كم لي وانا اداريك وانت تمادين = واليوم جرحي مايتحمل سكاتي
ماستاهل اللي يالحبيبه تسوين= يعني جزء خلاصي تعاسة حياتي
كلٍ يهون وسوي اللي تحبين=باسم الهواء ماابدي لك ملاحظتي
الا على كرامتي ماتمونين=على كذا تبدا معك سيئاتي
غفيت حضن الخيانه وهالحين= صحتني كفوف الزمن من سباتي
ماكنت حاسب للخيانه ومن مين=خيانتي للاسف من فتاتي
دلة وعودك بايته لا تصبين=ياما شربت اوعودك الفايتاتي
ان جيت ابوح يثور صمتي براكين =حتى اعتذارك مايليم شتاتي
ماقلت لنفسي قبل اسافر على وين=ماكنت ضايع يوم كنتي جهاتي
واليوم ضعت ولا بقى لي عناوين=في سكتك راحت عبث تضحياتي
بالله بعد اللي حصل وش تقولين=مادام حطمتي جميع امنياتي
مادام تعطين مع الورد سكين=وشوله ارهن دون حبك مماتي
تدرين ابا ارحل في جروحي وتكفين= انسى بوقتك مرحلة ذكرياتي
احاول اجبر خاطري والله يعين=وضفي على باقي جروحي عباتي
والله لو انت عواصف تهبين =لخلي طويق يحسدني ثباتي
وقول لجروحي مع الوقت تبرين=لكن رجوعي ثامن المعجزاتي

المشاركة الأصلية كتبت بواسطة ابن هندي (المشاركة 243071) احاول اجبر خاطـري والله يعيـن وضفي على باقي جروحي عباتـي والله لو انـت عواصـف تهبيـن لخلـي طويـق يحسدنـي ثباتـي وقول لجروحي مع الوقـت تبريـن لكن رجوعـي ثامـن المعجزاتـي الشاعر الرائع نافع عيد سلمت يمينك وصح لسانك وصح لسان الشاعر محمد الخمعلي قصيده في قمه الابداع تقبل مروري مع صادق ودي

المشاركة الأصلية كتبت بواسطة سليمان الجعفري (المشاركة 243098) الشاعر الرائع /نافع عيد الجديد سلمت يمينك وصح لسانك وصح لسان الشاعر محمد الخمعلي قصيده في قمه الابداع والروعه تقبل تحياتي واحترامي

المشاركة الأصلية كتبت بواسطة تركي صالح (المشاركة 243173) مشرفنا الرائع / نافع عيد الجديد الله لايهينك على هذا الاختيار وصح لسان الشاعر / محمد الخمعلي وتقبل خالص التحايا

المشاركة الأصلية كتبت بواسطة هيـاا العـازمـي (المشاركة 243183) لله درك يا مشرفنا الفاضل نافع عيد الجديد بحق أنتَ شاعر .. ومتذوق .. وحضورك ماطر الشاعر محمد مسلم الخمعلي مبهر لقد قرأتهُ هنا حتى إرتويت من الجزالة وقوة المعنى يصح لسانه وبوحه وفكره ويصح كلك على الانتقاء الرائع لاهنت أُستاذي :) تقديري هيــــااااا

المشاركة الأصلية كتبت بواسطة ابو غرام (المشاركة 243211) الله الله اخي دائما مميز في الانتقاء لشاعر دائما مانعلم عنه كل تميز وجميل صح لسانكم جميع بوح عذب

المشاركة الأصلية كتبت بواسطة حمد الخمعلي (المشاركة 243386) الاخ ناااافع الف الف الف شكر لك مميزه 00 ورائعه 00 صح لسان شاعرها تحياتي لك

المشاركة الأصلية كتبت بواسطة صقر الصقور (المشاركة 243619) الشاعر الرائع نافع عيد سلمت يمينك وصح لسانك وصح لسان الشاعر محمد الخمعلي قصيده في قمه الابداع تحياتي

المشاركة الأصلية كتبت بواسطة @الفيصل@ (المشاركة 243656) صح لسانك ولسان القايل