ماهقيـت إن الحميّـا تالـي الدنـيـا تـمـوت = لين شفت اعيال وايل مـع بـدون اهـل الكويـت
تحت "منشيـت " ( البـدون ) الله ولاذل السكـوت = ماتـنـام العـيـن والله ماتـهـنـا بالمـبـيـت
ويش عذر الحاكم اللـي منتسـب واهـل البشـوت = لا وكلا ماانت منـا .. لـو زعلـت ولـو رضيـت
العزاوي اكبـر مـن الهـرج وتصفيـف البيـوت = ويش عذرك ( يا السعودي والصباحي لاانتخيت ) !؟
في زمان العدل .. ويـن العـدل ياكبـار البخـوت = انتم اهل الصدق .. لولا الصدق مابعـت وشريـت
مجلس الأمـه يسـوم المعضلـه بالفيـن صـوت = ضاعوا عيال الحمايـل مـن ورا يمكـن وليـت !؟
فـي يديـن الحاشيـه صرنـا تقـل لعبـة بلـوت = وانكشف كل الورق والحكم مـع بنـت السبيـت !؟
لـو نجيكـم ردنـا مـن دونكـم جـلاب حــوت = ماعـرف قـدر الرجـال ولادرى عـن مـادريـت
مانجـي للمـال لا والله عـلـى هــذي ثـبـوت = المعـزّه والشـرف للوايـلـي عـامـود بـيـت
سلمنـا فـوق السلـوم وطيبنـا لضيـف قــوت = إنشـد التاريـخ عنّـا يخبـرك بالـلـي نسـيـت
جابنـا نـخـوة إمــام ولاتــروح ولاتـفـوت = مـن دعانـا جابنـا صوتـه وجيـنـا كمبلـيـت
عطّـر التاريـخ دم جدودنـا بـذيـك الخـبـوت = كلهـا مـن شانكـم ليـن استوينـا واستـويـت
وتالـي الايـام صرنـا بالبطـايـق والـكـروت = واعوج الدخـان يشنانـا علـى شـي ن مقيـت ؟
أدعـي الله فالـركـوع وفالسـجـود وفالقـنـوت = يكشف الغمّه وانـا مـن زيـف هالدنيـا اكتفيـت
خبـروا اهـل القصـور وخبـروا اهـل اليخـوت = ماتـنـام العـيـن والله ماتـهـنـا بالمـبـيـت

================================================== =======================

ناصر الايداء




اين كنت يارجل



اقسم بالله انك صادق


لكن لمن نشتكي واين نتوجه





صح قلبك ملاييييييين ولايكفون

محمد الدلماني
اسعدني مرورك العذب .. ولاشكر على واجب البدون من عنزه في الكويت والسعوديه اعيال عمي وعزوتي وحقهم علي كبير وهذا غيض من فيض .. أكن لهم في قلبي الشي الكثير والكثير وباذن الله تزين امورهم .. صح بدنك يامحمد ولاهنت على الحضور وبالنسبه للابيات انا اتحمل مسئولية كل حرف فيها والمنتدى وادارته مالهم اي علاقه .. حبيت اوضح هالشي لكل زائر وقارئ للموضوع ..

شامخ


اسعدني مرورك وكلامك محله القلب ..
انت الصح يا الشامخ وفي المكان الصح ..
لاهنت .. اشكرك

صعوط المجانين


لاهنت على الحضور المشرف ..
صحيت وصح كلك ..
مع اطيب التحايا

سعود العواجي

حضورك يعني الكثيييير ويغني عن الكثييييير ..
يكفي حضورك وحضور الاخوان هنا هو التميز بحد ذاته ..
اشكرك اولا على حضورك .. واشكرك على تثبيت الموضوع ..
لك الود حتى ترضى ..


اخوك / ناصر

QUOTE=خلف الغريب;181603]شعور راقي وحمية غير مستغربة على عيال وايل...

الف شكر لك يا ناصر على هذه المشاعر الراقية والف صح لسانك وبارك الله فيك..

لا تحرمنا جديدك يا ابن الاجواد....[/QUOTE]

خلف الغريب
حضورك المشرف لايضاهيه الا حضورك انت ..
بلاشك الحميا تمشي بالدم معنا ماهو اليوم والا امس قديمه مازلنا نتوارثها واذا راحت الحميا بينا ثق تمام الثقه انه ماراح تقوم لنا قائمه .. الحميا موجوده واللي يتركها منا مانلتفت له واللي يتمسك بها نحطها على روسنا من فوق .. هذا حق الوايليه من صيحت المنذريه الى اليوم .. صح قلبك ياخلف لاهنت على الحضور .. وابشروا بالجديد بس اخاف انزله يقفلون المنتدى :) ..

QUOTE=عبدالله الحجيلان;181691][/QUOTE]

عبدالله الحجيلان


هلابك يا البناخي اسعدني مرورك واطلالتك المشرقه ..
نشتكي لله الواحد الاحد الفرد الصمد هذا اولاً ..
وبعدين حنا حمايل يدينا ماهي قصيره ناصل راس الما ونحط النقط فوق الحروف ..
بس مازلنا نحتاج وقفه وقفه صادقه وقفة رجل واحد ..
من فضل ربي عندنا حكام ياخذون حق ويعطون حق ولا يجهلون تاريخنا المشرف .. بس الخطا منا حنا مقصرين
اشكرك على مرورك .. وصح قلبك حتى ترضى

المشاركة الأصلية كتبت بواسطة ناصر الايداء (المشاركة 181503) بسم الله الرحمن الرحيم أسعد الله أوقاتكم بكل خير .. وكل عام وانتم بصحه وسلامه .. بدون مقدمات .. ابيات اتعبر عن نفسها ماهقيـت إن الحميّـا تالـي الدنـيـا تـمـوت = لين شفت اعيال وايل مـع بـدون اهـل الكويـت تحت "منشيـت " ( البـدون ) الله ولاذل السكـوت = ماتـنـام العـيـن والله ماتـهـنـا بالمـبـيـت ويش عذر الحاكم اللـي منتسـب واهـل البشـوت = لا وكلا ماانت منـا .. لـو زعلـت ولـو رضيـت العزاوي اكبـر مـن الهـرج وتصفيـف البيـوت = ويش عذرك ( يا السعودي والصباحي لاانتخيت ) !؟ في زمان العدل .. ويـن العـدل ياكبـار البخـوت = انتم اهل الصدق .. لولا الصدق مابعـت وشريـت مجلس الأمـه يسـوم المعضلـه بالفيـن صـوت = ضاعوا عيال الحمايـل مـن ورا يمكـن وليـت !؟ فـي يديـن الحاشيـه صرنـا تقـل لعبـة بلـوت = وانكشف كل الورق والحكم مـع بنـت السبيـت !؟ لـو نجيكـم ردنـا مـن دونكـم جـلاب حــوت = ماعـرف قـدر الرجـال ولادرى عـن مـادريـت مانجـي للمـال لا والله عـلـى هــذي ثـبـوت = المعـزّه والشـرف للوايـلـي عـامـود بـيـت سلمنـا فـوق السلـوم وطيبنـا لضيـف قــوت = إنشـد التاريـخ عنّـا يخبـرك بالـلـي نسـيـت جابنـا نـخـوة إمــام ولاتــروح ولاتـفـوت = مـن دعانـا جابنـا صوتـه وجيـنـا كمبلـيـت عطّـر التاريـخ دم جدودنـا بـذيـك الخـبـوت = كلهـا مـن شانكـم ليـن استوينـا واستـويـت وتالـي الايـام صرنـا بالبطـايـق والـكـروت = واعوج الدخـان يشنانـا علـى شـي ن مقيـت ؟ أدعـي الله فالـركـوع وفالسـجـود وفالقـنـوت = يكشف الغمّه وانـا مـن زيـف هالدنيـا اكتفيـت خبـروا اهـل القصـور وخبـروا اهـل اليخـوت = ماتـنـام العـيـن والله ماتـهـنـا بالمـبـيـت مع التحيّــه للجميــــع