°~*¤®§(§ شبـــكة ويــلان العـربـيـه §)§®¤*~ˆ° - رشــيــد الــزلامـــي وفـلاح القرقــاح

- منتدى المحاوره (http://www.weelan.com/vb/forumdisplay.php?f=32)

- - رشــيــد الــزلامـــي وفـلاح القرقــاح (http://www.weelan.com/vb/showthread.php?t=10589)

رشــيــد الــزلامـــي وفـلاح القرقــاح

طاروق ساخن ومحاورة صاخبة بين أساتذة القلطة فلاح القرقاح و رشيد الزلامي......

رشيد الزلامي=
خلو لي القرقاح بن ريفة نبي نمزح عليه = المزح مع قحطان يطربني واحبه وارغبه
الله يعودك يا الزمان اللي يجوز المزح فيه = ما هو بيرفع جوخه الفارس ليا فرع ركبه
فلاح القرقاح =
قام الزلامي من حماس الله يرحم والديه = والشايب اليا قام غيرنا نظام الملعبه
ذكرتني يوم الشجاع يشال رزقه من يديه = والوقت الأول راح لكن المراجل متعبه
رشيد الزلامي=
يا ذا الكلام اللي يبيعونه وحنا نشتريه = بعض الاوادم لو عطوها السم يمكن يشربه
ياللي تلد لنجد ما في نجد شي تشتريه = ما غير عتبان ٍ تدوس الداب راسه وذنبه
فلاح القرقاح =
حنا نعد الحق يا عتيبه مثل عد الجنيه = وأنتم شعاعير وتقولون أعذب الشعر أكذبه
بالله كم كيلو متر من دون بيتك لو تبيه= نجد العذي أصبح على عتيبه وقحطان عربه
رشيد الزلامي=
والله ما فيكم قصور الله يبى من يتقيه = لكن عاندتو عتيبه والسبب من سببه
جنى عليك الشايب اللي يعتزي بامه وابيه = اللي يحاول ياخذ الدنيا على راس شنبه
فلاح القرقاح=
اسبابها زود الشجاعة والمحنك والسفيه = يدري إن عيال العود توعد و تحضر مير أنتبه
با لله فيه إنصاف يا زلامي هنا ولا ما فيه = سبحان ربن ٍ طوع اهل رهاط عند اهل تربه
رشيد الزلامي=
لا والله الا يا عيال العود بيضان الوجيه= بعد قلعنا رمسكم ما فيه شيء نطلبه
أنته تخاطب لك عتيبي ما يقوله يحتميه = نزل من الحره ونزل عودكم من منصبه
فلاح القرقاح=
بسبابنا كم واحد وقف هنا ينعى ذويه = والجزيه الجزيه ترى ما هي بحبة حبحبه
سيف ابن هادي كان في هالارض ذخر نقتنيه =عد رقبه وآعد يازلامي ثلاثين رقبه
رشيد الزلامي=
الوقت مقبل لك بخير كان تقدر تحتريه =وانته تحسب اللي لنا واللي لكم ما تحسبه
والله لو إن الامر يسمح ما تررد هيه هيه = لا روح انا وياك في اقصى ديرتك قش صلبه
فلاح القرقاح=
الكذب خله يا الزلامي للجزيره والفقيه = ولا ترى التاريخ كتبه كلها في المكتبه

--------------------------------------------------------------------------------

منقوووول