الأخ العزيز حمد الضوّي أولا صح الله بدنك ولاهنت ياطويل العمر. وللاجابه على سؤالك الكريم حول قلة مشاركة كثير من شعراء القبيلة في ميادين المحاورة المباشرة أقول أن هذا الفن حقيقة جديد أغلبنا وغير منتشر في مناسباتنا ولا يحظى بالتشجيع سابقا وحاليا مع أنه يوجد حاليا من يشجعه ويتابعه ولكن قليل. سبب آخر هو اساءت بعض شعراء المحاورة لهذا الفن واعتمادهم على السب والشتم وخروج المحاروات من صراع فكري أدبي الى احياء النعرات والخلافات القبلية القديمة واشعال نار الفتنه بين الحاضرين وهذا حقيقة بالنسبة لي شخصيا لا يناسبي مطلقا. نرجع الى المقدرة الشعرية والحقيقة ما ذكره الشاعر الحميدي صحيح حول قدرة الشاعر على الرد خلال فترة زمنية قصيرة تختلف عن الرد من خلال محاورة في منتدى إلكتروني حيث يأخذ راحته في أغلب الاحيان ولا يكون تحت ضغط الوقت . لكن ان شاء الله سيكون هناك شعراء من أبناء القبيلة بعد بناء ثقتهم بأنفسهم واثبات مقدرتهم بإذن الله سوف نراهم في ميادين المحاورة المباشرة . أخوي حمد ألف شكر على مرورك العطر وتشريفك الموضوع. |
| الساعة الآن (11:09 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه