يا المور خذ خانة الخامس مـن اليمنـى=تحتر تبرد تـرى الاخـلاق خربانــــه
والله لتبـطـي وحـنـا ما تفاهمـنـا=مـا دام ميقـوع ماعقـبـت قلبـانـه
يا المور هذي ثـلاث ايـام ما نمنــــا=مكينتـك تشتغـل والعيـن سهرانـه
لاتشكي الظلم حنـا الوقـت ظالمنـا=ودليل ظلمه تراك تشـوف برهانـــــه
عـز الله انـا من الدنيـا تعلمـنـا=ًدرسٍ صعيبٍ علـى التلميـذ نسيانـه
ان اقبلت خصمنـا يقضـي لوازمنـا=صداقته تستحـل بيـوت عدوانـه
وان ادبرت شدنـا يرخي محازمنـــــا=نسقي بدلـوٍ يضيـع مـاه شقـــانـه
لو نزهم اقرب صديق ما يكلمنا=يبين وسم الغضب باطراف حجـــانه
الله يجيـب الصديـق الـي يطمنـا=ابا اسأله عـن ( غريـب ) وحـال عربانـه
لـو قصدنـا البعـد مرينـا وسلمنـا=ميـر البـلا شوفـة الديـان ديانـه

المشاركة الأصلية كتبت بواسطة صقر الصقور (المشاركة 183975) صح السان الشاعرعيد الرشيدي وانت ياخلف الغريب بيض الله وجهك على النقل المميز جهد تستحق الشكرعليه

المشاركة الأصلية كتبت بواسطة سعوط المجانين (المشاركة 184007) لاهنت ياخلف على النقل وعيد بن مربح شاعر لايختلف عليه اثنان صح لسانه ولاهان

المشاركة الأصلية كتبت بواسطة المراسل (المشاركة 184011) لا هنت ياخلف دائما تحضر النادر المفيد من الشعر شكرا لك

المشاركة الأصلية كتبت بواسطة فايز البذيلي (المشاركة 184819) اللــــــــه يبيض وجهك اخوي خلف الغريب فعلا قصيدة تعرضت للسرقو والتحريف جهودك مشكورة بجزالة لاروائنا هذه القصايد وحفظها هنا لك التقدير

المشاركة الأصلية كتبت بواسطة مصلح النشمي (المشاركة 184821) . يعطيك العافيه اخوي خلف ماقصرت يالغالي تحياتي لك

المشاركة الأصلية كتبت بواسطة صالح الجطيلي (المشاركة 185074) خلف الغريب ذائقه رائعه ولا تجيب الا الطيب وصح لسان عيد بن مربح دمت بود