البدوي والحضــــريــه...!!!
السلام عليكم ورحمة الله وبركاته
عندي قصيده منقوله وودي اني اسمعكم هالقصيده وقصتهاا باختصار : انه في بنت حظريه رايحه للبر مع السايق ( دريول ) وضيع السايق دربه وهي عصبت عليه وهاوشته ( اشوى انها مو بدويه والا كان طاقته ومكمخته ) ولقت لها بدوي وهي طبعاا كاشفه وجهها واسالته عن طريقهاا اللي تبيه ودلهاا على طريقهاا اخو النشامى ماقصر عز الله وهذي هي القصيده ,,, ( قصيده بين بدوي وحضريه ) الـــــــحـــــــضـــــــريــــــــه: قلنا سلام الله يا راعي الرعيه ** وين الطريق اللي تودي للبلـد معنا غشيم ما عرف قيمة خويه ** ضيعه بقفار مـا فيهـا أحـد الـــــــــــــــبـــــــــــــــدوي: يا هلا ويا مرحبا بالنرجسيـه ** أقلطـي فالـدار دارك والولـد ذيك خيمتنا ولا أنتي بالخليه ** ولك أمان الله فـي يـوم الأحـد الـــــــحـــــــضـــــــريــــــــه: ما لنا مجلاس يا رجل الحميه ** مثلنـا لا غـاب لحظـه يفتقـد غير ذالهندي عساه اليوم حيه ** لا عرف درب ولا هو اللي نشد الـــــــــــــــبـــــــــــــــدوي: إن جلستوا مرحبا ضيوف عليه ** وإن تعذرتوا معك طير السعد ما يجوز الغصب لك وأنتي بنيه ** لاكن العوده ولازم من وعـد الـــــــحـــــــضـــــــريــــــــه: إن عطاني الله عمر ولي بقيه ** لازم أرجع مع هلي لك يوم غد وإن تفارقنا تذكرك المطيه ** وجعل يخلفنا علـى ديـارك رعـد الـــــــــــــــبـــــــــــــــدوي: ليتني هندي معك يا الغشمريه ** وإن ذا الهندي في المفلا قعـد ليتني وياك نرعى بالرعيه ** أو ليت قلبي خبل لا رحتـي هجـد الـــــــحـــــــضـــــــريــــــــه: الله يخليك ما ني ببدويه ** مـا نقصنـي يـا ولـد هـم ونكـد دلنا على الخط دام الشمس حيه ** لا دنانا الليل ذالهنـدي رقـد الـــــــــــــــبـــــــــــــــدوي: ذاك دربك من ورا ذيك الحويه ** وأستري وجهك ولا تبديه أبد وأن بغيتي تحطبي مالك لويه ** أجعلي بيديك حبـل مـن مسـد |
مشكور اخوي على هذي القصه الراااااااااااااااااائعه
|
محمد الدلماني
مشكور على هذا المحاوره الرائعه بين الباديه والحاضره |
هلا اخوي الوايلي وشكرا لمرورك
|
هلا اخوي فهد وشاكرلك مرورك
|
يعطيك العافية ......... ابو حميد
لكن في البيت الأخير ....... ما فهمته ...... واذا تكرمت في تفسيرة وأن بغيتي تحطبي مالك لويه ** أجعلي بيديك حبـل مـن مسـد الي اعرفة ....... ان هذا البيت مقتبس من ايه قرآنية ........ حيث توعد الله سبحانة ..... امرآت ابا لهب ..... لكن السؤال هنا هل يقصد لها الوعيد او انه مدح ؟ ....... ارجو التوضيح هذا ........... ودمتم سالمين |
الله يعطيك العافيه على المحاوره الجميله
وانت صادق لوانهامن بناتنا كان مكمخته وتحياتي لكم |
محمد الدلماني الله يعطيك العافيه
موضوع شيق ورائع |
اخوي عبدالله المانع اسعدني مرورك الكريم
|
هلا اخوي عبدالله البذيلي
شكرا لمرورك الكريم |
اهلا بالحكومه وحياك الله
واسعدني مرورك وبالنسبه للبيت الاخير اعتقد انه يحذرها من شيء او يقدم النصيحه |
رد: البدوي والحضــــريــه...!!!
قصيده اكثر من رائعه
تقبل مروري |
الساعة الآن (08:50 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه