**لــــــــوحــــــــة ويـــــــــــلااااااان الـــشــــــعــــــريــــــــــــــة **
بسم الله الرحمن الرحيم الأخوة والأخوات اعضاء شبكة ويلان العربيه هذه الصفحه أنتم نجومها لن اطيل عليكم فالفكرة تتمحور في أختيار أبيات لشعراء ويلان لترتسم بهذه الصفحه لوحة شعريه راقية ريشتها اناملكم ..وروحها احاسيس شعرائنا المبدعين أتمنى منكم التفااعل لتخرج هذه اللوحة بصورة جميلة ومميزة ودمتم بكل خير .... . ملاحظة ( لا يطرح هنا إلا الابيات التي تخص شعراء ويلان فقط ولا تتجاوز خمسة ابيات ) |
رد: **لــــــــوحـــــــة ويـــــلااااااان الـــشـعــريـــــة **
اسمحوا لي أن اضع اللمسه الأولى بريشتى.. وبإحساس مشرف المنتديات الأدبيه الأخ والشاعرالأديب خلف الغريب ............... . صباحك من خزامى , من نفل , من شيح , من نوار .............................بروض من مـزون الوسـم الاول طالـت أعشابـه صباحك فجر عاشق سامـر النجمـات بالاشعـار .....................................صباحك مبخرة مـن عـود جـاوة فاحـت اطيابـه صباحك صبح خير , وجو غيم , وهلت الأمطـار .......................................:على ساحـل بحـر حـب الحبايـب هـل سكابـه صباحك فرحـة الشيـخ الكريـم بحضـرة الـزوار .......................................تهلل نـور وجهـه واختلـط مـع سيـل ترحابـه صباحك فرحة العـود الكبيـر برجعـة ابـن بـار .........................................شرب مـر الزمـن والبهذلـة مـن سبـة غيابـه االله عليك يابو خالد |
رد: **لــــــــوحـــــــة ويـــــلااااااان الـــشـعــريـــــة **
الجميل ماجد الجعفري
موضوع ضروري يكون موجود هنا لان بعض النصوص الجميله تتوارى بعد اكتمال الردود جمّل الله حالك على جميل طرحك سيكون لي عوده بعد القضاء على مشكلة التنسيق اولى المشاركات للجميل جائز ابو احمد دمت بخير ......... دام الصداقه ما لها جذر وشروك .....................اضرب عليها الإكس وإلعن ثواها ملعون ابو من يجحد الطيب .. صعلوك .......................ومن باع خوة صاحبه ماشراها الرفقة اللي مالها عقد وصكوك ..........................اموثقه بالطيب في محتواها ماتنبغى لو جمّلوها وجابوك ........................وقالوا تفضلها على ما تراها لابو العفانه لابو عرفتك لابوك .................يابن الردي .. ديرتك ماني بسماها |
رد: **لــــــــوحـــــــة ويـــــلااااااان الـــشـعــريـــــة **
حياااك الله اخي عناد الغريب والجمال يزداد بمعانقة ريشتك هذه اللوحة ............... . . لمسة اخرى من احساس اخي الغالي والشاعر المميز ومراقبنا الجميل تركي الصالح ............ . . أن كان تبغى وصال شفني قبالك .........وان كان تبغى فراق ما ني بمشغلك يا ما علشانك وطيت المهالك ......ويا ما زرعت ورود من حول منزلك ويا ما مشيت برغبتك واعنالك ...........دايم وانا في كل موقف مجملك ما دري غرورك في محاسن جمالك .................أو هو عذولاً دار فكرك وميلك صار السبب في جفوتك ونشغالك ..............عني وانا اللي ما بعمري أزعلك االله يابو صالح |
رد: **لــــــــوحـــــــة ويـــــلااااااان الـــشـعــريـــــة **
للجميل سعد شايش النفج
يامدور الشعر الجزيل الليله الشعر الجزيل=ناقف مواقيف الرجال اللي تعكف اشنابها والشعر لو قالو حمل ماهو على متني ثقيل=يخف لو زاد الحمل والمسأله ماهابها علوم المراجل درعي وشعري هو السيف الصقيل=لياجت مواقيف القصيد و جمّعت كتابها اخيل مع ناس ٍ رقت مرقاب الاشعار و تخيل=القى مكان بزحمة العالم على مرقابها صيد السمين ان فاتني قفيت ادور له بديل=خله يروح و كل صيده حظ منهو جابها |
رد: **لــــــــوحـــــــة ويـــــلااااااان الـــشـعــريـــــة **
اخوي الغالي واستاذي الفاضل ماجد الجعفري مبدع في كل حالاتك وجزل دائما في كل ماتطرح فكره رائعه وفريده لله درك ,,,,,,,,,,,,,,,,,,,,,,,,,,,,,,,,,,,,,,,,,,, اسمح لي بأن تكون لمستي بأحســـــاسك الراقي يعني تحـذر لا تقـااااوم قوييـن ............................تعجز تحدد ضربتك بـأي خانـه للسيف حد يهاب منه الوريديـن .............................يكفيك شره لا حضنـك بحنانـه مادون حلق الادمي كـود اليديـن ..............................لانه يسمى كف الايـدي جبانـه ماجيت متغطرس وعكس القوانين ..............................جيتك وانا مدرك حقوق الامانـه واحملك بيـدي رسالـة فطينيـن .................................الطعنـه بظهـر المقفـي خيانـه صح لسااااااااانك ياماجد |
رد: **لــــــــوحـــــــة ويـــــلااااااان الـــشـعــريـــــة **
حضور اول لي مع المبدع
رابح الغضيان بالشعر لـي دولـه تهابـه دويـلات = واهـز واشنطـن ولنـدن وطهـران وعندي على بحور الشعر سبع موجات = واخيـرك يازيـن باشكـال والـوان وبنيت في سطح القمر لـي مـدارات =اقطارها عينك ورمشـك والاوجـان وتـردده يـفـوق كــل القـنـوات =ارسالها همـس ومشاعـر ووجـدان ياللـي اسرتينـي بسـودٍ ظلـيـلات =سبحان ربٍ صـورك جـل سبحـان |
رد: **لــــــــوحـــــــة ويـــــلااااااان الـــشـعــريـــــة **
حيااك الله اخوي بدر تشرفت طال عمرك ............... . اهلاً احساااس ... وهل يخفى القمر ابو هيثم يستااهل ودائماً مبدع .............. . هنا لمسة من احساس المبدع نافع الجديد خلقت بالدنيا معززومحشوم .......................من فضل ربي ماارتضي بالمهانه ادمح خطا الصاحب ولااتبعه لوم ........................وان كرر الغلطه قطعت الميانه اصبر على فرقاه لو كان زيزوم ......................واحفظ اسراره مثل حفظ الامانه وانا عن سلوم الاهل مالي سلوم .........................من بيت عز له كيان ومكانه من راس قوم روس لاعدوا القوم ........................ يوم ان كل يفتخر في زمانه صح لساانك يابو عيد |
رد: **لــــــــوحـــــــة ويـــــلااااااان الـــشـعــريـــــة **
للمبدع سالم الصالح سبت رحيلك ارضنا وضعها ماش ....................صارت يباس عروقها لك معاطيش الغصن مات وباقي اوراقه هشاش ..........................تسمع صفير البعد ياوقتنا ليش هذا خفوقي تربته قاعها ناش ............... ..........ماغير قصرك ثابتٍ مابعد نيش ماهزه رياح البطا خوف وارعاش .......................وماصدع ركونه رعودٍ مراعيش فوق الفواد ومنزلك منزل الباش .................فكري حرسك وشعلة احساسي الجيش |
رد: **لــــــــوحـــــــة ويـــــلااااااان الـــشـعــريـــــة **
ماجد الجعفري
موضوع راقي جد برقيك استاذي تقبل مروري -___ ____ _____ لوحة اخرى.... للمبدع معيض بن عريفج ياشيخ لاتقرا علي لو تكرمت اللي تبي تقراه قبلك قريته ياشيخ ابا علمك وانت الزم الصمت ايلين اغلق من كلامٍ بديته البارحه يا شيخ عقب العشا نمت يوم ان كلٍ نايمٍ وسط بيته مدري حقيقة علم والا تحلمت خلي لقاني بالمنام ولقيته عقب الغياب اللي ذبحني وهايمت |
رد: **لــــــــوحـــــــة ويـــــلااااااان الـــشـعــريـــــة **
الله اختيار جميل اخت احساس للشاعر مميز ..................... ............... ............. وهنا لمسه راائعه لأحساس راقي ومن شاعر كبيرومدرسة شعرية سعود العواجي يالادمي لو شلت حملك بيديك .................... ماينفعك دمك ولا عظمك الهش ! الفقر لو حبله محكم علابيك ................... آخير من عيشة غنا كلها غش ودم الكرامه امسكه واحفظه فيك ...............وش ينفعك لاساح من عرقك ونش وبعض السكوت أحيان لو طال يغنيك ..... أبلغ ليا سولفت ثم قيل لك : اشششششش !! رائع يابو صالح . |
رد: **لــــــــوحـــــــة ويـــــلااااااان الـــشـعــريـــــة **
|
رد: **لــــــــوحـــــــة ويـــــلااااااان الـــشـعــريـــــة **
حيااك الله اخوي خالد وراائع اختيارك جميل للشااعر مميز فعلاً ................ . . وهناا لمسة بابدااع الشاعر الرائع مزيد المزيد ويامرؤ القيس كان السر باوجاعي ................... بعض السوالف تموت بفم راعيها الفكر عزفي ونبض القلب ايقاعي ................. والشعر ونسة عمر والناس ترويها وان كان صدت كذا عن روض مرباعي ................... لاتحلم اني اجيب العذر وارضيها والله لو ان الجفا يلوي لي ذراعي .......................لاقطع ذراعي لها والويه بيديها اهل النفوس العزيزه عشقها واعي ....................... ماتنحني للغرام اللي يوطيها مذهل يابو راكان صح لساانك |
رد: **لــــــــوحـــــــة ويـــــلااااااان الـــشـعــريـــــة **
لوحة راقيه ..
شكرا الغالي / ماجد على نبش ذكريات القلوب التي تعيدنا إلى ابداعات كُتبت على صفحات الشبكة و لكنها لن تزول .. . . ها أنا أنبش قبر هذه الفاتنه للراقي / علي السابل.. . يا الشوق وان ماغفى ليلي على كمـه=يصبر على ملح دمعي ظامي وسـادي وانت انتظارك غياب الروح من يمـه=وعودة حياتي ليـا نـورت ميعـادي زرعت امان الضيا في وحشة الظلمـه=لحظة حضورك وكانت طلـة اعيـادي بعيد عن الصخـب والنـاس واللمـه=فرشت لك في ضفاف القلب سجـادي كل احاسيسي حضور.. وفيك مهتمـه=من حد حس الجنون لحسـي العـادي |
رد: **لــــــــوحـــــــة ويـــــلااااااان الـــشـعــريـــــة **
اهلا فيك وحياااك الله اخوي سعد واكيد المبدع والشاعر علي السابل صاحب حضور مبهر ورااقي شكراً لك على هذه اللمسة الجميلة ابو شايش .................. وهنا لمسة من احساس الشاعر القدير زياد الشمري سلام ياأجمل ميادين المحبه والغرام .................=ياللي لك القلب الوفي سلم مفاتيح الغلا ياللي غرامك داخل الأعماق يهديك السلام ...................=ويبلغك خالص تحيات الموده والولا الحب جارف والمشاعر حركت موج الهيام .............=والمشكله بالموج لامنه على المركب علا والحمد لله موجنا هادي ولا فيه احتدام ...............=والجو صافي والسما غيمه تولا وانجلا من راقب الله واحتسب يجزاه من بعد الصيام .................=واللي تمادا بالخطا بين الخلايق يبتلا صح لساانك يابو طارق |
رد: **لــــــــوحـــــــة ويـــــلااااااان الـــشـعــريـــــة **
لمسة باحساس المبدع والشاعر صالح الجطيلي يـــاما كتبنـــا بـــا لفراق الدواويـــــــن ......= ويـــاما دمـــــوعـــي فــوق خــدي تهاوت خلاص يا خلــــــــــي على الدوم لا تجين .....= خــــــلك على راحـــــك حيـــاتـــي تساوت امنــــول أعشقــك ولا شـــــك ها الحين ......= مــــــاهمنـــي فــرقــاك قلبــــــــي تماوت كــــــم قلت لك خلك معـــــي لا تخلــــين .....= فــي يـــــوم غدرن بــــه ذيـــابك تعـــاوت مليت اعيش الغـــــدر مـــــع طبعك الشين = مليـــــت حب بـــــــــه غمـــــوض مـتـفــاوت |
رد: **لــــــــوحـــــــة ويـــــلااااااان الـــشـعــريـــــة **
لمسة من احساس الشاعر القدير
وسندباد الشعر مصلح النشمي(عمر غربي) وكل ما قال خلي قلـت حـب و وفـا .....= "سم" " لبيه" و"ابشر" واللي تبغى تنـول وكل ماقال" تكفى" قلـت "تكفـى" كفـى ..........= تنزع الروح" تكفى" كلمـا جـا يقـول اجمل الدرس وجهـه منـور ماطفـى ........= واشطر الفصل رمشه رغم انه كسول!! وفي شفاته يموت البرد باجمـل دفـا ............= والربيع بخدوده ياخـذ اربـع فصـول السـواد بشعرهـا كنـه اسـود جفـا .............= والبياض بنحرها كنـه ابيـض فعـول |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
هنا لمسة من ا لمبدع عناد الغريب بعض الكلام يضيق الصدر ياشوق=والصدر من ضيقه تضيق الحناجر الهرج واجد لكن الصدر صندوق=ثلثينها يذبح وثلثٍ يهاجر ماكل كلمه تنطري داخل السوق=ولا كل من يوجد بها السوق تاجر لا تحدني لاقصاي خل العتب فوق=ياللي تعديت العتب للمشاجر لو خنجر عتابك لها جذع وعروق=يافال كفك من نبات الخناجر |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
وهنا لمسة
من احساس الشاعرالمميز بدر الخلاوي سلمت له قلبـــــي وكلــي وبايـــــعت .... .......................واخترته الغـــــالي وهو مثلي اختار شخصن ليامنـــي تذكــرته اسمـــــعت .... ........................صم الحجر شعري وبكيت الاحجار والا انت جيت اليـوم والـيوم ودعت .... .........................مثلـك مثل غيرك من الناس زوار |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
لمسة من احساس الشاعر
محمد بن موسى الحب ماينعرف طيشه على غيه=دايم وناره ماتحرق غير واطيها لكن مادام الهوى في حب ريميه=تهون لجلك بيوت الشعر نبنيها ان كانها طيب وسلوم(ن) قبيليه=نرضي اهلها وتنعم في حسانيها وان كانهم يطلبون ريال مع ميه=نفني لعينك ملايين(ن) ننميها وان كانها بالمقاشر نارنا حيه=لعيونك نجيب اعاليها بواطيها |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
وهذه لمسة من احساس الشاعر صبيح العوض ماللمجامل بعض الاحيان داعي=حتى لـــــــــونه ميزتن ماتكلفك ياصار ضحكك مع رفيقك صناعي=ضحك على درب الخطا مايشرفك واللي عن دروب المشاكيل ضاعي=لاتحســـبه ياصاحبي من ماعارفك شخصا كلامه مثل ســــم الافاعي=ياراح من عندك يحــرف ســــوالفك واللي على الطولات مـد الذراعي=هـــذاك خلــه دايمن في طــــــــوارفك |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
الله عليك يابوغانم
فكره اكثر من رائعه ولوحه تجسد الجمال بكل اشكاله .. مساحه اتحتها لمن يعشق الحرف ليسجل اعجابه ويوثق بصمته في لوحة ويلان الشعريه ... فيه قصيده قريتها قبل ست شهور ومازالت عالقه في الذاكر سابحث عنها واعوووود |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
قصيده للشاعر نايف الشبيعان ركزّ معي باقصلك وأشرحلك=وأحكيلك الواقع بلا ترهيمي قصّة رجل عاش الحياه الصعبه=مولود بارض المملكه ومقيمي رجلٍ بليّا إثبات عاش أيّامه=يشرب قراطيع الأسى والضّيمي سبعت عشر نفسٍ معه في بيته=وأخٍ أصمّ ابكم بلا تعليمي حِرموا من ابسط حاجةٍ ناخذها=حتى الدّراسه حرّمت تحريمي |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
الله عليــــــــــك
كم انت رائع آبا غانم ادامك المولى لي عووودة قريب ان شاءالله ودي واحترااااااااااامي |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
الله يعطيك العافيه يابو غانم على هذه اللوحه الرائعه ومع الشاعر الكبير خلف الغريب من عادتي لا قسى وقتـي تساهلتـه ......................ربي على الصبر بالشـدات معطينـي ومن عادتي لو يزود الحمل بي شلته ........................صابر ولا تشكـي الاثقـال متنينـي الا مـن الثقـل ثقـل مـا تحملتـه .......................الحاجة الـي علـى مثلـك تودينـي النـذل لـو ان جـدي جـد عايلتـه ......................عن حاجتي له رفيع العرش مغنينـي برق على ديرة الانـذال مـا خلتـه .......................لويثمر ورود واعشـاب ورياحينـي |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
الغالي مزيد المزيد
والغالي رابح الغضيان والغالي نافع الجديد ياهلا فيكم ونتشرف بلمساااتكم واختياراتكم لشعرائنا المميزين ...................... . . لمسة من أحساس المبدع والشاعر القدير احمد العريفي مابقي بالعمر شيٍٍ له احــــــــن=غير ذكر الله ودعـوات الـقــنــــوت لايضيع العـمـر في فـن ولـحـن=دام عـندك وقت ترجع للـثـبـــــوت اغنم ايامك قبل لبس الكــفـــــن=العمر لحـظه وما اسرع ماتفــــوت رزقك المكتوب لو كان بـعــدن=ماترده عـنك اهالي حضرمـــــوت اشهد ان المال في الغربه وطن=واشهد ان الفقر غربه في البيـــوت |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
لمسة من احساس الشاعرة القديرة
بنت راشد خادم البيتين ياصقـر العروبـة = أنت غالـي والوطن والله غالي مبايعينك نوبـة وألفيـن نوبـه = وانت رمز العز والأب المثالي وشعبك العزيز عزك و أعتزوا بـه = غير لآل سعود والله ما يوالي ماعليهم من غريـر غرروا بـه = وغاب عقله يوم سلم للضلالـي خيشـوه وبخششـوه ولعبوا بـه = ويحسب أنه قايد يـا هملالـي |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
الله يعطيك العافية يابو غانم وموضوع رااااااااااااااائع وراقي برقي صاحبه
ولي عوووده للمشاركه باذنه تعالى |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
ياهلا فيك اخوي سالم وبإنتظار عودتك
................................... . . لمسة من شاعر جميل ومميز سلامة الجعفري امس يوم الشمس ماباقي سوى مثقال ذره = والظلام اللي ثواني هجمته قرب عددها كنت اناظر للغروب استتبع النور لمقره = لين مليت انتظار الليل والنفس بجهدها اثر شمس الناس غابت والظلام اقفى بسره = واثر هذا النور شمس ثانيه عمت بلدها اقبلت كن الثرى يشتمها ساعة تمره = كل ما تاطى حصاه تقول الاخرى ياسعدها والنحل يرقص على عطر بممشاها تذره = عاف يشموم الزهر وانساق مع بلسم جسدها |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
وهنا لمسة من المبدع حمد الخمعلي رح اسئل النوم قلـه ليـه ماجانـي ...............لاتنشد اللي فقد نومـه مـن اسبابـك ايعلمـك يالغضـي إنـه تحـدانـي .................ولا انت جاهل بحلمٍ يالغضي جابـك حلم الليالي علـى شاطيـك ودانـي .................ياليت ماصابنـي ياصاحبـي صابـك من شان تدري وتعرف كم أنا عانـي ...................من جرحك اللي طوا حالي وغنابـك شفني جريحك قتيلـك ليـه تنسانـي .............فزيت من نومي الصوتك على حسابك |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
رسمت لوحة من ابداع الشاعر و عازف الربابه / موسى المشعان ..
. . يالله تصبرني عقب شمعة البيت ..................... غابت وخلتني ، وحيدٍ وراها من عقبها صارت حياتي تناهيت .................... يالله طلبتك .. مايطول بطاها تطري عليه كل مااصبحت وامسيت ................... الجادل اللي ماتغـث اقصراها عز الله اني مستريح ٍ الياقفيت .............. من كـثر ماني .. واثقٍ من وفاها دايم من اللهفه تضايق اليابطيت ................. تعطي حنان ، ولاتمـن بعطاها |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
للرائع / محمد العاند,,, قالوا حراميـة قصيـدك مشاهيـر قلت البحر ياما غدت لـه سحابـه الى كتبته فـي زمـان الطباشيـر مازالـت الساحـه تحلـل جوابـه من مدرسة شعري تخرج طوابيـر وانا الاديب الـي زمانـه غدابـه لو الحقيقـه تنكشـف للجماهيـر قالـوا غريبـه يازمـان الغرابـه كيف الاديب الي حروفه مساميـر شعره غدى بلسان غيـره ربابـه |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
الله الله يابو غانم
وموضوع جداً رااااااااائع أما أنا استاذي فأحفظ بيت لك لازال يدندن براسي لجماله وهو البيت الذي تقول به : عمر المهايط مابنى مجد امه=وعمر الانا ماوصلت بالمدى بعيد |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
فيه كذلك بيت لسعد النفج
يقول فيه : فارد يدي مجنونه تلك القصيده سأبحث عنها واعود بها بحوله تعالى فعلني اظفر بها سريعاً فهي تستحق ان توضع ها هنا |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
هذه الكيبوردية الرائعه
ياجرح مالك صالح بخوتك لي = ليا متى و انا بوصلك أعاني ارفق على اللي حي ماعاده بحي=حتى و لو نبض الأمل بالمحاني جيتك رهين احزاني و طالبك شي=تطلق سراحي يا معقد لساني أو خلني أعيش بافراحي شوي=حتى لو تخليني اضحك ثواني ان قلت لك لا ترجع اتركني وعي=ما هو مهم اعيش بلواي ثاني سعد النفج |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
يا شباب
قصيدت ابو سيف مجاراته لسليمان المانع قال فيها المشكله لا صرت بين اختيارين مستقبلك ولا حبيبن توده بيتن لبن مانع حفظته من سنين من كثر ماجتني مواقف واعده ياليت تكملونها اللي يعرفها يكملها مني بحافظها |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
حياااااك ربي اخوي جايز تشرفنا بإظافتك ولمستك الراقية للشاعر الرائع سعد النفج ................. ............. الغالي فهد السلقاوي حياااك الله وهذه لمسة من ابداع ابو سيف (الشاعروالاستاذ هندي المقبل) لتزيد هذه اللوحة جمالاً ........... ........................ . . (المشكله ياصرت بين أختيارين = مستقبلك وإلا حبيب ٍتوده) بيتاً لبن مانع حفظته من أسنين = من كثر ماجتني مواقف وأعده المشكله ياصرت مابين نارين = شخصٍ جفاك وقلبك الي يوده ما أنته مخير بين واحد من أثنين = تجزم على واحد والآخر تهده لو كان ما أخترته يبي يجلب البين = لابد ماتنساه لو بعد مده السيف القادم |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
لمسة بإحساس شاعرتنا المميزة
أميرة الحرف لاتهد قمة طموحي وتقفل ابوابك= وانا على انغام صوتك برمجة بابي تعال فج الضلوع وصدري بنابك=بدفنك في داخلي واقرب من اقرابي وان جاني بيوم يدور حق طلابك=بقول هذي بقايا الدم بثيابي واكشق مكان الجروح اللي من اسبابك= واقول مر وجرحني وفارق ترابي وحظٍ تنومس على آخر وقتي وجابك=عساه يقدر يهزك تكره غيابي |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
لمسة باحساس شاعرنا القدير مشاري بن فالح : الهجر غيّر من ملامح وصوفي ............... ويجف دمعي لو حضرت وتباكيت : دام انت حبري والورق هو نزوفي .............. اسمك ترى منقوش ماعادله بيت : والوقت ياذا الوقت كان امخلوفي .................. ماكان قطّع نبرتي بالتناهيت : الله يعين ان جيت خالي كفوفي ............. أخاف اموت وتوّك اليوم ماجيت : : |
رد: **لــــــــوحــــــــة ويـــــــــــلااااااان الـــشــــــعــــــريــــــــــــــ
لمسة من ابداع الشاعر القدير عبدالله عشوي الادمي كومه وحساس وعزوم=والخلق ماتفزع لشخص تضايق صار الوفى بين المخاليق معدوم=والمال ماخلى ثمن للوثايق ان كثر مالك صرت مثل اكلثوم=يسمع لها من كان للفن رايق وان قل مالك صرت انسان معدوم=اقرب بشر ماعد هو لك بطايق |
| الساعة الآن (01:50 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه