السلام عليكم ورحمة الله وبركاته


في 8/6/1431ه
23/5/2010م
يوم السبت
تم افتتاح هذه الصفحه



فنتظروني ايها الاحبه
.
.
.
.
.
.
.
.
.
هنااااا

يابنت لو تدرين وش كثر انا اغليك=ماتصدقين اللي حروفي تقوله
انتي ملكتيني وانا اسر ليديك=ماعاد لي بالكون عرضه وطوله
دامك معي يكفيني اني احاكيك=لو كان شوفك مايجي بالسهوله
كلي فدا عمرك عسى الله يخليك=الله لايحرم خفوقي ميوله

اشوفك اليوم مانت الصاحب الاوّل=تزعل وراضيك وترد الزعل ثااني
ياصاحبي والله اني فيك متهوّل=اجيك كلي وعوّد منك بحزااني
مدري وش اللي مغير حالك الاوّل=دخيلك القلب رده كان تنسااني

ماودي تناظر عيوني تشوفك=تشوف منزالك ويكثر تغليك

ياهلابك ياهلا=ياهلا باللي لفا
إيه ارحب بك غلا=يامطول بالجفا
كل همٍ بي جلا=بعد جيتي ياوفا
مرحبابك مسهلا=مسهلا باللي لفا

بعطيك من هوجاس صدري علومي=وسقيك من كاس الغلا نهر عشااق
ضاقت على جسمي وساع الهدومي=ماعاد اطيق اللي يسمونه افرااق
تلفحني العجاا وحر السمومي=وهوجاس صدري محرقٍ حالي احرااق
يمرني طاريك مثل اللحلومي=وافز لامريت واقف على سااق
ودورك ولقاك حاري قدومي=ومشي على شانك لو الدرب عوااق
يقودني سلك الغرام العزومي=وجيك حامل قلب عاشق ومشتااق
حبلة قلبي بالهوا مايحومي=مستيسره لامن دعيته لك انسااق

ماعوا00أيوب من رغد عيش وطيب فااال=والله إنه مونسٍ شي يومنه عواا
ماتحدر للسهل من على رووس الجبااال=غير عنده طااري المووت والعيشه سواا

ياغاليه وشبك مع الوقت تقسين=ونا بطول الوقت لرضااك سااعي
مادام مسكانك من العين للعين=حبل الوصل لايصير فيه انقطااعي
مدري؟ تسمعتي لهرج العذولين=ولا دعاك لهجر الاحباب دااعي

عذرك معي في كل الايام مشغول=صابر ولا أنتي شايفه كل صبري
يعني يبي يصير عذرك على طول=ولا تحرى كسرتي ونت جبري
خوفي من الواالي وشوفي لنا حلول=مل الورق من كثر دمعات حبري

ابطيت عني يالغلا بالمراسيل=ونا تحرا كل ليله رساله
قلبي عطش ونتي بقربك له السيل=ووصالك زهور الحيا بكتماله
وبعدك جفاف وعج ليل وغرابيل=غصنٍ ذبل والحر قصر ظلاله

وينك ترا طول غيابك ونا بيك=والنار بضلوعه تزايد وقدها
ماترحم اللي طامعٍ فيك شاريك=ونت لحياته0 ياحياته سعدها
لاتحسبني مع بطا الوقت ناسيك=مانساك إلا الروح تفقد جسدها

ياليتني لابغيت ألقاك يالغالي=ماروح للمنتدى وقرى كتاباتك
إليابغيتك لقيتك دايم اقبالي=وقرا بعيونك غلاي وخجل بسماتك
مير البلا بعدك اللي ذابلٍ حالي=مقدر اجيلك ولا سويبك اسواتك

ايوالله ابطيتي ونا جالس انطرك=وخايف غيابك ياغلايه يطوّل
ياملهمتني إيه أنا اليوم شاعرك=وفرض عليك اليوم حضر التجوّل

مانمت لا مانمت للحين صااحي=اسئل عيوني وش بلا النوم عنها
النوم سلطان القلوب الريااحي=ماهو لعينٍ دمعها جف منها
اقرا عيوني بالغلا ونت وااحي=نبض الخفوق اللي من اجلك رهنها
اللي صفالك ياغزال البرااحي=وكتب لك حروف الغرام وحضنها

آآ وآجرحي اللي للملا ماتبيّن=ينشدوني وقول بخير ياناس طيّب
هم قلبي تراكم واجحد اقول هيّن=زاح قلبي وخلاني شبابٍ مشيّب
والسبايب غرامك ياعقيد المزيّن=عمّة في بحر حبك والهوا مايعيّب
ياغريمي وروح الروح قاسي وليّن=ياصغيرٍ كبير ويابعيدٍ قريّب
أسهر الليل وعيوني عن النوم عيّن=وارجي الواحي اللي للرجا مايخيّب

تزلزلت ويلان بيه ونا حي=والخافي اكبر من نهار القيامه
أحسبت عقلي لي وثره ماهو لي=من البدايه والنهايه ندامه
حبي لها مثل العطش يطلب المي=باقصى خفوقي حط جرح وعلامه
عاهدتها عهد النقا وخلفت هي=وحطة على صدر الفراق ابتسامه
داخل خفوقي تحترق شمعة الضي=عزاي في قلبي يزيد انهزامه
قالت وداع وقلت؟لا؟لا؟ماهي هي=اكيد عقلي صايرٍ بنقسامه
من بعدها باقي حياتي ولاشي=صار الحزن عندي كما الابتسامه
يالله لعّل الزرع ينبت من الري=ويبين نوري بعد خيّم ظلامه
ياليت شوف الحي يقرب من الحي=هذا مثل ورجوا من الله تماامه
قدام روحي تنطوي باللحد طي=وتاقف على راس النصيبه حمامه

طاااااال إنتظاااااري



وسأظل أنتظر




حتى قدووومك

جيتك ونا كلي ظما ونت نهري=ابا ارتشف قرطوع وابل ريقي
يمكن يطفي نار شوقي وجمري=وروق من نار المواجع وفيقي
وياللأسف كسرتني ونت جبري=ونا احسبني لاضميت أنت ريقي
وعوت من دونك ونا قول تدري=يمكن ليامن شاف زولي يضيقي

مشتاق لك شوق العروق الظاميه=ذبل شجرها من ظماها ونكسر
في لاهب الكنه وشمسه حاميه=والجو حره نازلٍ تحت الصفر
ونا جروحي يابتيّل داميه=والشوق ياخذني معك شبر شبر
بذرة غلاتك في خفوقي ناميه=بين الحنايا نبتها كله زهر
انتي بعيني ياغلاتي ساميه=غلاك وصفه غير عن كل البشر

لاعاد تطرين الغياب وتقولين=اغيب لي يومين لاكن بعوّد
ياما انتظرتك قبل هذي زمانين=قلبي على كثرة وعودك تعوّد
أجاملك وسكت ونا ذايق البين=اليامتى ونا كذا يامعوّد
لاكن ابيك تجين حتى تشوفين=الجرح شيب ياغلا لين عوّد

رسمتك للأمل بسمه على وجه الصبااح وغبت=ونا من غبت جرح الوقت بغياابك مغيبني
رميت ارماح هجرك في حشاايه ياغلاي وصبت=ونا مقدر اقاوم رمح هجرك ونت صايبني
أنا اللي يوم شلتك في حشاايه للملا ماهبت=حفظتك في خفوقي مير ضني فيك خيبني

مسحت رقمي من جهازك وصديت=وذبحتني في رمح جساس لكليب
وتركتني ونا لك اخلصت ووفيت=في مهمهن مافيه غير الواهيب

لاتقسم افراحي ونا كلي احزان=ارجوك جمعها لقلبٍ فقدها
خله يعرف انه مع العالم انسان=يعيش وقته سالمٍ من نكدها
مرة عليه اشهور وسنين وزمان=ماذاق فرحات الليال وسعدها
دايم له الاحزان مبدا وعنوان=ياما ملكت به قوته وستندها
عجزة اقام قسوة الوقت يافلان=باس الزمن ركز ليه عمدها
حتى المنام اللي تمنته الاعيان=شح النعاس بليلته مارقدها
ابطيت مع جرات الآهات بلحان=شعرٍ يحللها وهي في عقدها
استرسل الافكار وعد الاغصان=وقطف من الاوراق وحفظ عددها
وبني مع الايام واحط نيشان=ورمي ولا يلحق هوايه سددها
منين ماوجهتها جات نقصان=ون جيت اناديها تجيني وحدها

اليوم جو الحسا يغري=مير السفر حانة اوقاته
الصبح صاحين من بدري=والكل جهز معداته
الطايره وقتها محري=والحجز مدفوع شيكاته
ونا تحرا على الجمري=والعلم ماجاني ثباته
العلم محدٍ عنه يدري=والغيم غطى سماواته
لو رحت مع صاحبي عبري=الليل يازين مسراته

عساني فدوة دموعك فدا لعيونك الثنتين=وانا لو مافديتك في عيوني ويش ابي00فيها
ياعمري والعمر يرخص من أجلك ونت نور العين=يا أغلى من سكن بالقلب والدنيا وما00فيها
انا توي لقيت اللي يصون الحب للقلبين=ونا توي لقيت اللي جروح القلب يش00فيها
انا لك ونت ليه دربنا وناحد ماهو بثنين=يامشعل نار قلبي في غراامه يامطــ00فيها
نصيبي جابني لك وسكن بقلبي يانور العين=عسى يفداك كل الخلق والدنياوما00فيها

غبتي ولا ادري وش سبايب غيابك=والنار تحرق خافقي وانت لااهي
ماترحم اللي عن بناته شقابك=ونته ولا همك مع الوقت سااهي

يا......القلب من بعدك تكوّا=كن في وسطه براكين وزلازل
من جروح الوقت وغيابك تشوّا=صرت له عن غيرك من البيض عازل
انت حبك يالغلا فيني تحوّا=امتلكتي شاعرك ملك المنازل
لو بغيت اوصفه وصفي تلوّا=درةٍ عن غيرها بالزين جازل
ان وقف كنه على الغيد ايتقوّا=ون جلس كن اللذي حوله هوازل
ون ضحك بدّل لك الاحزن سلوّا=لو يشوفه راعي الحق يتنازل
ون مشا كن الخطا بالمشي تلوّا=كنها سراق في ممشاه نازل

ياليت تعطيني ربع ماعطيتك=اقل حاجه أطمئن بغلايه
غيرك فلاوالله ترا مر بيتك=انت الوحيد اللي خذاا من وفايه
لاكن ترايه ياغلايه لقيتك=عرفت مضمونك وكل الحكايه

مايجرح القلب ويعلك ويبحث خفاك=إلا كلامٍ يردد عنك ونته بري
لاجات من واحد تعده حزامك ذراك=عزالله إنها تبي تبرا ضميرك بري

إن كان جيتي لك خفوقي يهلي=ون كان رحتي قلت اشوفك على خير
ماني مدور غيرك احدٍ يسلي=بقصر عن الخفرات كل المشاوير
بداوي جروحي بروحي وهلي=دمعي على فرقاك وانادي الطير
يوصلك مني سلامٍ مجلي=مخصصٍ لك عن جميع الغنادير
يقول لك بعدك وش اللي حصلي=يعطيك موجز عن حياتي بتقرير

العمر مثل الزهر والحب سريانه=يسقيه أعذب زلالٍ صافيٍ نبعه
تشرب عروقه وتصبح منه رويانه=تزهي بطبع العشيق اللي على طبعه

ابقى جبل ماهزني قوة الريح=ماني غصن لاهبت الريح مالي
وبقى بحر تكره لقااه السوابيح=وبقى صقر مرقاه فوق المعالي
ويبقى براسي طيب مع هبت الريح=وصدري على زلة رفيقي شمالي
ونا سلالة متعب الفطر الفيح=رمز النباله والعلوم الجزالي

اظلم ولاتسامح ونا مادعـي عليـك=بضحك وشيل الجرح وتحمل خطاك
لأن الطعون اللي تجيني من يديـك=لها طعم ثاني يـزود فـي غـلاك
يالذ طعناتـك علـى قلـبٍ يبيـك=يعشق طعونك مثل مايكـره بـلاك
ومن فوق هذا لو تجيلـه يحتويـك=ينسى الطعون اللي توديـه الهـلاك
ماهو عديم احساس لاكن مانسيـك=يدمح لك الطعنات ويدور رضـاك
مامل من حبك لأنـك لـه شريـك=غيرك كثير من البشرك لاكن شراك

كنت أحسبنك اول معايديني=عن اتصالك قلت ترسل رساله
وقمت اترقب قلت يمكن يجيني=ولبست ثوب العيد ودي وصاله
لو يدري انه ثالث لوالديني=ماجابني يمه يجيبه لحاله

بالله قلي لامنتى ونا تحرا جيتك=لانته موادعني ولانته ياهوا قلبي قريب

لولا غلاك وحشمتك ياحيااتي0000=ماكان تلقاني معك طول الايام000
تغيب ولياغبت يبدا شتاتي0000=وبدأ أضمد جرحي اللي من اعوام000
ولا جيتني تحققت امنياتي0000=تحققت بمواجهك كل الاحلام000
ماتدري انك ياعيوني غناتي0000=انك ملكت القلب والقلب بك هام000
ظفي على باقي جروحي عباتي0000=لاينفضح جرحٍ مخفى من العام000

غلاك لو جيت اعبرله بقيفاني=تلعثم الحرف دون اللي أباقوله
لأن الغلا أكبر من اللي ينطق لسااني=وظلمك بالحرف لا؟ماهي بمعقوله