محمد الحداري الحربي يمدح عنزة ( فيديو )
هذه القصيدة قالها شاعر قبيلة حرب الشاعر الكبير محمد بن شبيب الحداري الحربي يمدح بها قبيلة عنزة . وقد قالها قبل اكثر من 50 عام والقاها امام الشاعر والراوي / خلف الغريب ( ابو خالد ) حفظه الله . كما لايفوتني ان اشكر الشاعر محمد الحداري الحربي واطلب من الله ان يمد في عمرهـ على الطاعة
يـا راكـب اللـي ربعـت بالغبيـة = اربع سنين معشبـة تقنـي الحـال يا ما الاباهـر كـرب الجلـد نيـه = وحدر الدفاين صار له حقف وظلال وترا الشحم دايـم يعثـر المطيـة = ادرا عليها عن بعض مشي الاسبال امـا هـدد والاطـوت مـن يديـه = لياما بعيد الدرب ينقص من الحـال ولا هـي عسيـف توهـا عيهليـة = حال عليهـا فرغـت قدمهـا حـال هي منوة اللي ضارب صـوب نيـة = شف الهوى ماضي لها جلس وحيال تلفي لريف الضيف واهـل اليديـة = حماية التالـي وماضيـن الافعـال تلفـي للايـدا راعـي الشاذلـيـة = اللي مناخه لاهـل الهجـن مدهـال وان قطب الدخـان فـي كـل هيـة = يشدا ربـان بـه هماليـل وخيـال زبن الحصان ومـن جـواده رديـة = في حـزة مـا فيـه منـع وعـذال ترعى به القطعـان مـع كـل نيـة = وكم من عقيد جـا يبيهـا ولا نـال تلفي محمـد شـوق جثـل اللويـة = اللي لضيفه يرهن الـروح والمـال يا ريف من تقصر عن المـا دليـه = ويا ريف اهل هجن من البعد قفـال يقعـد العانـي بنـفـس رضـيـة = شيخ الشيوخ ووافي كـل الاكمـال والا لبـن هـزاع زبـن الونـيـة = مروي المصقل فوق شهبات الاذيال اهل الصخى واهل الوجيه الفضيـه = وعقبان نجد اللي على ماض الاجيال ونعم لابـن مجـلاد ونعـم لحيـه = سواقـة العطفـة وحمايـة الـذال يا ما ارملوا من عين بنت غضيـة = خلوا محاجرها على الشوق همـال سعـران وقـت الديـن والجاهليـة = مثل الحيا تنجع له النالـس حـوال اللي عطى من حـر مالـه حذيـة = عوص النجايب موصلات عن اللال ويا ما عـزل مـن عاقـر اجنبيـة = بالسيف تاتي واشقر الـدم شـلال ومثـل المهـادي صابـر بالخفيـة = يرفا لجاره صيفـة العـش بظـلال اودع لـه الدنيـا رخيـص غليـه = ويرفا خماله لو بدا فيـه مـا قـال وابـن مهيـد مـعـزب الآهلـيـة = اللي يصوت بالعشـا وابـن هـذال يا ريـف ضيفـه بالقـرا والتحيـة = قولة هلا يا مرحبـا مالهـا ابـدال شوق الهنوف اللـي تـردع شفيـه = اللـي نهـوده قعـد تقـل فنجـال وخيال وضح فـي فيـاض عذيـة = وليا مشت وسط الدبش تعجب البال ومن مثل ابن شعلان جزل العطيـة = يا ريف هجن للمسا عقـب مقيـال بيته محل الضيـف والا قعديـة = ويقلط الترحيب فـي سهلـة البـال وعقيـد عيـرات تبـوج الـدويـة = ويثني بيـوم فيـه عـدل وميـال يثني ليا ذهل الخوي عـن خويـه = وليا غدا الصابـور مشيـه تعـزال ونعم العواجي يـا عقيـد السريـة = وعقيد قـوم تـدرق فيـه الانـذال يفـوز بالرجلـي وراع المطـيـة = ولا حـط دون البـن قفـل وكيـال ونعم بكم يـا عنـوز بالذكـر ليـه = يا عنوز مانتم للردى بيت مدخـال ولا اسبكـم والله رقـيـب علـيـه = النور في وجه الفتـى سـرج دلال تمت وصلـى العبـد علـى نبيـه = وصلوا على المبعوث عاقل وجهـال وهنا رابط القصيدة فيديو بالصوت والصورة للشاعر وبجوارة الشاعر والراوي الكبير / خلف الغريب لتحميل المقطع اضغط على الرابط ادناه ثم الرجاء الانتظار حتى ينتهي من العد التنازلي ويظهر وصلة التحميل كل ما عليك الضغط عليها( ملاحظة حجم الملف 24 ميقا) منقوووووووول |
رد: محمد الحداري الحربي يمدح عنزة ( فيديو )
لاهنت يالجعفري
والله يبيض وجهك على النقل صح لسان الحداري وعنزه تستاهل المدح تقديري |
رد: محمد الحداري الحربي يمدح عنزة ( فيديو )
لاهنت يالجعفري على هذا النقل المتميز والاختيارات الرائعه بالفعل
شكرا لك اخي سليمان وبارك الله فيك اينما وجدت |
رد: محمد الحداري الحربي يمدح عنزة ( فيديو )
سعوط المجانين
شكراً لمرورك العطر الله يعطيك الف عافيه ووجهك ابيض لاهنت لك تحياتي واحترامي |
رد: محمد الحداري الحربي يمدح عنزة ( فيديو )
سليمان الجعفري
لاهنت على النقل المميز جهود رائعه تشكر عليها دائما مواضيعك مميزه صح لسانك والسان الحداري وعنزه تستاهل المدح لك الاحترام والتقدير |
رد: محمد الحداري الحربي يمدح عنزة ( فيديو )
وأبـن مـهـيـد مـعـزب الاهـلـيـه الـلـي يـصـوت بـالعـشـى وأبـن هـذال
مــــاعــــلــــيـــــك زود يــــالــــحـــربــــي ،، عسى الله يعطيه الصحه والعافيه ويخليه لعينا ترجيه ، ، مشكوووووور أخوي سليمان على المشاركه الاكثر من رائعه وننتظر منك الكثير يابن وايل |
رد: محمد الحداري الحربي يمدح عنزة ( فيديو )
كل الشكر لك يابوعادل
الله يعطيك العافيه على نقل هذا القصيده الجميله |
اقتباس:
. . الله عليييييييييك ياخوي سليمان الجعفري لا تأتي الا بالجزالة والنعم والله في بني وائل ماعليه الزود الحربي عسى ربي يمد في عمره ويعطيه الصحة والعافية لاعدمناكم تقديري هيــــااااا |
رد: محمد الحداري الحربي يمدح عنزة ( فيديو )
الاخ سليمان الجعفري شكرا على هذا الاختيار الطيب
ونعم بكم يـا عنـوز بالذكـر ليـه = يا عنوز مانتم للردى بيت مدخـال |
رد: محمد الحداري الحربي يمدح عنزة ( فيديو )
اقتباس:
ابوغرام شكراً جزيل على المرور الطيب والاطراء الرائع الله يعطيك الف عافيه لاهنت يالقرم لك اجمل التحايا والاحترام |
رد: محمد الحداري الحربي يمدح عنزة ( فيديو )
اقتباس:
شاعرنا الكبير / نافع عيد الجديد مرورك اسعدني كثيراً اشكرك على الاطراء الرائع انت من اثرى المنتدى في مواضيعك وقصايدك الاكثر من رائعه الله يعطيك الف عافيه لك تحياتي واجمل احترامي |
رد: محمد الحداري الحربي يمدح عنزة ( فيديو )
اقتباس:
ابن شغف الخدلي مرورك اسعدني كثيراً الله يعطيك الف عافيه اشكراً لك على الاطراء الرائع لاهنت يالذيب لك اجمل تحياتا الاحترامي |
رد: محمد الحداري الحربي يمدح عنزة ( فيديو )
اقتباس:
هندي المقبل مرورك اسعدني جداً يأبن العم الله يعطيك الف عافيه لاهنت لك اجمل التحايا والاحترام |
رد: محمد الحداري الحربي يمدح عنزة ( فيديو )
اقتباس:
الاخت الفاضله والكاتبه القديره هياا العازمي تحيه طيبه لك تفوح بريح المسك والعود والكادي اشكرك على المرور والاطراء الرائع من كاتبه قديره ورائعه بماتعنيه الكلمه انتي من اثرى المنتدى في كتاباتك الاكثر من رائعه لك تحياتي واحترامي |
رد: محمد الحداري الحربي يمدح عنزة ( فيديو )
صح السانك والسان شاعرها
سلمت على النقل تحياتي |
رد: محمد الحداري الحربي يمدح عنزة ( فيديو )
اقتباس:
محمد الدلماني مرورك اسعدني كثيراً اشكرك على الاطراء الرائع انت من اثرى المنتدى في مواضيعك الاكثر من رائعه الله يعطيك الف عافيه لك تحياتي واجمل احترامي |
رد: محمد الحداري الحربي يمدح عنزة ( فيديو )
اقتباس:
صقرالصقور مرورك اسعدني كثيراً لاهنت انت من اثرى المنتدى في مواضيعك الاكثر من رائعه الله يعطيك الف عافيه لك تحياتي واجمل احترامي |
الساعة الآن (03:24 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه