°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)

- منتدى المحاوره (http://www.weelan.com/vb/forumdisplay.php?f=32)

- - تعاااال يا سعوط المجانين .. (http://www.weelan.com/vb/showthread.php?t=11653)

خلف الغريب

11/03/08 (11:02 AM)

تعاااال يا سعوط المجانين ..

تعال عندي يا سعوط المجانين= الليلة الليلة نبي نشعل القاف
مافيه فزاع ولا لك معاوين= صاير هدف معروض من ضمن الاهداف

اقرب يا سعوط المجانين جابك الله هنا ...

ابي اتناولك بمخلبي الشهير اللي انت خابر فعوله ...

سعود المسعودي

11/03/08 (09:08 PM)

رد: تعاااال يا سعوط المجانين ..

خلف الغريب
يعطيك العافيه وصح لسانك
ووننتظر سعوط المجانين
وبالتوفيق للجميع

سعوط المجانين

12/03/08 (04:07 PM)

رد: تعاااال يا سعوط المجانين ..

هلا ومرحبا ياهلا

مخلبك ؟ اجل ماكسره لك ابو فهد الله يذكره بالخير

أي والله مامن معاوين هنا لكن يبي ربك يعين

خلوووووها

الولدعي لو جاك مايتركك لين = يصبح مصيرك يالفقيري بالاسعاف
مانرجي الفزعه من طراد وحسين = وهذي عوايدنا على كل ميقاف

خلف الغريب

12/03/08 (11:45 PM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة سعوط المجانين (المشاركة 191716)

الله يسامحك اخوي سعوط المجانين ...

لا تغرك محاولات فواز الغسلان التي باءت بالفشل لكسر مخلبي ...

هذا هو بعد ضرباتي منوم بمستشفى بقعاء التخصصي بسبب صداع مزمن ..

ما همنا غسلان والا غسيلين=عاداتنا نطلع على كل مشراف
الحنظلة ما هي مثل حبة التين=وبعض العرب من ضربنا شاف ما عاف

سعوط المجانين

13/03/08 (01:58 AM)

رد: تعاااال يا سعوط المجانين ..

لا لا انا ماني مقتنع بكلامك وشلون (نطاح الديبان ) ينوّم بالمستشفى الظاهر انك مخطي وضارب ٍ لك واحد غيره

ياخلف الله ولا الظلم والاجحاف بحق ابو فهد تراه بعيني الفارس الاول على مستوى نجد

والنعم والله ياحفيد الكريمين = لكن كلامك خالطه بعض الاجحاف
عاين يسار الدرب ثم عاين يمين = وخل النظر قدام لايرجع اخلاف

خلف الغريب

13/03/08 (02:38 PM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة سعوط المجانين (المشاركة 191750)

عاد شكلي ابغي الحقك به بنفس العيادة حتى تتأكد انه هو ....

وعاد كل آفة ولها آفة وترا آفة الحديد المبرد.....

ماني من اللي يقضي الدين بالدين= يوم ان بعض الناس عايش بالاسلاف
تفرقوا عن جونا يا مساكين=قبل عصاتي تشتغل بين الاكتاف

خلف الغريب

13/03/08 (03:11 PM)

رد: تعاااال يا سعوط المجانين ..

وين الصفوف ؟؟ ماني شايف احد..

خلف الغريب

13/03/08 (03:13 PM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة صقر الصقور (المشاركة 191683)

خلف الغريب
يعطيك العافيه وصح لسانك
ووننتظر سعوط المجانين
وبالتوفيق للجميع

اهلا بمرورك اخوي صقر الصقور..

الله يعافيك وشكرا لمرورك..

سعوط المجانين

14/03/08 (04:33 PM)

رد: تعاااال يا سعوط المجانين ..

السالفه بها ضرب عصي؟

مادون اللحق الا اليدين

تنفق يمانينا لو الدخل الفين = ولايختفي فعل ٍ تقفاه الاثبات
اللحق مادونه سوى فعل اليّدين = والله لاترجع يالفقيري بالانكاف

سعوط المجانين

14/03/08 (04:34 PM)

رد: تعاااال يا سعوط المجانين ..

الحلق عفوا

شاكر لك مرورك ياصقر والله لايهينك يالذيب

,,

ماجد الغانم

14/03/08 (04:55 PM)

رد: تعاااال يا سعوط المجانين ..

ما شاء الله عليك ياخلف الغريب .... وياسعوط المجانين

ابداعكم يحل أين ما تتواجدان لله دركم على هذا التميز

يالفقيري... ويالولدعي بيض الله وجيهكم والنعم فيكم يالبنيخي ...وتروني ما سك الصف انا وصقر الصقور...

تقبلوا تحيااااتي

سعوط المجانين

14/03/08 (07:47 PM)

رد: تعاااال يا سعوط المجانين ..

ياهلا ومرحبا

وجهك ابيض وماعليك زود يالجعفري

شاكر لك متابعتك والله لايهينك

,,

خلف الغريب

14/03/08 (08:05 PM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة سعوط المجانين (المشاركة 191858)

السالفه بها ضرب عصي؟

مادون اللحق الا اليدين

ايه .. بانت آثار الضربات ....

الهرج واجد لكن افعولكم وين=اشوف قاف البيت صاير به خلاف
هذي سواتي مع جميع الشياطين=أقرا المعوذتين والحقها الاعراف

سعوط المجانين

14/03/08 (10:35 PM)

رد: تعاااال يا سعوط المجانين ..

لايابن الحلال الضربات اللي انت تشوف ماهي منك

هذا سلمك الله ذاك اليوم اتمازح لي مع اسد وتقل تحمس ومخش خشتي

عاد انا اكثر مزحي مع الاسود مثل ابو فهد مايمزح الا مع الديبان

منته حبيّب لا ولاتركي 2000 = يومك تقول القافيه صابها ارجاف
الفعل فعل مرجحين الموازين = وانا حفيد اهل المواقيف الاشراف

بنت العبيّه

14/03/08 (11:51 PM)

رد: تعاااال يا سعوط المجانين ..

اللــه يمســيكــم بـا الخـــير....

الأفــاضــل...........شــعـراءنــا الـمبـــدعيــن.........................خــلــف الغــريـب/ سـعـــوط الـمجــانيـن...

مـتابـعــه وبـشــغـف...

ابـدعـــتوا وامــتعــتونــا.بــس واللــه انـي خــايــفه مـن تـليــتهـا...

تحــياتــي للـــجميــع...

سعوط المجانين

15/03/08 (02:19 PM)

رد: تعاااال يا سعوط المجانين ..

بنت العبيه

شاكرين المتابعه والله لايهينك

ولاتخافين هذي مزوح ماتعدا نطاق المحاوره

ولابد من ذلك لأن محاوره تدخل فيها المجاملات ماهي محاوره

,,

خلف الغريب

15/03/08 (10:08 PM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة سعوط المجانين (المشاركة 191893)

والله ما ندري وش السالفة يا سعوط المجانين ..؟؟؟ انت والاسود وفواز الغسلان مع الديبان ( الظاهر تشتغلون مروضين وحوش بس جاكم وحش ما هو والترويض ).

اخافك مثل الي طلبوا عليه شعر من لبدة الاسد مهر لحبيبته و راح جاب شعر من عنز

ويوم جا قالوا ليش الشعر لونه اسود ؟ قال انا مسكت الاسد بالليل ..

ان كان طيبك من جدود قديمين=ترا الفتى من فعل يمناه ينشاف
يوم الاحد ما يشبه ليوم الاثنين =وميقاف ليه عن ثمانين ميقاف

سعوط المجانين

16/03/08 (12:09 AM)

رد: تعاااال يا سعوط المجانين ..

هههههههههههههههههههه اجل ماسكه بالليل

صح لسانك ياخلف ولاهنت وتشرفت باللعب معك وبيننا محاورات قادمه بإذن الله

تقديري

,,

ماجد الغانم

16/03/08 (01:22 AM)

رد: تعاااال يا سعوط المجانين ..

الأخ العزيز خلف الغريب .........

والأخ العزيز سعوط المجانين ...

الله يعطيكم العافية ............

أمتعتونا بالفعل لله دركما

دمتم بكل خير

ودااااااام هذا التميز ...

تقبلوا تحيااااااااتي

خلف الغريب

16/03/08 (09:31 AM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة ماجد الجعفري (المشاركة 191862)

الكريم الفاضل : ماجد الجعفري ...

ما عليك زود و بيض الله وجهك وما قصرت يا مشرفنا العزيز ....

شرفتنا بمرورك ..

خلف الغريب

16/03/08 (09:38 AM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة بنت العبيّه (المشاركة 191900)

اختنا الفاضلة دوما بنت العبية ...

اسعدتنا متابعتك ..ولا تخافين انا ماراح اسوي له شيء. ما ابغى اشارك الاسود بوجبتها الشهية ..
أحب أفترس لحالي ... ( عندي نزعة سادية )

تحيايت لك ِ ..

خلف الغريب

16/03/08 (09:47 AM)

رد: تعاااال يا سعوط المجانين ..

اقتباس:

المشاركة الأصلية كتبت بواسطة سعوط المجانين (المشاركة 191992)

هلا والف هلا بسعوط المجانين ..

صح بدنك على بيوتك الجزلة وانا اللي تشرفت باللعب معك ..

تحياتي لك ايها الرائع ...

صالح الجطيلي

24/03/08 (12:25 AM)

رد: تعاااال يا سعوط المجانين ..

الله الله

خلف و سعوط المجانين

والله كلكم مبدعين وحنا ترى طماعين نبي منكم تكرونها

صح لسانك ياخلف شاعر رائع

سعوط المجانين صح لسانك شاعر رائع

اااسف لتاخري والعوض با المقبلات ان شاء الله

جعلكم سالمين يا الاجواد

حمد الخمعلي

31/03/08 (06:01 PM)

رد: تعاااال يا سعوط المجانين ..

خلف الغريب

سعوط المجانين

امتعتونا وصح الله السنتكم

تقديري

الساعة الآن (02:07 PM)

Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه